Zɛkariya 4:1-14

  • Ɛnɛlɔ ka 5: Ekundji ka tala ndo esongo 2 w’ɔlivɛ (1-14)

    • ‘Aha la nkudu, koko la nyuma kami’ (6)

    • Tanyɔnyɔlake lushi l’akambo wa totshitshɛ (10)

4  Ondjelo wakatɛkɛtaka la mi akakalola ko akamemula, oko watowemulaka onto oma lo djɔ. 2  Oma laasɔ, nde akamimbola ate: “Kakɔna kɛnayɛ?” Ko dimi lakate nte: “Lekɔ lo mɛna ekundji ka tala kakasalema la paonyi,+ ndo dɔnga lo shɔdi yatɔ. Atala 7 wekɔ lɔkɔ,+ ɛɛ, 7 ndo atala wele lo shɔdi yatɔ wekɔ la ɛlɔnda 7. 3  Ndo esongo+ 2 w’ɔlivɛ wekɔ suke la tɔ, ɔmɔtshi lo lonya l’omi la dɔnga ndo okina lo lonya la lɔmɔsɔ.” 4  Oma laasɔ, dimi lakambola ondjelo wakatɛkɛtaka la mi nte: “Nkumɛmi le, kakɔna kalembetshiya diangɔ nɛ? 5  Ko ondjelo wakatɛkɛtaka la mi akamimbola ate: “Onde wɛ heye kɛnɛ kalembetshiya diangɔ nɛ?” Dimi lakakadimola nte: “Ndooko, nkumɛmi.” 6  Oma laasɔ, nde akambutɛ ate: “Jehowa kata lo dikambo dia Zerubabɛlɛ ate: ‘“Aha la wolo w’asɔlayi kana la nkudu,+ koko la nyuma+ kami,” mbata Jehowa kanga lolembelembe. 7  Dikona dia woke le, eeyɛ? Wɛ ayonga nkɛtɛ y’ebamubamu*+ la ntondo ka Zerubabɛlɛ.+ Ndo nde ayotondja dive dia la diko* l’atei w’ekoko w’ɔnɛ: “Ande diambo! Ande diambo!”’” 8  Ɔtɛkɛta wa Jehowa wakaye nto le mi ɔnɛ: 9  “Anya wa Zerubabɛlɛ mbakake etshina ka luudu+ lɔnɛ, ndo anya ande hita mbayolishidiya.+ Ko nyu nyayeya dia Jehowa kanga lolembelembe kakantome le nyu. 10  Nɛ dia akɔna akɔnyɔla lushi l’akambo wa totshitshɛ?*+ Dikambo vɔ wayɔngɛnangɛna ndo wayɛna ɔkɔdi wa wɛdikelo* lo lonya la Zerubabɛlɛ. Diangɔ 7 sɔ diekɔ washo wa Jehowa wenda nkɛtɛ+ k’otondo.” 11  Oma laasɔ, dimi lakawombola nte: “Kakɔna kalembetshiya esongo ɛnɛ 2 w’ɔlivɛ wele lo lonya l’omi ndo la lɔmɔsɔ l’ekundji ka tala?”+ 12  Dimi lakawombola mbala ka 2 nte: “Kakɔna kalembetshiya totahetahe* ta lo ntahe 2 y’esongo w’ɔlivɛ wakɛdia paonyi k’ɔkɛlɛngɔ oma lo epondo 2 wa paonyi?” 13  Ko nde akamimbola ate: “Onde wɛ heye kɛnɛ kalembetshiya diangɔ nɛ?” Dimi lakakadimola nte: “Ndooko, nkumɛmi.” 14  Nde akate ate: “Diɔ diele akitami w’esɔ 2 wemala suke la Nkumadiɔndjɔ ka nkɛtɛ+ k’otondo.”

Nɔtɛ ka l'ɛse ka dikatshi

^ Kana “dive di’ekomelo.”
^ Kana “yokitanedi.”
^ Kana “ditatelo dia totshitshɛ?”
^ Tshɛk., “dive, etinɛ.”
^ Mbuta ate totahetahe ta l’osongo takɔhama elowa.
BIBLE—EKADIMWELO K'ANDJA W'OYOYO
Zɛkariya 4
Ɔtɛtɛla
Adia Bible l’Ɛtɛrnɛtɛ
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt lk. 40