Jɛrɛmiya 12:1-17
12 Jehowa le,+ wɛ ekɔ ɔlɔlɔ, etena kayami la dikambo le yɛ,Etena katɛkɛtami la yɛ akambo wendana la losembwe.
Lande na kele mboka k’akanga wa kɔlɔ ndowanaka,+Ndo lande na kahayakiyanya afungi?
2 Wɛ akawaonɛ ndo vɔ wakake edio.
Vɔ wakole ndo wakatɔ elowa.
Wɛ ekɔ lo ɛlɔmɔ awɔ, koko mangana etale la tokanyi t’etema awɔ.*+
3 Koko Jehowa le,+ wɛ mbeyakami dimɛna, wɛ mɛnakami;Wɛ akasɛdingola otema ami ndo akɛnyi dia vɔ wekɔ kaamɛ la yɛ.+
Sɔtɔlawɔ oko ɛkɔkɔ wayanga ndjakema,Ndo kitshawɔ lo omamu dia lushi l’ediakelo.
4 Polo l’etena kakɔna kahomba wodja nɛngɛNdo tombatomba dia lo ekambɔ tshɛ moma?+
L’ɔtɛ wa kɔlɔ ka wanɛ wadjasɛ lɔkɔ,Nyama ndo tofudu tamboshila oshiki.
Nɛ dia vɔ wakate vate: “Nde hɛnyi kɛnɛ kayotokomɛ.”
5 Naka wɛ nɛmbaka lo ndawɔ kaamɛ la anto watalawɔ l’ekolo,Ngande wakokayɛ nsaka lowango kaamɛ la mfalasa?+
Oyadi wɛ ekɔ lo ndjaɛkɛ lo wodja wa wɔladi,Ngande wayoyosala l’atei wa tohoka ta weke tele l’omamu wa Jɔrdana?
6 Nɛ dia oyadi ananyɔ hita, ase luudu la shɔ pɛtɛ pɛtɛ,Wakakosalɛ akambo la lokeso.+
Vɔ wakakodɛ dielo dia wolo.
Aha wɛ monga la mbetawɔ le wɔ,Oyadi vɔ kokotɛka awui w’amɛna.
7 “Dimi lakasɛkɛ luudu lami;+ dimi lakatshike etenyi kami k’okitɔ.+
Dimi lakakimɔ olangemi ami* wa mamba lo anya w’atunyi ande.+
8 Etenyi kami k’okitɔ kakonge le mi oko ntambwɛ lo okonda.
Nde akandjikitɛ.
Ɔnkɔnɛ, dimi lakayoohetsha.
9 Etenyi kami k’okitɔ kekɔ le mi oko fudu kele l’alangi efula* kalɛ emunyi;Tofudu tokina talɛ emunyi tambokidinga ndo tambokilɔsha.+
Nyoye, nyotshumane kaamɛ, nyu nyama tshɛ ya l’okonda,Nyoye dia ndjɔlɛ.+
10 Alami efula w’ɛkɔkɔ wakalanya ekambɔ kami ka vinyɔ;+Vɔ wakahɔtshahɔtsha ɛtshi kami ka nkɛtɛ.+
Vɔ waketɛ ɛtshi kami ka nkɛtɛ kalangami oswe wa shɛnga.
11 Tɔ kaya dihole dia hwe.
Tɔ kambɔlɛngɛ;*Tɔ kambolana la ntondo kami.+
Wodja w’otondo wambolanyema,Koko ndooko onto ladja dui sɔ l’otema.+
12 Lo mboka tshɛ yambolana ya l’oswe, andanyishi wamboya,Nɛ dia lokuwa la ta la Jehowa lekɔ lo talanya oma lo koma mɔtshi ya wodja polo lo koma kina.+
Ndooko onto* lele lo wɔladi.
13 Vɔ wakonɛ eponga, koko wakane atɛndɛ.+
Vɔ wamboyalɛndja vɔamɛ, koko aha la nkondja wahɔ.
Vɔ wayoshama nsɔnyi l’ɔtɛ wa kɛnɛ kayowonaL’ɔtɛ wa nkɛlɛ ka Jehowa kalombalomba.”
14 Nganɛ mbata Jehowa lo dikambo di’asekami tshɛ wele akanga wa kɔlɔ, wanɛ wananda etenyi k’okitɔ kakamasale dia Isariyɛlɛ wodja ami nkondja:+ “Dimi layanga mbakundola oma lo wodja awɔ+ ndo layokundola luudu la Juda oma l’atei awɔ.
15 Koko l’ɔkɔngɔ wa dimi mbakundola, dimi layowaoka kɛtshi nto ndo layokaloya onto l’onto la l’atei awɔ otsha lo etenyi kande k’okitɔ ndo lo wodja ande.”
16 “Ndo naka vɔ ndjashikikɛ dia mbeka mboka ya wodja ami ndo ntshiba lo lokombo lami ɔnɛ: ‘Lo mɛtɛ oko wele Jehowa la lɔsɛnɔ!’ oko wakawalakanya wodja ami dia ntshiba lo lokombo la Baala, kete vɔ wayohikama l’atei wa wodja ami.
17 Ko naka vɔ ntona nkitanyiya, dimi la wɔ layokundola wodja akɔ, mbokundola ndo mbolanya,” mbata Jehowa.+
Nɔtɛ ka l'ɛse ka dikatshi
^ Kana “nsaki yoleki l’etei.” Tshɛk., “awondo.”
^ Kana “olangemi wa anima ami.”
^ Kana “k’awadi awadi.”
^ Kana ondo “kekɔ lo otanda.”
^ Tshɛk., “Ndooko omunyi.”
