Jɛrɛmiya 1:1-19
1 Ɔnɛ ele ɛtɛkɛta wa Jɛrɛmiya* ɔna Hilikiya, ɔmɔtshi l’atei w’ɛlɔmbɛdi wa la Anatɔta+ lo ɛtshi ka nkɛtɛ ka Bɛnjamina.
2 Ɔtɛkɛta wa Jehowa wakaye le nde lo nshi ya Jɔsiya+ nkumekanga ka Juda ɔna Amɔna,+ lo ɔnɔnyi wa 13 w’ɛlɔmbwɛlɔ kande.
3 Vɔ wakaye nto lo nshi ya Jɛhɔyakima+ nkumekanga ka Juda, ɔna Jɔsiya polo l’ekomelo k’ɔnɔnyi wa 11 w’ɛlɔmbwɛlɔ ka Zɛdɛkiya+ nkumekanga ka Juda, ɔna Jɔsiya polo lam’akatshu Jɛrusalɛma lo lɔhɔmbɔ lo ngɔndɔ ka 5.+
4 Ɔtɛkɛta wa Jehowa wakaye le mi ɔnɛ:
5 “Dimi lakakeye* la ntondo ka dimi kokenga lo otema,+Ndo dimi lakakokidia* la ntondo ka wɛ mbotɔ.*+
Dimi lakaketɛ omvutshi wa wedja.”
6 Koko dimi lakate nte: “Hayii, Nkum’Olongo Nkumadiɔndjɔ Jehowa!
Dimi haleye ntɛkɛta,+ nɛ dia leke dikɛnda.”*+
7 Oma laasɔ Jehowa akambutɛ ate:
“Takota wate: ‘Dimi leke dikɛnda.’
Nɛ dia wɛ pombaka ntshɔ le wanɛ tshɛ wayomokotoma,Ndo wɛ pombaka mbuta kɛnɛ tshɛ kayomokodjangɛ.+
8 Tokake ɛnamelo kawɔ wɔma,+Nɛ dia ‘dimi lekɔ kaamɛ la yɛ dia koshimbɛ,’+ mbata Jehowa.”
9 Ko Jehowa akasembola lonya lande ndo akankimɛ l’onyɔ.+ Jehowa akambutɛ ate: “Dimi lambodja ɛtɛkɛta ami l’onyɔ ayɛ.+
10 Eenda, dimi lambokosha ɔkɛndɛ ɛlɔ dia wɛ monga laadiko dia wedja ndo laadiko dia waolelo, dia nkundola ndo dia nyukola, dia nanya ndo dia mpandjola, dia mbika ndo dia monɛ.”+
11 Ɔtɛkɛta wa Jehowa wakaye nto le mi ɔnɛ: “Kakɔna kɛnayɛ na Jɛrɛmiya?” Ko dimi lakate nte: “Dimi lekɔ lo mɛna lotahe l’osongo w’amandɛ.”*
12 Jehowa akambutɛ ate: “Wɛ ambɛna dimɛna, nɛ dia dimi lekɔ lo nsɛna wolo lo dikambo di’ɔtɛkɛta ami dia mbokotsha.”
13 Ɔtɛkɛta wa Jehowa wakaye le mi mbala ka 2 ɔnɛ: “Kakɔna kɛnayɛ?” Ko dimi lakate nte: “Dimi lekɔ lo mɛna mpoke* kadɔdɔ* ndo onyɔ atɔ mɛngama oma lo nɔrdɛ.”
14 Ko Jehowa akambutɛ ate:
“Mpokoso kayoya oma lo nɔrdɛOya le wanɛ tshɛ wadjasɛ lo wodja.+
15 Nɛ dia Jehowa+ kata ate: ‘Dimi layanga ntshumanya nkumbo tshɛ ya lo waolelo wa lo nɔrdɛ,Ndo vɔ wayoya; onto l’onto ayokitsha kiti kande ka lowandjiLo ɛɔtwɛlɔ k’asoko wa Jɛrusalɛma,+Dia ndɔsha mpele diayɔ dioyidingiNdo dia ndɔsha esomba tshɛ wa la Juda.+
16 Ko dimi layewoya dombwelo diami le wɔ l’ɔtɛ wa kɔlɔ yawɔ tshɛ,Nɛ dia vɔ wambɔnsɛka,+Ndo vɔ wekɔ lo nambola tozambizambi tokina elambo wa lotshumba+Ndo wekɔ lo kusamɛ elimu w’anya awɔ hita.’+
17 Koko wɛ pombaka ndjalɔngɔsɔla dia nsala dui dimɔtshi,*Ndo wɛ pombaka memala ko wɛ mbatɛ kɛnɛ tshɛ kakodjangɛmi.
Towaokake wɔma,+Diaha dimi kootsha wɔma la ntondo kawɔ.
18 Nɛ dia ɛlɔ, dimi lamboketɛ osomba wodingami la mpele,Ekundji ka lowolo ndo mpele dia nkonga dia ndɔshana la wodja w’otondo,+Le nkumi ya dikanga ya Juda ndo ewandji ayɔ,Le ɛlɔmbɛdi ayɔ ndo le anto wa lo wodja.+
19 Ndo vɔ mɛtɛ wayokɔlɔsha,Koko hawotokoleka wolo,*Nɛ dia ‘dimi lekɔ kaamɛ la yɛ dia koshimbɛ,’+ mbata Jehowa.”
Nɔtɛ ka l'ɛse ka dikatshi
^ Ondo kitshimudi ate: “Jehowa Kambodiya.”
^ Kana “lakakokitsha laande.”
^ Tshɛk., “la ntondo ka wɛ ntomba oma lo dikundju.”
^ Kana “lakakɔsɔnɛ.”
^ Kana “ɔlɔngɔ wa pami.”
^ Tshɛk., “ɔnɛ lele memɔ.”
^ Kana “mpoke k’onyɔ woke.”
^ Tshɛk., “kaviyawɔ,” mɛnyaka dja yaviyawɔ l’ɛse katɔ.
^ Tshɛk., “keketsha nkende yayɛ.”
^ Tshɛk., “kɔlɛndja.”
