Jɛrɛmiya 10:1-25
10 Luudu l’Isariyɛlɛ le, nyohokame ɔtɛkɛta wanyotɛ Jehowa.
2 Jehowa kata ate:
“Tanyekake mboka k’ase wedja,+Ndo tanyokake tolembetelo ta l’olongo wɔmaNɛ dia wedja tiokaka wɔma.+
3 Nɛ dia mbekelo y’anto yekɔ kashi.*
Ekɔ tsho osongo wa lo okonda wambɔkɔtama,Wakasɛlama la anya w’otshudi ndo la ehomɔ* kande.+
4 Vɔ mbɔlɛngaka la mfɛsa ndo la paonyi+Ndo mbokakatanyaka la maditɔ ndo la nsɛti diaha vɔ nkɔ.+
5 Oko ɛngɔ kasha wɔma lo ekambɔ ka kɔkɔmbrɛ, dikishi sɔ hadiokoke ntɛkɛta;+Vɔ diɛmbaka lɛmba, nɛ dia diɔ hadiokoke nkɛndakɛnda.+
Tanyodiokake wɔma, nɛ dia diɔ hadiokoke nsala kɔlɔ,Ndo hadiokoke nsala ndooko ɔlɔlɔ.”+
6 Jehowa le,+ ndooko onto lele oko wɛ.
Wɛ ekɔ woke, lokombo layɛ lekɔ woke ndo wolo.
7 Nkumekanga ka wedja le,+ akɔna ahahombe koka wɔma, nɛ dia dui sɔ sunganaka;Nɛ dia l’atei w’akanga wa tomba tshɛ wa lo wedja ndo l’atei wa waolelo awɔ tshɛ,Ndooko ɔnɛ lele oko wɛ.+
8 Vɔ tshɛ wekɔ dipɔka ndo dinginya.+
Wetshelo w’oma le osongo wekɔ kashi*+ tshɛ lo tshɛ.
9 Pase dia mfɛsa ndjaka oma la Tarashishi+ ndo paonyi oma la Ufaza,Olimu w’otshudi, w’anya w’otshudi wa mbolo.
Ahɔndɔ awɔ wekɔ wa bule ndo wakasalema la wɛɔsa w’ebelabela.
Vɔ tshɛ wakasalema oma le ekambi wele la diewo.
10 Koko Jehowa ekɔ mɛtɛ Nzambi.
Nde ekɔ Nzambi kasɛna+ ndo Nkumekanga ka pondjo.+
Nkɛtɛ kayodidima+ l’ɔtɛ wa nkɛlɛ kande,Ndo wedja hawotokikɛ odudu ande.
11 * Kanyowate nyate:
“Tozambizambi taki kosala olongo ndo nkɛtɛTayolanyema oma la nkɛtɛ ndo oma l’ɛse k’olongo.”+
12 Nde kele Otungi wa nkɛtɛ oma lo wolo ande,Ɔnɛ lakashikikɛ nkɛtɛ y’ɛtɛtɔ oma lo lomba lande+Ndo lakananula olongo oma lo yimba yande.+
13 Etena kokiyande dui diande,Ashi wa l’olongo mongaka lo lofunguso,+Ndo nde salaka dia wange* mbidɛ oma lo tokoma ta nkɛtɛ;+
Nde salaka angadimu dikambo dia* mvula;Ndo nde mbelaka lɔpɛpɛ oma lo mvudu yande ya eombelo.+
14 Onto tshɛ salaka akambo aha la nkanyiya ndo aha la ewo.
Otshudi wa mbolo tshɛ ayoshama nsɔnyi l’ɔtɛ w’ekishi;+Nɛ dia ekishi kande ka lowolo kekɔ kashi,Ndo diɔ bu la lomu.+
15 Diɔ diekɔ lokeso,* olimu wa lɔsɔkɔ.+
Etena kayokoka lushi la kilombo kadiɔ, diɔ diayolanyema.
16 Yema yaki Jakɔbɔ bu oko diangɔ sɔ,Nɛ dia nde kele Ɔnɛ lakakenge ɛngɔ tshɛ,Ndo Isariyɛlɛ ekɔ danga diande dia okitɔ.+
Jehowa kanga lolembelembe kele lokombo lande.+
17 Tɔngɔna otshumu ayɛ oma la nkɛtɛ,Wɛ womoto lodjashi lo dihole diambodingama.
18 Nɛ dia Jehowa kata ate:
“Dimi layanga mbitshanya* anto oma lo wodja lo etena kɛnɛ,+Ndo dimi layosala dia vɔ diɛnɛ la shɔkɔ.”
19 Mananu le mi l’ɔtɛ wa elanyelo kami!*+
Mpota kami hakoke nkɔnɔ.
Ndo dimi lakate nte: “Lo mɛtɛ ɔnɛ ekɔ hemɔ kami, ndo dimi pombaka kikikɛ.
20 Luudu lami la dipɛma lambolanyema, ndo ɛkɔdi wa luudu lami la dipɛma tshɛ wambohembɔ.+
Anami wambontshika ndo vɔ waya bu.+
Ndooko onto lotshikadi dia mbetola luudu lami la dipɛma kana monyiya ahɔndɔ wa luudu lami la dipɛma.
21 Nɛ dia alami w’ɛkɔkɔ wambosala akambo oko akanga wa dinginya,+Ndo vɔ komimbola Jehowa kanyi.+
Diakɔ diele vɔ kosala akambo la shɛnɔdi,Ndo wambohandjola dongalonga diawɔ tshɛ.”+
22 Hokamɛ, losango! Lɔ lekɔ lo ndjaye!
Dikita dia wolo oma lo wodja wa lo nɔrdɛ,+Dia mbetɛ esomba wa Juda tɔngɔ to, edjaselo ka waa mbolo.+
23 Jehowa le, dimi mbeyaka dimɛna dia onto bu l’akoka wa ndjalɔmbɔla.
Lam’akɛndakɛnda onto, nde bu la lotshungɔ la nɔmbɔla kaanga ekolo ande.+
24 Jehowa le, omingole la losembwe,Koko aha lo nkɛlɛ kayɛ,+ diaha wɛ mbetɛmi ɛngɔ k’anyanya.+
25 Otshole odudu ayɛ le wedja wahakeye+Ndo le nkumbo yahelɛ* lokombo layɛ.
Nɛ dia vɔ wambɔlɛ Jakɔbɔ,+Ɛɛ, vɔ wambɔɔlɛ polo lo mbomana,+Ndo wambetɛ ngelo kande tɔngɔ to.+
Nɔtɛ ka l'ɛse ka dikatshi
^ Kana “anyanya.”
^ Kana “kaku.”
^ Kana “anyanya.”
^ Div. 11 diakafundama ntondo lo Arameyɛ.
^ Kana “ɛsɛsɛ w’ashi dikambo dia.”
^ Kana “edinga.”
^ Kana “anyanya.”
^ Kana “mbikasha.”
^ Kana “wamomatshatshema!”
^ Kana “yahatɛndɛ.”
