Jɛrɛmiya 22:1-30
22 Jehowa kata ate: “Holɔ otsha lo luudu* la nkumekanga ka Juda, kele tewoya losango lɔnɛ.
2 Kote wate: ‘Hokamɛ ɔtɛkɛta wa Jehowa, wɛ nkumekanga ka Juda lodjashi lo kiti ka lowandji ka Davidɛ, wɛ la ekambi ayɛ ndo anto ayɛ, wanɛ wɔtɔ lo asoko anɛ.
3 Jehowa kata ate: “Nyosuke losembwe ndo sambo k’ɔlɔlɔ. Nyotshungole ɔnɛ lavama oma lo anya w’ɔpɔtwanyi. Tanyosoyake ndooko ɔngɛndangɛnda ndo tanyosalɛke ɔna etshike* kana wadi aki odo kɔlɔ.+ Ndo tanyɔkɛdiake ndooko dikila di’onto laha la onongo lo dihole nɛ.+
4 Nɛ dia naka nyu mbidja yimba dia nkitanyiya ɔtɛkɛta ɔsɔ, kete nkumi ya dikanga yadjasɛ lo kiti ka lowandji ka Davidɛ+ wayɔtɔ lo asoko wa luudu lɔnɛ, wahemi lo pusupusu ndo lo mfalasa, vɔ la ekambi awɔ ndo anto awɔ.”’+
5 “‘Koko naka nyu hanyokitanyisha ɛtɛkɛta ɛsɔ, dimi dimɛ lambotshiba,’ mbata Jehowa, ‘dia luudu lɔnɛ layonga dihole diambolanyema.’+
6 “Nɛ dia Jehowa kata lo kɛnɛ kendana la luudu la nkumekanga ka Juda ate:‘Wɛ ekɔ le mi oko Ngiliyadɛ,Oko shɔdi ya Lɛbanɔna.
Koko dimi layoketɛ oswe wa shɛnga;Ndooko osomba ayɛ wayodjasɛ anto lɔkɔ.+
7 Ndo dimi layɔsɔna* andanyishi dikambo diayɛ,Onto l’onto la dihomɔ diande dia ta.+
Vɔ wayɔkɔta esongo ayɛ w’elondo woleki amɛnaNdo wayowakɔsha lo dja.+
8 “‘Ndo wedja efula wayeta suke la osomba ɔnɛ ko wayotanɛ ɔnɛ: “Lande na kakasalɛ Jehowa osomba wa woke ɔnɛ dui dia nganɛ?”+
9 Ko vɔ wayokadimola ɔnɛ: “Nɛ dia vɔ wakatshike sheke ya Jehowa Nzambi kawɔ, wakakusamɛ tozambizambi tokina ndo wakatikambɛ.”’+
10 Tanyolelake ɔnɛ lambovɔ,Ndo tanyowokake kandji.
Koko nyolele efula dikambo dia ɔnɛ latatshu,Nɛ dia nde hokalola nto dia ndjɛna wodja ande wa lootɔ.
11 “Nɛ dia Jehowa kata lo dikambo dia Shaluma*+ ɔna Jɔsiya, nkumekanga ka Juda lolɛ lo dihole dia Jɔsiya+ she ndo lakatombe oma lo dihole nɛ ate: ‘Nde hatokalola lɔkɔ nto.
12 Nɛ dia nde ayotovɔ lo dihole diakawɔɔtɔlɛ lo lɔhɔmbɔ ndo nde hatɛna wodja ɔnɛ nto.’+
13 Mananu le onto laka luudu lande aha la sambo k’ɔlɔlɔNdo mvudu yande ya la diko aha la losembwe,Ɔnɛ lakandja osekande olimu okandjakandja,Latona dia mbofuta difuto diande;+
14 Ɔnɛ lata ɔnɛ: ‘Dimi layoyakɛ luudu la wokeLele la mvudu ya ndala ya weke l’etei.
Dimi layodja adidishi lɔkɔNdo layolidja kadrɛma y’elondo ndo likita mukubu wa telele.’*
15 Onde wɛ ayotetemala mbolɛ nɛ dia wɛ ndeka anto akina lo woho wakambayɛ la abaya w’elondo?
Shɔ nde la wɔ akale ndo akanɔ,Koko nde akasukɛ losembwe ndo sambo k’ɔlɔlɔ,+Ndo akambo wakalowana le nde.
16 Nde akakokɛ lotshungɔ laki ɔmɛnyi mfɔnu ndo ose wola,Ko akambo wakalowana.
‘Shi kɛsɔ mbalembetshiya mbeyami?’ mbata Jehowa.
