Jɛrɛmiya 31:1-40
31 Jehowa kata ate: “L’etena kɛsɔ, dimi layoyala Nzambi ka nkumbo tshɛ y’Isariyɛlɛ ndo vɔ wayoyala anto ami.”+
2 Jehowa kata ate:
“Anto wakahandɔ lo lokuwa la ta wakahomɔ lokolo l’ɔlɔ lo oswe wa shɛngaEtena kakatakɛndakɛndaka Isariyɛlɛ otsha lo dihole diande dia momuya.”
3 Jehowa akɛnɛ le mi oma l’etale ko akate ate:
“Dimi lakakolange la ngandji ka pondjo.
Diakɔ diakamakokotola oya le mi la ngandji ka kɔlamelo.*+
4 Dimi layokohika nto ndo wɛ ayohikama nto.+
Osekaseka w’emuma w’Isariyɛlɛ le, wɛ ayɔsa ngɔmɔ yayɛ ntoNdo ayotshɔ atanɔ lokombe la ɔngɛnɔngɛnɔ.*+
5 Wɛ ayokamba dikambɔ dia vinyɔ nto lo akona wa Samariya;+Wanɛ wonɛ wayonɛ ndo wayɔngɛnangɛna la elowa awɔ.+
6 Nɛ dia lushi layoya layowelɛ todjamu lo akona wa Efrayimɛ ɔnɛ:
‘Nyonee, todee la Siɔna, le Jehowa Nzambi kaso.’”+
7 Nɛ dia Jehowa kata ate:
“Nyodee Jakɔbɔ ekoko la ɔngɛnɔngɛnɔ.
Nyode ekoko w’ɔngɛnɔngɛnɔ nɛ dia nyu nyekɔ laadiko dia wedja.+
Nyewoya dui sɔ; nyotombole ndo nyote nyate:‘Jehowa le, shimbɛ anto ayɛ, atshikadi w’Isariyɛlɛ.’+
8 Dimi layanga mbakaloya oma lo wodja wa lo nɔrdɛ.+
Dimi layowatshumanya kaamɛ oma lo ahole woleki etale wa la nkɛtɛ.+
L’atei awɔ mbayonga kanga tshungu ndo kanga etshumbe,+Womoto lele la diemi ndo ɔnɛ latata lɔɔnɔ, vɔ tshɛ kaamɛ.
Vɔ wayokalola lanɛ+ oko etshumanelo ka woke.
9 Vɔ wayoya wayalele.+
Dimi layowalɔmbɔla etena kayowɔlɔmba dia mbokama kɛtshi.
Dimi layowalɔmbɔla otsha lo ɛkɛdi w’ashi,*+Lo mboka k’ebamubamu kahatowatakanya.
Nɛ dia dimi lekɔ She Isariyɛlɛ ndo Efrayimɛ ekɔ ɔnami l’enondo.”+
10 Nyu wedja, nyohokame ɔtɛkɛta wa Jehowa,Ndo nyewoya l’atei wa asɛnga w’etale ɔnɛ:+
“Ɔnɛ lakadianganya Isariyɛlɛ ayowotshumanya kaamɛ.
Nde ayowolama oko watolamaka olami dongalonga diande.+
11 Nɛ dia Jehowa ayotshungola Jakɔbɔ+Ndo ayowotsha* oma lo lonya la ɔnɛ lowoleki wolo.+
12 Vɔ wayoya ndo wayoda ekoko w’ɔngɛnɔngɛnɔ la diko dia Siɔna+Ndo wayonga l’ɔngɛnɔngɛnɔ l’ɔtɛ w’ɔlɔlɔ wa* Jehowa,L’ɔtɛ wa ntɔngɔ ndo wanu w’eyoyo+ la esɔ,Ndo l’ɔtɛ wa ɔsɔngɔ w’ɔkɔkɔ ndo ngɔmbɛ.+
Vɔ* wayonga oko ekambɔ katɛwɔ ashi dimɛna,+Ndo vɔ hawɔlɛmbaki nto pondjo.”+
13 “L’etena kɛsɔ, osekaseka w’emuma ayɔnɔ lokombe la ɔngɛnɔngɛnɔ,Ɛlɔngɔ w’apami vɔ lawɔ ndo esombe w’anto kaamɛ.+
Dimi layokadimola delo diawɔ ɔngɛnɔngɛnɔ.+
Dimi layowasamba ndo layowasha ɔngɛnɔngɛnɔ lo dihole dia lɔkɔnyɔ lawɔ.+
14 Dimi layosha ɛlɔmbɛdi* diangɔ tshavutshavu,*Ko anto ami wayolota ɔlɔlɔ ami,”+ mbata Jehowa.
15 “Jehowa kata ate:
‘Dui diekɔ lo mbokɛma la Rama,+ delo di’ɔkɛyi ndo delo dia wolo:
Rashɛlɛ ekɔ lo ndela anande w’apami.*+
Nde akatone sambema l’ɔtɛ w’anande w’apami,Nɛ dia vɔ waya bu.’”+
16 Jehowa kata ate:
“‘Tshika ndela ndo washo ayɛ watshike nkɛdia asɔyi,Nɛ dia olimu ayɛ wekɔ la difuto,’ mbata Jehowa.
