Jɔna 2:1-10
2 Oma laasɔ, Jɔna akalɔmbɛ Jehowa Nzambi kande l’otema wa lose,+
2 ndo nde akate ate:
“Dimi lakalelɛ Jehowa lo sui diami, ko nde akankadimola.+
Dimi lakalɔmbɛ ekimanyielo+ oma lo ɛhɔngɔ* wa Diombo.*
Wɛ akoke dui diami.
3 Etena kakayambikasha lo ɛhɔngɔ, lo otema wa ndjale ka hwe,Pedu kakamɛmbɛ.+
Asuku ayɛ tshɛ wa wolo ndo pedu wakete la diko diami.+
4 Ndo dimi lakate nte: ‘Dimi lakatshanyema oma lo washo ayɛ!
Ngande wayomenda tɛmpɛlɔ kayɛ k’ekila nto?’
5 Ashi wakanyinge ndo wakadje lɔsɛnɔ+ lami lo waale;*Ashi wa dingunda wakambifɛ.
Adiyo wa l’etei k’ashi wakakombe ɔtɛ ami.
6 Dimi lakaholɔ polo l’ɛse k’akona.
Tokengete ta nkɛtɛ takankombe pondjo.
Koko Jehowa Nzambi+ kami le, wɛ akatondja lɔsɛnɔ lami oma lo difuku.
7 Etena kakatashishɔka lɔsɛnɔ* lami, Jehowa kele Ɔnɛ lakamohɔ.+
Ko dɔmbɛlɔ diami diakakome le yɛ, lo tɛmpɛlɔ+ kayɛ k’ekila.
8 Wanɛ wamboyakimɔ le dikishi di’anyanya, sɛkaka kiɔkɔ ya ngandji kawɔ ka kɔlamelo.*
9 Koko le mi, dimi layokolambola la dui dia eokelo ka losaka.
Dimi layokotsha+ dɔkɔlɔkɔ diakamatshike.
Panda ndjaaka oma le Jehowa.”+
10 L’ɔkɔngɔ diko, Jehowa akadjangɛ lose, ko lɔ lakatowɔ Jɔna lo nkɛtɛ y’ofumbo.
Nɔtɛ ka l'ɛse ka dikatshi
^ Tshɛk., “dikundju.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “Ashi wakadinge anima ami.”
^ Kana “anima.”
^ Kana ondo “kɔlamelo yawɔ.”
