Lembo la Sɔlɔmɔna 3:1-11
3 “Lo mbeto kami l’otsho,Dimi lakayange ɔnɛ lalangami.*+
Dimi lakooyange, koko dimi kombɛna.+
2 Dimi layetɔ ndo layeteta l’osomba;Lo toshinga ndo lo asanga,Nyotshike nyange ɔnɛ lalangami.*
Dimi lakooyange, koko dimi kombɛna.
3 Todjamu tatetetaka lo osomba wakantane.+
‘Onde hanyɛnyi ɔnɛ lalangami?’*
4 Kam’akamaalekanaDimi lakatane ɔnɛ lalangami.*
Dimi lakokimɛ, dimi kombokimɔPolo lam’akamawela lo luudu+ la mama,Lo luudu lande la l’etei lɛnɛ akandatshu diemi diami.
5 Ana wa wamato wa la Jɛrusalɛma le, dimi lambonyotshibia,Le mboloko ndo le mfumbɔ ya l’oswe nte:
Tanyoyangake dia memula kana nomialomia ngandji le mi polo lam’ayotonyiyama+ tɔamɛ.”
6 “Ayaye oma lo oswe oko ɔnɔngɔ w’edinga wadɛ,Ayapola opumu wa mirɛ ndo wa tshɔ ya wɛma,Kaamɛ la weho tshɛ w’efushi w’opumu wa amundji w’okanda?”+
7 “Eenda, ongo ekɔ mbeto kaki Sɔlɔmɔna.
Apami 60 wa wolo kidinga,L’atei wa apami wa wolo wa l’Isariyɛlɛ,+
8 Vɔ tshɛ wekɔ la lokuwa la ta,Vɔ tshɛ waketshama dia ndɔ ta,Onto tshɛ sɔmɛ lokuwa lande la ta lo lokondoDia namaka l’ɔtɛ wa wɔma wa l’otsho.”
9 “Ongo ekɔ kipɔyi* ka lowandji kaki nkumekanga SɔlɔmɔnaKakandayasalɛ la esongo w’oma la Lɛbanɔna.+
10 Dikundji diatɔ nde akadisale la mfɛsa,Esukɔ atɔ la paonyi.
Edjaselo katɔ la dihɔndɔ di’ebelabela;Tɔ kakalɛngama lo yoho yɛnya ngandji l’etei katɔOma le ana wa wamato wa la Jɛrusalɛma.”
11 “Ana wa wamato wa Siɔna le, nyotombe,Nyotende nkumekanga SɔlɔmɔnaƆlɔtshi dɛmbɔ dia nkoso* dia diwala diakosalɛ nyango+Lushi la diwala diande,Lushi l’ɔngɛnɔngɛnɔ w’otema ande.”
Nɔtɛ ka l'ɛse ka dikatshi
^ Kana “ɔnɛ lalanga anima ami.”
^ Kana “ɔnɛ lalanga anima ami.”
^ Kana “ɔnɛ lalanga anima ami.”
^ Kana “ɔnɛ lalanga anima ami.”
^ Mbeto k’ɔmbami kakambawɔ la tɔ dia mɛmba onto la lokumu.
^ Kana “ekata ka alɛmbɔlɛmbɔ.”