‘Vɔ wayokalola oma lo wodja w’otunyi.’+
17 ‘Ndo elongamelo kekɔ dikambo dia nshi yayɛ yayaye,’+ mbata Jehowa.
‘Anayɛ w’apami wayokalola lo ɛtshi kawɔ ka nkɛtɛ hita.’”+
18 “Dimi mɛtɛ lakoke Efrayimɛ alela ate:‘Wɛ akamingola ndo dimi lakangɔma,Oko yana ya ngɔmbɛ yaki kondowanyema.
Onkaloya, ko dimi layonga suke dia nkalola,Nɛ dia wɛ kele Jehowa Nzambi kami.
19 Nɛ dia l’ɔkɔngɔ wa dimi nkalola, dimi lakanyange efula;+L’ɔkɔngɔ wa dimi kimanyiyama dia nshihodia, dimi lakakɔmɔla ɛhɛlɔhɛlɔ kami la lɔkɔnyɔ.
Dimi lakashama nsɔnyi ndo lakakitshakitshama,+Nɛ dia dimi lakɛmbɛ nsɔnyi ka lo nshi yami ya dikɛnda.’”
20 “Onde Efrayimɛ bu ɔna la nɛmɔ le mi,+ ɔna lalangema?
Nɛ dia lo yɛdikɔ yalekami ntɛkɛta kɔlɔ dikambo diande, mbalekami mboohɔ.
Diakɔ diele tokanyi* tami tambonandema lo dikambo diande.+
Ndo dimi mɛtɛ layowoka kɛtshi,” mbata Jehowa.+
21 “Kitsha tolembetelo lo mboka dikambo diayɛ,Ndo emɛ dikundji dia tolembetelo.+
Dja yimba lo mboka ka woke, mboka kahombayɛ ntshɔ.+
Osekaseka w’emuma wa Isariyɛlɛ le, kalola, kalola oya lo esomba ayɛ ɛnɛ.
22 Ɔna womoto lele bu la kɔlamelo le, polo l’etena kakɔna kayoyotetemala mengenga?
Nɛ dia Jehowa akatonge ɛngɔ kɛmɔtshi k’oyoyo la nkɛtɛ:
Womoto ɔmɔtshi ayɔkɔkɔma pami kɛmɔtshi.”
23 Jehowa kanga lolembelembe, Nzambi k’Isariyɛlɛ kata ate: “Etena kayomokaloya mfumbe yawɔ, vɔ wayota ɛtɛkɛta ɛnɛ nto lo wodja wa Juda ndo lo esomba ayɔ ɔnɛ: ‘Jehowa akɔtshɔkɔlɛ, wɛ dihole di’edjaselo dia losembwe,+ wɛ dikona di’ekila.’+
24 Ndo lɔkɔ, Juda la esomba ayɔ tshɛ wayodjasɛka kaamɛ, akambi wa dikambɔ ndo wanɛ walama dongalonga.+
25 Nɛ dia dimi layolotsha ɔnɛ* lambɔlɛmba ndo layokeketsha ɔnɛ* tshɛ lotalɛmbɛ.”+
26 Ko dimi lakemɔ ndo lakadihola washo ami, ndo djɔ yami yaki ɔlɔ efula le mi.
27 “Eenda, nshi yekɔ lo ndjaye,” mbata Jehowa, “yayomonɛ luudu l’Isariyɛlɛ ndo luudu la Juda la lɔtɔngɔ* la onto ndo la lɔtɔngɔ la elongalonga.”+
28 “Ndo oko wakamawaendaka dia nkundola, dia nkɔsha, dia mbatshatsha, dia ndanya, ndo dia nsala kɔlɔ,+ mbayomowaendaka dia mbika ndo monɛ,”+ mbata Jehowa.
29 “Lo nshi shɔ, vɔ hawotota nto ɔnɛ: ‘Ambutshi w’apami mbakale elowa w’ehudi, koko wanyu w’ana mbakonge ɔkɛkɛ.’*+
30 Koko l’etena kɛsɔ, onto l’onto ayovɔ l’ɔtɛ wa munga kande hita. Onto tshɛ lalɛ elowa w’ehudi, wanyu ande hita mbayonga ɔkɛkɛ.”
