Lembo la Sɔlɔmɔna 7:1-13
7 “Ande dimɛna diele ekolo ayɛ lo sabata yayɛ,Wɛ ɔna womoto la lokumu lee!
Otshimbedi wa pɛlɔhɛlɔ diayɛ wekɔ oko dɛngalɛnga,Olimu w’anya w’otshudi wa kɔmba.
2 Ototo ayɛ wekɔ dɔnga di’obolonga.
Vɔ watohombake pondjo wanu wɔsɔhanyemi.
Dikundju diayɛ diekɔ olui w’eponga,Wodingami la alɛmbɔlɛmbɔ.
3 Awɛlɛ ayɛ 2 wekɔ oko mfumbɔ 2,Diasa dia mboloko.+
4 Nkingo+ kayɛ kekɔ oko tshoto+ y’ewanga.
Washo+ ayɛ wekɔ oko ashi wa Hɛshibɔna,+Lo soko dia Batɛ-Rabima.
Ɔhɛmbɛ ayɛ wekɔ oko tshoto ya Lɛbanɔna,Yɛlɛ otsha la Damasɛkɛ.
5 Ɔtɛ ayɛ kɔlɛngaka oko Karamɛlɛ,+Apoto wa divo*+ diayɛ wekɔ oko dihɔndɔ di’ebelabela.+
Nkumekanga ambokotɔma* la apoto ayɛ walɛndalɛnda.
6 Ande olangala weyɛ ndo ande dimɛna dieyɛ,Wɛ ɔna womoto lalangema, laadiko dia kɛnɛ tshɛ kangɛnyangɛnya lee!
7 Diema diayɛ diekɔ oko toko,Ndo awɛlɛ ayɛ wekɔ oko sandji dia mba+ yelɛwɔ datɛ.
8 Dimi lakate nte: ‘Dimi layodɛ lo tokoDia tokimɛ sandji diadiɔ dia mba.’
Awɛlɛ ayɛ wonge oko sandji dia elowa wa vinyɔ,Lɔhɛngɔ layɛ oko opumu w’elowa wa pɔmɛ,
9 Ndo onyɔ* ayɛ wekɔ oko wanu woleki amɛna.”
“Vɔ waholɔ dimɛna dikambo dia olangemi ami,Wasɛlɔ laadiko di’ɛlɔmɔ wa wanɛ walala djɔ.
10 Dimi lekɔ laki olangemi ami,+Ndo nsaki kande kekɔ dikambo diami.
11 Olangemi ami le, yakaYete totombe yema otsha lo oswe;Totodjasɛ l’atei wa tosongosongo+ ta hɛna.
12 Katetɔ la yosose ko ntshɔ lo dikambɔ dia vinyɔ
Dia tenda kana ɔkɔdi wa vinyɔ wambɔmɔnga,Kana alɛmbɔlɛmbɔ wambɔmbɔla,+Kana pɔmɛgranatɛ yambodja alɛmbɔlɛmbɔ.+Lɛkɔ kayomotokɛnya ngandji kakokami.+
13 Mandrangɔrɛ+ wopola nsolo kawɔ;Weho tshɛ w’elowa+ w’amɛna wekɔ lo asoko aso.
W’eyoyo kana w’edjedja,Wakamakoombɛ wɛ olangemi ami.
