Jɛrɛmiya 21:1-14
21 Jɛrɛmiya akalongola ɔtɛkɛta w’oma le Jehowa etena kakatome nkumekanga Zɛdɛkiya+ Pashura+ ɔna Malakidja ndo Zɛfaniya+ ɔna Maseya ɔlɔmbɛdi le nde dia towɔlɔmba ɔnɛ:
2 “Lam’alangayɛ mbola Jehowa lo dikambo diaso, nɛ dia Nɛbukadinɛza* nkumekanga ka Babilɔna ambotatɛ tɔlɔsha.+ Ondo Jehowa ayosala dui diande dimɔtshi dia diambo lo wahɔ aso, dia nde tomwɛ.”+
3 Jɛrɛmiya akawatɛ ate: “Nyu pombaka mbutɛ Zɛdɛkiya ɔnɛ:
4 ‘Jehowa Nzambi k’Isariyɛlɛ kata ate: “Dimi layanga nyokadimolɛ* dihomɔ dia ta diele lo anya anyu hita oya le nyu, dialɔshanyu la diɔ nkumekanga ka Babilɔna+ ndo ase Kaladiya wanɛ wonyodingi wele l’andja w’ehele. Ko dimi layowatshumanya l’atei w’osomba ɔnɛ.
5 Ndo dimi dimɛ layonyɔlɔsha+ la lonya losembwe ndo lonya la wolo, la nkɛlɛ, la odudu ndo la yɛnyi y’efula.+
6 Dimi layɔkɔmɔla wanɛ wadjasɛ l’osomba ɔnɛ, ndo anto ndo nyama. Vɔ wayovɔ la olando* wa wolo.”’+
7 “‘“Ndo l’ɔkɔngɔ wa laasɔ,” mbata Jehowa, “Zɛdɛkiya nkumekanga ka Juda nde l’ekambi ande ndo anto wa l’osomba ɔnɛ, wanɛ wayohandɔ lo olando ɔsɔ, lo lokuwa la ta, ndo lo ndjala ka kasha, dimi layowakimɔ lo anya wa Nɛbukadinɛza* nkumekanga ka Babilɔna, lo anya w’atunyi awɔ, ndo lo anya wa wanɛ wayanga dia mbɔsa nsɛnɔ*+ yawɔ. Nde ayowadiaka la lokuwa la ta. Nde hatonyanga lo dikambo diawɔ, nde hatowaoka kandji, kana mbaoka kɛtshi.”’+
8 “Ndo wɛ pombaka mbutɛ anto anɛ ɔnɛ: ‘Jehowa kata ate: “Dimi lambokitsha la ntondo kanyu mboka ka lɔsɛnɔ ndo mboka ka nyɔi.
9 Wanɛ wayotshikala lo osomba ɔnɛ wayovɔ la lokuwa la ta, la ndjala ka kasha ndo la elando. Koko onto tshɛ layotshɔ l’andja ndo layoyakimɔ le ase Kaladiya wonyodingi, ayotetemala nsɛna ndo nde ayokondja lɔsɛnɔ* lande oko ɛngɔ ka dimbo.”’*+
10 “‘“Nɛ dia dimi lambɛdiya elungi kami le osomba ɔnɛ dia mpokoso koko aha lo dimɛna,”+ mbata Jehowa. “Vɔ wayokimɔma lo anya wa nkumekanga ka Babilɔna,+ ko nde ayowotshumba la dja.”+
11 “‘Ase luudu la nkumekanga ka Juda, nyohokame ɔtɛkɛta wa Jehowa.
12 Luudu la Davidɛ le, Jehowa kata ate:
“Nyosukɛke losembwe la pindju tshɛ,Ndo nyotshungole ɔnɛ lambovama oma lo anya w’ɔpɔtwanyi,+Diaha odudu ami mbidɔdɔ oko dja+Ndo ntshumba aha la onto layidimaL’ɔtɛ wa etsha anyu wa kɔlɔ.”’+
13 ‘Wɛ ɔnɛ ladjasɛ l’okidi* le, dimi layanga kɔlɔsha,Wɛ dive diele lo nkɛtɛ y’ebamubamu,’ mbata Jehowa.
‘Ndo nyu wanɛ wata ɔnɛ: “Onto akɔna ayoya dia ndjotɔlɔsha?
Ndo akɔna ayɔtwɛ didjaselo diaso?”
14 Dimi layokoya la nyuLo ndjela etsha anyu,’+ mbata Jehowa.
‘Ndo dimi layodja dja lo okonda ande,Ko yɔ yayotshumba diangɔ tshɛ diowodingi.’”+
Nɔtɛ ka l'ɛse ka dikatshi
^ Tshɛk., “Nɛbukadrɛza,” yoho kina ya mfunda.
^ Kana “layanga nsekesola.”
^ Kana “hemɔ.”
^ Kana “nyanga anima awɔ.”
^ Tshɛk., “Nɛbukadrɛza,” yoho kina ya mfunda.
^ Kana “anima.”
^ Kana “ayohandɔ la lɔsɛnɔ lande.”
^ Kana “okidi w’ebamubamu.”