31 Jehowa kata ate: “Eenda, nshi yekɔ lo ndjaye yayomodja l’ase Isariyɛlɛ ndo l’ase Juda sheke y’oyoyo.+
32 Yɔ hayotonga oko sheke yakamadje la watshɛwɔ lushi lakamaakimɛ lo lonya dia mbatondja oma lo wodja w’Edjibito,+ ‘sheke yami yakawalanya,+ kaanga mbele dimi laki nkumɛwɔ ka mɛtɛ,’* mbata Jehowa.”
33 Nɛ dia Jehowa kata ate: “Ɔnɛ ele sheke yayomodja la luudu l’Isariyɛlɛ l’ɔkɔngɔ wa nshi shɔ. Dimi layodja ɛlɛmbɛ ami l’etei kawɔ+ ndo dimi layowafunda l’etema awɔ.+ Dimi layoyala Nzambi kawɔ ndo vɔ wayoyala wodja ami.”+
34 “Vɔ hawototetemala mbetshana lam’asawɔ ndo lam’asa onto la ɔnango ɔnɛ: ‘Eya Jehowa!’+ Dikambo vɔ tshɛ wayombeya, ntatɛ oma le ɔnɛ loleki tshitshɛ polo le ɔnɛ loleki woke l’atei awɔ,”+ mbata Jehowa. “Nɛ dia dimi layowadimanyiya munga kawɔ ndo hantohɔ pɛkato kawɔ nto.”+
35 Ɔnkɔnɛ mbata Jehowa,Ɔnɛ lakimɔ wonya dikambo dia osase la yanyi,Ɛlɛmbɛ* wa ngɔndɔ ndo wa tɔɔtɔ dikambo dia osase l’otsho,Ɔnɛ lasutshasutsha ndjale ndo lasala dia asuku atɔ mimbɔmbɔ,Ɔnɛ lele lokombo lande Jehowa kanga lolembelembe ate:+
36 “‘Naka ɛlɛmbɛ ɛsɔ pombaka nkita tatala,’ mbata Jehowa,‘Kete paka etena kɛsɔ mbayokomɛ tokanula ta Isariyɛlɛ monga nshi tshɛ oko wodja la ntondo kami.’”+
37 Jehowa kata ate: “‘Naka olongo wa la diko koka mbɛdikama ndo atshina wa nkɛtɛ l’ɛse koka sɛdingɔma, kete paka etena kɛsɔ mbakokami ntona tokanula tshɛ ta Isariyɛlɛ l’ɔtɛ wa kɛnɛ tshɛ kambowosala,’ mbata Jehowa.”+
38 “Eenda, nshi yekɔ lo ndjaye,” mbata Jehowa, “yayohikama osomba+ dikambo dia Jehowa oma lo Tshoto ya Hananɛlɛ+ polo lo Soko dia Tshuku.+
39 Ndo ɔkɔdi wa yɛdikɔ+ wayotomba nsembɔ tɔɔ otsha lo kionakona ya Ngarɛba, ndo vɔ wayokadimɔ otsha la Ngoa.
40 Ndo okidi tshɛ* wa edo ndo wa etoko* ndo ebondo tshɛ washimba menga polo lo Okidi wa Kidirɔna,+ polo lo tshuku dia Soko+ dia Mfalasa otsha lo ɛstɛ, ayonga ɛngɔ k’ekila le Jehowa.+ Vɔ hawotokundɔma nto pondjo kana ndanyema.”
Nɔtɛ ka l'ɛse ka dikatshi
^ Kana “lakatetemala kɛnya ngandji ka kɔlamelo.”
^ Kana “ayotshɔ lo ɔnwɛlɔ wa lokombe wa wanɛ wɔla.”
^ Kana “okidi w’ashi.”
^ Kana “ayowɔsa.”
^ Kana “akambo w’ɛlɔlɔ w’oma le.”
^ Kana “Anima awɔ.”
^ Kana “anima w’ɛlɔmbɛdi.”
^ Tshɛk., “dia weke.”
^ Kana “ana.”
^ Tshɛk., “ɛsɔhi ami.”
^ Kana “anima.”
^ Kana “anima.”
^ Kana “kanula.”
^ Tshɛk., “mbakatshune.”
^ Kana ondo “omɛwɔ.”
^ Kana “Wadjango.”
^ Kana “okidi w’ebamubamu.”
^ Kana “otoko wa wata,” mbuta ate otoko wɔsɔhanyemi la wata w’elambo.
