Judɛ 1:1-25
1 Dimi Judɛ, ɔhɔmbɔ wa Yeso Kristo ndo ɔnango Jakɔba+ lambofundɛ wanɛ wakelamɛ+ walangema oma le Nzambi Shɛso ndo wambolamema dikambo dia Yeso Kristo+ nte:
2 Kɛtshi la wɔladi ndo ngandji k’oma le Nzambi kafule le nyu!
3 Analengo wa ngandji le, kaanga mbakamasalaka la wolo tshɛ dia nyofundɛ dikambo dia panda kosangiso,+ lambɛna ohomba nyofundɛ dia nyokeketsha dia nyu ndɔ ta dia wolo dikambo dia mbetawɔ+ kakalongola ekilami mbala ɔtɔi lo pondjo.
4 Dikambo anto amɔtshi wambɔsɔsɔmɛ l’atei anyu, anto wele Afundelo wakatatshi deko aha nɛ dia wayolomboshama, anto wa kɔlɔ wakadimola ɔlɔlɔ waheyama mbɛdika waki Nzambi kaso oko yɛkɛ nɛndɛ ya ndjasha lo lɔkɛwɔ+ la fumbɔ nsɔnyi* ndo wanguna tshɔi yakɔ* ya Nkumɛso latokanga, Yeso Kristo.+
5 Kaanga mbeyanyu akambo asɔ tshɛ dimɛna, dimi lambokombola nyohola dia Jehowa* akashimbɛ wodja ande oma lo wodja w’Edjibito,+ koko l’ɔkɔngɔ diko nde akayolanyaka wanɛ waki kɔmɛnya mbetawɔ.+
6 Ndo andjelo waki konama ahole awɔ wa ntondo koko wakatshike ahole awɔ hita wa mbidjasɛ,+ nde akawadje lo lokanu la pondjo, lo wodjima wa tshududu dikambo dia lushi+ la woke la kilombo.
7 Woho akɔ waamɛ mbele, Sɔdɔma la Ngɔmɔra la esomba waki suke la wɔ wakayasha l’awui wa mindo wa dieyanelo* lo tshambandeko ndo lo nsaki+ ya demba lo yoho yaki kɔnɔngɔsɔla Nzambi. Vɔ wakalongola dilanya dia dja ya pondjo+ ndo vɔ wekɔ tshondo ya ɛnyɛlɔ kasha ɔhɛmwɛlɔ le so.
8 Kaanga kediɔ ngasɔ, anto asɔ vɔ lawɔ wekɔ lo ndjasha lo alɔ, wekɔ lo mbidja demba mindo, wekɔ lo mɔnyɔla lowandji ndo wekɔ lo ntɛkɛta kɔlɔ dikambo di’akanga wa lotombo.+
9 Koko lam’akawane Mikayɛlɛ+ arkandjelo+ nde la Diabolo ndo lam’akawakakatanaka lo dikambo dia odo+ wa Mɔsɛ, nde kosombɔ mbolombosha la ɛtɛkɛta+ wa kɔlɔ, koko nde akate ate: “Jehowa* akohangwe.”+
10 Koko, anto asɔ wekɔ lo ntɛkɛta kɔlɔ l’ɔtɛ w’akambo tshɛ wahawamane mfundo. Ndo lo akambo tshɛ washihodiawɔ+ la lomba la lootɔ oko nyama+ yele bu la timba, lo akambo asɔ mbatetemalawɔ ndjalanya.