17 ‘Koko washo ayɛ ndo otema ayɛ wambɛlɛ paka lo wahɔ ayɛ wa la lokeso,Lo ɔkɛdiɛlɔ wa dikila diaha la onongo,Lo nsala awui w’okadi ndo ɔhɔtwanelo.’
18 “Jehowa kata lo dikambo dia Jɛhɔyakima+ ɔna Jɔsiya, nkumekanga ka Juda ate:‘Vɔ hawotowolela lo mbuta ɔnɛ:
“Hayii ɔnalengo! Hayii kadiyɛmi!”
Vɔ hawotowolela lo mbuta ɔnɛ:
“Hayii nkumɛmi! Hayii ɔnɛnɛ!”
19 Wayowokundɛ oko mponda,+Wayowokotola ndo wayowokasha,L’andja wa asoko wa Jɛrusalɛma.’+
20 Dɛ otsha la Lɛbanɔna kele tode okoko,Diya dui diayɛ la Bashana,Ndo da okoko oma la Abarimɛ,+Nɛ dia wanɛ tshɛ wakoka ngandji k’efula wambominɔma.+
21 Dimi lakakotɛ etena kakayayaokaka lo ekokelo.
Koko wɛ akate wate: ‘Dimi halokitanyiya.’+
Ɔsɔ mbele yoho yayɛ ya lɔsɛnɔ oma ko dikɛnda diayɛ,Nɛ dia wɛ kokitanyiya dui diami.+
22 Lɔpɛpɛ layɔlɔmbɔla alami ayɛ tshɛ w’ɛkɔkɔ,+Ndo wanɛ tshɛ wakoka ngandji k’efula wayotshɔ lo lɔhɔmbɔ.
Ko wɛ ayoshama nsɔnyi ndo ayɔnyɔma l’ɔtɛ wa mpokoso kayɛ tshɛ.
23 Wɛ ladjasɛ la Lɛbanɔna,+Ladjasɛ lo kefu l’atei w’esongo w’elondo,+Ande akumu wayoyokuma lam’ayoya asui le yɛ,Paa* kele oko ka womoto latata lɔɔnɔ!”+
24 “‘Lo mɛtɛ oko wemi la lɔsɛnɔ,’ mbata Jehowa, ‘kaanga otondongaka Kɔniya*+ ɔna Jɛhɔyakima,+ nkumekanga ka Juda ekɔ mpɛtɛ ka ohomɔ lo lonya lami l’omi, dimi lotokonya oma lɛkɔ!
25 Dimi layokokimɔ lo anya wa wanɛ wayanga dia mbɔsa lɔsɛnɔ layɛ,* lo anya wa wanɛ wokayɛ wɔma, lo anya wa Nɛbukadinɛza* nkumekanga ka Babilɔna ndo lo anya w’ase Kaladiya.+
26 Dimi layokokasha wɛ la nyɔ lakakoote, lo wodja wakinyu kombotɔ, ko nyu nyayotovɔ lɛkɔ.
27 Ndo vɔ hawotokalola pondjo lo wodja wakombolawɔ.*+
28 Onde pami kɛnɛ, Kɔniya ekɔ tsho mpoke kahetshama, kakolɛ,Ɛngɔ kele ndooko onto lakilanga?
Lande na kakawawakasha nde la tokanula tandeNdo kakawawakasha lo wodja wahaweye?’+
29 Nkɛtɛ* le, nkɛtɛ, nkɛtɛ hokamɛ ɔtɛkɛta wa Jehowa.
30 Jehowa kata ate:
‘Nyofunde lokombo la pami kɛnɛ oko onto lele bu la ana,Oko onto lahotondoya kaanga yema lo nshi yande ya lɔsɛnɔ,*Nɛ dia ndooko kanula yande yayotondoyaLo mbidjasɛ lo kiti ka lowandji ka Davidɛ ndo mbolɛ nto la Juda.’”+
Nɔtɛ ka l'ɛse ka dikatshi
^ Kana “luudu l’owandji.”
^ Kana “laha la she.”
^ Tshɛk., “layokidia.”
^ Nde kelamɛ nto Jɛhɔahaza.
^ Kana “beela.”
^ Tshɛk., “Kandji ka lɔɔnɔ.”
^ Nde kelamɛ nto Jɛhɔyakina ndo Jɛkɔniya.
^ Kana “wayanga anima ayɛ.”
^ Tshɛk., “Nɛbukadrɛza,” yoho kina ya mfunda.
^ Kana “otsha lo wodja wakawodia anima awɔ.”
^ Kana “wodja.”
^ Tshɛk., “nshi.”
