Lembo la Sɔlɔmɔna 8:1-14
-
Osekaseka (1-4)
-
“Otoyonga oko ɔnalengo” (1)
-
-
Anango osekaseka (5a)
-
‘Akɔna ɔnɛ, ɛkami olangemi ande?’
-
-
Osekaseka (5b-7)
-
“Ngandji kekɔ la wolo oko nyɔi” (6)
-
-
Anango osekaseka (8, 9)
-
“Naka nde ekɔ ehele, . . . ko naka nde ekɔ lokuke, . . .” (9)
-
-
Osekaseka (10-12)
-
“Dimi lekɔ ehele” (10)
-
-
Olami w’ɛkɔkɔ (13)
-
‘Etawɔ dimi mboka dui diayɛ’
-
-
Osekaseka (14)
-
“Lawɔ oko mboloko”
-
8 “Otoyonga oko ɔnalengo,Lakalɔmɛ awɛlɛ wa mama lee!
Tshike lam’otomokotana l’andja, dimi lotokosha bizɛ,+Ko ndooko onto lotɔmɔnyɔla.
2 Dimi lotokɔlɔmbɔla;Dimi lotokɔtɔla lo luudu la mama,+Ɔnɛ lakambetsha.
Dimi lotokosha wanu w’opumu dia wɛ nnɔ,Ashi w’elowa wa tshitshi wa pɔmɛgranatɛ.
3 Lonya lande la lɔmɔsɔ lotonga l’ɛse k’ɔtɛ ami,Ndo lonya lande l’omi lotonkumbatɛ.+
4 Ana wa wamato wa la Jɛrusalɛma le, dimi lambonyotshibia nte:
Tanyoyangake dia memula kana nomialomia ngandji le mi polo lam’ayotonyiyama+ tɔamɛ.”
5 “Akɔna ayaye oma lo oswe,Ɛkami olangemi ande?”
“Dimi lakakemula l’ɛse ka esongo wa pɔmɛ.
Lɛnɛ akɛnyi nyɔ paa la yɛ.
Lɛnɛ akasowe ɔnɛ lakakoote.
6 Ombidje lo otema ayɛ oko ohomɔ,Oko ohomɔ wahadimɔki lo lonya layɛ,Nɛ dia ngandji kekɔ+ la wolo oko nyɔi,Ndo omamemelo wa la tshondo hawetawɔ ntshika oko wele Diombo* hakimɔ.
Loombe latɔ lekɔ loombe la dja, loombe la Jah.*+
7 Ashi wambɔmbɔ hawokoke nyima ngandji,+Ndo ɛkɛdi hawokoke kikɛdia.+
Naka onto nsondja ɔngɔnyi wa lo luudu lande tshɛ dia nsomba ngandji,Anto wayɔnyɔla dui sɔ* tshɛ lo tshɛ.”
8 “Sho tekɔ la kadiyɛso+ keke dikɛnda,Ndo nde atatombe awɛlɛ.
Kakɔna kayotosalɛ kadiyɛso kɛsɔLushi layowolanga mbotshuka?”
9 “Naka nde ekɔ ehele,Sho tayowɔlɛnga lo mbahɛ mfɛsa laadiko diande,Ko naka nde ekɔ lokuke,Kete sho tayowodiha la abaya w’olondo.”
10 “Dimi lekɔ ehele,Ndo awɛlɛ ami wekɔ oko totshoto.
Ɔnkɔnɛ lo washo ande dimi layaOko onto lambotana ki.
11 Sɔlɔmɔna ekɔ la ekambɔ ka vinyɔ+ la Baala-Hamɔna.
Nde akakimɔ ekambɔ kakɔ ka vinyɔ le alami.
Onto l’onto akahombe mbela ekenga kinunu (1 000) wa mfɛsa l’ɔtɛ w’elowa w’oma lɔkɔ.
12 Dimi lekɔ la ekambɔ kami hita ka vinyɔ dikambo diami.
Sɔlɔmɔna le, ekenga kinunu (1 000) wa mfɛsa wekɔ wayɛ,Ndo 200 waki wanɛ walama elowa wa lɔkɔ.”
13 “Wɛ ladjasɛ lo dikambɔ+ le,Angɛnyi mpokamɛka dui diayɛ.
Etawɔ dimi dioka.”+
14 “Olangemi ami le, samanya,Lawɔ oko mboloko+Kana oko ɔsɔngɔ wa mpeleLo akona wa diangɔ di’opumu.”
Nɔtɛ ka l'ɛse ka dikatshi
^ “Jah” ekɔ lokombo Jehowa lo hiembola.
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana ondo “wayowɔnyɔla.”