11 Ande paa le wɔ lee! Nɛ dia vɔ wakayele mboka ka Kɛna+ ndo wakasɔnɛ mboka k’enganelo ka Balama+ dia vɔ nongola difuto ndo wakalanyema lo ɛtɛkɛta w’ɔtɔmbɔkwɛlɔ+ wa Kɔra.+
12 Anto asɔ wekɔ ave woshɛmi l’ɛse k’ashi lo fɛtɛ+ yanyu ya ngandji, oko alami wayalesha vɔamɛ aha la wɔma,+ oko wange weteta tsho la lɔpɛpɛ+ la wolo wahalɔsha mvula, oko esongo wahatɔ elowa lo nshi yahombawɔ ntɔ, wambovɔ mbala 2* ndo wambokundɔma l’edio awɔ,
13 asuku wa wolo wa lo ndjale watondja lofulo lawasha nsɔnyi,+ tɔɔtɔ tele bu la mboka ka shikaa tele wodjima wa tshududu wambolamema dikambo diatɔ pondjo pondjo.+
14 Eelo, Ɛnɔkɛ,+ onto la 7 oma le Adama nde lawɔ akate prɔfɛsiya lo dikambo diawɔ ate: “Nyende, Jehowa* akaye la nunu akumi akumi di’ekilami ande+
15 dia ndjolombosha anto tshɛ+ ndo dia nshikikɛ anto wa kɔlɔ tshɛ lo kɛnɛ kendana l’etsha wa kɔlɔ wakawasale lo yoho ya kɔlɔ ndo lo kɛnɛ kendana l’ɛtɛkɛta tshɛ wa kɔlɔ efula watondja atshi wa pɛkato lo dikambo diande.”+
16 Anto asɔ wekɔ akanga w’engunungunu,+ anto wayakiyanya dikambo dia kɛnɛ kayowakomɛ lo lɔsɛnɔ, wayela nsaki+ yawɔ hita ndo enyɔ awɔ toyafunaka efula etena katɛtɛmɔlawɔ anto akina* dia nkondja wahɔ awɔ hita.+
17 Koko le nyu, nyu analengo wa ngandji, nyohɔ ɛtɛkɛta wakate* apɔstɔlɔ wa Nkumɛso Yeso Kristo ntondo,
18 woho wakawanyotɛka ɔnɛ: “Lo nshi y’ekomelo asɔkanyi wayoyala, wayoyela nsaki yawɔ hita y’akambo wa kɔlɔ.”+
19 Vɔ mbadja diatɔnelo,+ anto* wasala akambo oko nyama, wele bu la lonyuma.*
20 Koko nyu analengo wa ngandji, nyoyahike nyuamɛ lo mbetawɔ kanyu koleki ekila ndo nyɔlɔmbake kaamɛ la nyuma+ k’ekila,
21 kele nyotshikale lo ngandji ka Nzambi+ etena kakonganyu kɛtshi ka Nkumɛso Yeso Kristo, nyele l’elongamelo ka lɔsɛnɔ la pondjo.+
22 Ndo nto, nyotetemale mboka anto amɔtshi wadja taamu+ kɛtshi.+
23 Nyowatsha+ lo mbatondja oma lo dja. Koko nyotetemale mboka anto akina kɛtshi ndo nyosale dikambo sɔ la wɔma. Nyohetsha oyadi ahɔndɔ wakadjama mindo oma l’etsha wa demba.+
24 Ɔnɛ lakoka nyolama diaha nyu ntakana ndo dia nyu ntshikala aha la vadi+ la ntondo ka lotombo* lande la ɔngɛnɔngɛnɔ w’efula,
25 Nzambi ɔtɔi ndo Oshimbedi aso lo tshimbo ya Yeso Kristo Nkumɛso, lotombo, lɔnɛnɛ, wolo ndo lowandji layalake le nde lo nshi tshɛ yakete, kakianɛ ndo pondjo pondjo! Aamɛɛ.
Nɔtɛ ka l'ɛse ka dikatshi
^ Kana “lɔkɛwɔ laha la nsɔnyi.” Grɛkɛ, a·selʹgei·a. Enda Elembetshielo.
^ Kana “owandji.”
^ Enda Elembetshielo.
^ Kana “wambovɔ vushi.”
^ Kana “anto wa lokumu.”
^ Kana “akambo wakatatami oma le.”
^ Kana “anto wa lo demba.”
^ Tshɛk., “nyuma.”
^ Kana “woongelo ande wa lotombo.”
