Jɛrɛmiya 13:1-27
13 Jehowa akambutɛ ate: “Tshɔka, tosombe oya wa linɛnɛ kele owɔlɔtɛ lo lokende, koko towodjake lo ashi.”
2 Ko dimi lakatosomba oya oko wakate Jehowa ndo lakɔɔlɔtɛ lo lokende lami.
3 Ɔtɛkɛta wa Jehowa wakaye le mi mbala ka 2 ɔnɛ:
4 “Ɔsa oya wakayasombe ndo wɔlɔtshiyɛ kele onɛɛ, tshɔka otsha lo Efaratɛ towoshɛ lɛkɔ lo wooko wa dive.”
5 Ko dimi lakatshu ndo lakatowoshɛ suke la Efaratɛ, oko wakambidjangɛ Jehowa.
6 Koko l’ɔkɔngɔ wa nshi efula, Jehowa akambutɛ ate: “Onɛɛ, tshɔka lo Efaratɛ kele tɔshi oya wakamakodjangɛ dia toshɛ lɛkɔ.”
7 Ko dimi lakatshu lo Efaratɛ ndo lakatokundola oya, ko lakawɔshi oma lo dihole diakamawoshɛ ndo lakɛnyi dia oya akɔ wakalana; hawoyokoka nkamba la wɔ kaanga yema.
8 Oma laasɔ, ɔtɛkɛta wa Jehowa wakaye le mi ɔnɛ:
9 “Jehowa kata ate: ‘Woho akɔ waamɛ mbayomolanya otako wa Juda ndo otako w’efula wa Jɛrusalɛma.+
10 Anto wa kɔlɔ anɛ watona nkitanyiya ɛtɛkɛta ami,+ wayela la ɛtɛ wolo tshɛ etema awɔ hita+ ndo wayela tozambizambi tokina, watikambɛ ndo watikusamɛ, wayoyala paka oko oya ɔnɛ wahawayokoka nkamba la wɔ kaanga yema.’
11 ‘Nɛ dia oko watomamemaka oya lo lokende l’onto, dimi lakasale dia luudu l’otondo l’Isariyɛlɛ ndo luudu l’otondo la Juda mamemami,’ mbata Jehowa, ‘dia vɔ monga le mi wodja,+ lokombo,+ lotombo ndo ɛngɔ ka dimɛna efula. Koko vɔ kokitanyiya.’+
12 “Ndo wɛ pombaka nto mbatɛ losango lɔnɛ: ‘Jehowa Nzambi k’Isariyɛlɛ kata ate: “Mbaka tshɛ ka woke pombaka ndodiama la wanu.”’ Ndo vɔ wayokokadimola ɔnɛ: ‘Onde sho hateye edja kɛnɛ ɔnɛ mbaka tshɛ ka woke pombaka ndodiama la wanu?’
13 Ko wɛ mbatɛ wate: ‘Jehowa kata ate: “Dimi layanga mbidjoya anto tshɛ wadjasɛ lo wodja ɔnɛ,+ nkumi ya dikanga yadjasɛ lo kiti ka lowandji ka Davidɛ, ɛlɔmbɛdi la amvutshi ndo anto tshɛ wadjasɛ la Jɛrusalɛma.
14 Ndo dimi layowatɛtshatɛtsha onto la wonyande, ambutshi w’apami la ana w’apami,” mbata Jehowa.+ “Dimi halowaoka kandji kana monga la lɔkɔnyɔ kana kɛtshi kaanga yema; ndooko ɛngɔ kayonshimba dia dimi mbalanya.”’+
15 Nyohokame ndo nyodje yimba.
Tanyongake la lotamanya, nɛ dia Jehowa ambɔtɛkɛta.
16 Nyotombole Jehowa Nzambi kanyuLa ntondo ka nde mbela wodjimaNdo la ntondo ka ekolo anyu ntakana lo akona la tosho ta shimba.
Nyu nyayolongamɛ osase,Koko nde ayonyela wodjima wa hitɔɔ;Nde ayowetɛ wodjima wa tshududu.+
17 Ndo naka nyu ntona mpokamɛ,Dimi* layolela lo woshɛshɛ l’ɔtɛ w’otako anyu.
Dimi layotondja asɔyi efula ndo washo ami wayɔkɛdia asɔyi,+Nɛ dia dongalonga dia Jehowa+ diambɔtɔlama mfumbe.
18 Tɛ nkumekanga ndo nyango nkumekanga*+ wate: ‘Nyodjasɛ lo dihole dia l’ɛse,Nɛ dia dɛmbɔ diayɛ dia nkoso dia dimɛna diayɔkɔ oma l’ɔtɛ ayɛ.’
19 Esomba wa lo sidɛ wambodihama,* aha la onto lawadihola.
Ase Juda tshɛ wambɔtɔlama lo lɔhɔmbɔ, wambɔtɔlama tshɛ lo tshɛ lo lɔhɔmbɔ.+
20 Onyiya washo ayɛ kele enda wanɛ wayaye oma lo nɔrdɛ.+
Lende ele dongalonga diakawakosha, ɛkɔkɔ ayɛ w’amɛna?+
21 Kakɔna kayoyota etena kayoya dilanya diayɛOma le angɛnyi ayɛ wa ma ma wakayayange oma ko etatelo?+
Onde kandji ka lɔɔnɔ hokonda oko kɛnɛ katongaka la womoto latata lɔɔnɔ?+
22 Ndo etena kayoyoyambola lo otema ɔnɛ: ‘Lande na kambonkomɛ akambo anɛ?’+
Ekɔ l’ɔtɛ wa munga kayɛ ka woke mbakawakokolola ahɔndɔ ayɛ+
Ndo mbakawasalɛ tshindji diayɛ akambo la ngala.
23 Onde ose Kusha* koka ntshikitanya lokoho lande kana nkɔi awadi atɔ?+
Naka ngasɔ, kete nyu koka nsala ɔlɔlɔ,Nyu wanɛ wakalowanyema dia nsala kɔlɔ.
24 Ko dimi layowahandjola oko nsɔdu yambɛmbama la lɔpɛpɛ la l’oswe.+
25 Ɔnɛ ekɔ etenyi kayɛ, etenyi kakamakɛdikɛ,” mbata Jehowa,“Nɛ dia wɛ akambohɛ+ ndo wɛ ekɔ lo ndjaɛkɛ lo awui wa kashi.+
26 Ɔnkɔnɛ, dimi layonya ahɔndɔ ayɛ oma lo elungi kayɛ,Ko nsɔnyi kayɛ kayɛnama,+
27 Etsha ayɛ wa loseka+ ndo delo diayɛ dia nsaki ka dieyanelo,Kinumba kayɛ ka nsɔnyi.
Lo tokonakona, l’oswe,Dimi lakɛnyi lɔkɛwɔ layɛ la nyɛtɛɛtɛ.+
Jɛrusalɛma le, mananu le yɛ!
Polo l’etena kakɔna kayoyotetemala monga mindo?”+
Nɔtɛ ka l'ɛse ka dikatshi
^ Kana “Anima ami.”
^ Kana “womoto.”
^ Kana “wambodingama.”
^ Kana “ose Etiyɔpiya.”
