Jɛrɛmiya 14:1-22
14 Ɔtɛkɛta wa Jehowa wakaye le Jɛrɛmiya lo dikambo dia deko di’ɔwɔ ɔnɛ:+
2 Juda ekɔ lo otanda+ ndo asoko ayɔ wambolanyema.
Vɔ wambodjasɛ lo nkɛtɛ la lonyangu,Ndo okoko wekɔ lo mbokɛma oma la Jɛrusalɛma.
3 Ɛnɛnɛ awɔ wambotoma ekambi* awɔ dia toyanga ashi.
Vɔ wambotshɔ lo afuku w’ashi,* ko vɔ hawotanyi ashi.
Vɔ wambokalola la diangɔ diawɔ hwe.
Vɔ wamboshama nsɔnyi ndo wambɛmba ɛkɔndjɔ.Ndo vɔ wambokomba ɛtɛ awɔ.
4 Dikambo nkɛtɛ yambatatɛ,Nɛ dia mvula halɔ lo wodja,+Akambi wa dikambɔ wekɔ la lonyangu ndo wambokomba ɛtɛ awɔ.
5 Oyadi lofumbɔ la l’oswe ambotshika ɔnalɔ leke ka mbotɔNɛ dia adiyo bu.
6 Mponda ya l’okonda yambemala lo tokonakona ta hwe.
Yɔ yekɔ lo pɛnganɛ oko mbolo;Washo ayɔ wambɔlɛmba, nɛ dia tombatomba bu.+
7 Kaanga mbatɔsɔngwɛ munga yaso hita,Jehowa le, sala akambo l’ɔtɛ wa lokombo layɛ.+
Nɛ dia etsha aso waha la kɔlamelo wekɔ efula,+Ndo wɛ mbakatasalɛ pɛkato.
8 Elongamelo k’Isariyɛlɛ le, Oshimbedi awɔ+ lo tena di’asui,Lande na kayayɛ oko ɔngɛndangɛnda lo wodja,Oko ɔmɛngɔdi wemala paka la otsho dia ndala?
9 Lande na kayayɛ oko onto lambokashimɔ,Oko pami kele la wolo kahakoke shimbɛ?
Nɛ dia Jehowa le,+ wɛ ekɔ l’atei aso,Ndo sho takelamɛ lo lokombo layɛ.+
Totɔsɛkake.
10 Jehowa kata lo dikambo di’anto anɛ ate: “Vɔ nangaka mbekekɔ;+ vɔ konama ekolo awɔ.+ Diakɔ diele Jehowa kombangɛnangɛna.+ Wonya ɔnɛ, nde ayanga mbohɔ munga kawɔ ndo ayokoya la wɔ l’ɔtɛ wa pɛkato yawɔ.”+
11 Oma laasɔ, Jehowa akambutɛ ate: “Tɔlɔmbake dia ɔlɔlɔ w’anto anɛ.+
12 Etena kakilawɔ mbo ya ndɛ, dimi haahokamɛ ɛsɛngɔsɛngɔ awɔ,+ ndo etena kalambolawɔ elambo wa lotshumba w’etondo ndo elambo wa ntɔngɔ, dimi haawangɛnangɛna,+ nɛ dia la lokuwa la ta, la ndjala ka kasha ndo la elando* mbayomowashila oshiki.”+
13 Ko dimi lakate nte: “Hayii, Nkum’Olongo Nkumadiɔndjɔ Jehowa! Amvutshi wekɔ lo mbatɛ ɔnɛ: ‘Nyu hanyotɛna lokuwa la ta ndo hanyotonga la ndjala ka kasha, koko Nzambi ayonyosha wɔladi wa mɛtɛ lo dihole nɛ.’”+
14 Oma laasɔ, Jehowa akambutɛ ate: “Amvutshi wekɔ lo mbuta prɔfɛsiya ya kashi lo lokombo lami.+ Dimi kombatoma, kombadjangɛ kana ntɛkɛta la wɔ.+ Vɔ wekɔ lo nyotɛ ɛnɛlɔ ka kashi,+ diendja di’anyanya ndo lokeso l’oma lo etema awɔ hita.
15 Ɔnkɔnɛ, Jehowa kata lo dikambo di’amvutshi wata prɔfɛsiya lo lokombo la mi, etena kele dimi kombatoma ndo wanɛ wata dia ndooko lokuwa la ta kana ndjala ka kasha kayonga lo wodja ɔnɛ ate: ‘La lokuwa la ta ndo la ndjala ka kasha mbayodiakema amvutshi asɔ.+
16 Ndo anto watɛwɔ prɔfɛsiya wayokashema lo toshinga ta la Jɛrusalɛma l’ɔtɛ wa ndjala ka kasha ndo wa lokuwa la ta aha la onto lawakundɛ,+ vɔ, wadiɛwɔ, anawɔ w’apami kana anawɔ wa wamato, nɛ dia dimi layowahongolɛ mpokoso kɛdimi la wɔ.’+
17 “Wɛ pombaka mbatɛ ɛtɛkɛta ɛnɛ:‘Washo ami wakɛdia asɔyi otsho la yanyi, aha vɔ mpekɔ,+Nɛ dia wambominola ɔna womoto la emuma la wodja ami tshɛ lo tshɛ ndo wamboohumuya,+La mpota ka wolo efula.
18 Etena katombami otsha l’oswe ndo kendami,Dimi mɛnaka wanɛ wakadiakema la lokuwa la ta!+
Ndo naka lambɔtɔ lo osomba,Dimi mɛnaka hemɔ yaya oma lo ndjala ka kasha!+
Nɛ dia omvutshi la ɔlɔmbɛdi wambekekɔ lo wodja wahaweye.’”+
19 Onde wɛ ambotona Juda tshɛ lo tshɛ, kana onde wɛ* ambohetsha Siɔna?+
Lande na kamboyotɔkɔmɔla woho wahatakoke nkɔnɔ?+
Elongamelo ka wɔladi kakikɔ, koko ndooko dui di’ɔlɔlɔ diakaye,Etena k’ɛkɔnwɛlɔ, koko wɔma wekɔ!+
20 Jehowa le, sho mbeyaka kɔlɔ yaso,Ndo munga ka watshɛso,Nɛ dia sho takakosalɛ pɛkato.+
21 L’ɔtɛ wa lokombo layɛ, totokalɛke;+Tɔnyɔlake kiti kayɛ ka lotombo.
Ohɔ ndo tolanyake sheke yakayadje la so.+
22 Onde dikishi di’anyanya di’ase wedja koka ndɔsha mvula,Kana onde olongo vɔamɛ koka ndɔsha mvula ngembe?
Jehowa Nzambi kaso le,+ shi paka Wɛmɛ oto?
Ndo le yɛ mbalongamɛso,Nɛ dia wɛmɛ kakasale diangɔ nɛ tshɛ.
Nɔtɛ ka l'ɛse ka dikatshi
^ Kana “anto awɔ wa totshitshɛ.”
^ Kana “ɛkɛdi; tɛkɔ di’ashi.”
^ Kana “hemɔ.”
^ Kana “anima ayɛ.”
