Jɛrɛmiya 47:1-7
-
Prɔfɛsiya kendana l’ase Filistiya (1-7)
47 Ɔnɛ ele ɔtɛkɛta wa Jehowa le omvutshi Jɛrɛmiya lo dikambo di’ase Filistiya,+ la ntondo ka Farawɔ nɛndja Ngaza.
2 Jehowa kata ate:
“Eenda, ashi wekɔ lo ndjaye oma lo nɔrdɛ.
Vɔ wayonga kiɔkɔ yambɔtɔ elola.
Ndo vɔ wayolodia wodja la kɛnɛ tshɛ kele lɔkɔ,Osomba la wanɛ wadjasɛ lɔkɔ.
Anto wayoda ekoko,Ndo onto tshɛ ladjasɛ lo wodja ayolela.
3 Lo londjo la dikita dia nsabɔ ya mfalasa yande,Lo lohelo la pusupusu yande ya ta,Ndo londjo la etshimbi ande,Ambutshi w’apami hawotokadimɔ kaanga dikambo dia anawɔ,Nɛ dia anya awɔ wambɔlɛmba,
4 Nɛ dia lushi layaye layolanya ase Filistiya tshɛ;+Lɔ layodiaka atshikadi tshɛ wele la Tura+ ndo la Sidɔna+ wakadje sheke.
Nɛ dia Jehowa ayolanya ase Filistiya,Wanɛ wele atshikadi w’oma lo disɛnga dia Kafitɔra.*+
5 Ngaza ayotomba diwandji.*
Wambɔlanya Ashikɛlɔna.+
Wɛ otshikadi wa l’okidi awɔ w’ebamubamu,Polo l’etena kakɔna kayoyotetemala ndjahomuya mpota?+
6 Ande lokuwa la ta la Jehowa lee!+
Polo l’etena kakɔna kayoyotona ntshikala ki?
Kalola lo dihoso diayɛ.
Omuya ndo tshilaka ki.
7 Ngande wakokalɔ mbɔlamaEtena kele Jehowa ambolisha didjango?
Dia ndɔsha Ashikɛlɔna ndo omamu wa ndjale,+Lɛkɔ mbamondolikitsha.”
Nɔtɛ ka l'ɛse ka dikatshi
^ Mbuta ate Kɛrɛtɛ.
^ Mbuta ate vɔ wayɔhɛlɔla ɛtɛ awɔ lo otanda ndo lo nsɔnyi.
