Zɛfaniya 2:1-15
2 Nyosangane, ɛɛ, nyosangane,+Nyu wodja wahoke nsɔnyi.+
2 La ntondo ka didjango ntatɛ nkamba olimu,La ntondo ka lushi lakɔ mbeta oko fufudi,La ntondo ka nkɛlɛ ka Jehowa kalombalomba ndja le nyu,+La ntondo ka lushi la nkɛlɛ ka Jehowa ndja le nyu,
3 Nyoyange Jehowa,+ nyu akanga wa memakana* tshɛ wa la nkɛtɛ,Wanɛ wakitanyiya wadjango ande wosembwe.*
Nyoyange losembwe, nyoyange memakana.*
Ondo* nyayoshɛma lo lushi la nkɛlɛ+ ka Jehowa.
4 Nɛ dia Ngaza ayonga osomba wambɔsɛkama;Ndo Ashikɛlɔna ayotshikala tɔngɔ to.+
Ashidɔdɛ ayotshanyema la yanyi ya tɛɛ,*Ndo Ɛkɛrɔna ayokundɔma.+
5 “Mananu le wanɛ wadjasɛ l’omamu wa ndjale, wodja w’ase Kerɛtɛ!+
Ɔtɛkɛta wa Jehowa wekɔ lo ndɔshana la nyu.
Dimi layokolanya, wɛ Kanana, wodja w’ase Filistiya,Ɔnkɔnɛ, ndooko onto ladjasɛ lɔkɔ layotshikala.
6 Ndo omamu wa ndjale wayoyala ahole wa ndeshaka dongalonga,Wele la tɛkɔ dikambo di’alami w’ɛkɔkɔ ndo nkoto y’ave dikambo di’ɛkɔkɔ.
7 Vɔ wayoyala ɛtshi ka nkɛtɛ k’atshikadi wa luudu la Juda;+Lɛkɔ mbayowɔlɛ.
Lo mvudu ya Ashikɛlɔna mbayowolala la dikɔlɔ.
Nɛ dia Jehowa Nzambi kawɔ ayowadja yimba,*Ndo nde ayokaloya anto awɔ wele mfumbe.”+
8 “Dimi lakoke diɔnyɔ dia Mɔaba+ ndo ntɛngɔ y’ase Amɔna,+Wanɛ wakatɛngɛ anto ami ndo wakayadiya dia ndɔsha ɛtshi kawɔ ka nkɛtɛ.+
9 Ɔnkɔnɛ, lo mɛtɛ oko wemi la lɔsɛnɔ,” mbata Jehowa kanga lolembelembe, Nzambi k’Isariyɛlɛ,“Mɔaba ayoyala oko Sɔdɔma,+Ndo ase Amɔna oko Ngɔmɔra,+Dihole diele l’adiyo w’atɛndɛ, difuku dia lɛɛhɔ ndo ɛtshi ka nkɛtɛ ka womu+ pondjo pondjo.
Atshikadi w’anto ami wayomba diangɔ diawɔ,Ndo atshikadi wa wodja ami wayɔsa diangɔ diawɔ.
10 Kɛsɔ mbayowokondja l’ɔtɛ w’ofunu+ awɔ,Nɛ dia vɔ wakatɛngɛ wodja wa Jehowa kanga lolembelembe ndo wakayadiya.
11 Jehowa ayonga wɔma le wɔ;*Nɛ dia nde ayetɛ tozambizambi tshɛ ta la nkɛtɛ diangɔ di’anyanya,*Ndo asɛnga tshɛ wa lo wedja wayowokusamɛ,*+Disɛnga tshɛ oma lo dihole diadiɔ.
12 Ndo nyu ase Etiyɔpiya nyayodiakema la lokuwa lami la ta.+
13 Nde ayosembola lonya lande otsha lo nɔrdɛ ndo ayolanya Asuriya,Ndo nde ayetɛ Niniva tɔngɔ to,+ womu oko oswe wa shɛnga.
14 Nyama yayolala l’etei kande, weho tshɛ wa nyama ya l’okonda.*
Diata ndo eko wayolala lo ɛtɛ wa dikundji diande.
Dui dimɔtshi diayemba lo didishi.
Elanyelo kayoyala lo soko;Nɛ dia nde ayotondja esembe w’elondo sɛkɛ.
15 Ɔnɛ ele osomba w’otako wakadjasɛka lo wɔladi,Wakataka l’otema awɔ ɔnɛ: ‘Dimɛ oto mbekɔ, ndo ndooko onto okina.’
Ande woho wayande ɛngɔ ka wɔnɔnyi,Dihole dia nyama ya l’okonda ndalaka lee!
Onto tshɛ leta lɔkɔ ayoda kioko ndo ayoda shɔlɛ.”+
Nɔtɛ ka l'ɛse ka dikatshi
^ Kana “akanga w’okitshakitsha.”
^ Tshɛk., “kilombo kande.”
^ Kana “okitshakitsha.”
^ Kana “Mbeyaka monga ko.”
^ Kana “la midi.”
^ Kana “ayowakokɛ.”
^ Kana “ayowasatsha lokomba.”
^ Kana “tɔndjɔndju.”
^ Kana “wayowɔtɛmɔla.”
^ Tshɛk., “nyama tshɛ ka lo wodja.”