Osambo 106:1-48
106 Nyotombole Jah!*
Nyosha Jehowa losaka, nɛ dia nde ekɔ ɔlɔlɔ;+Ngandji kande ka kɔlamelo tshikalaka pondjo.+
2 Akɔna akoka nsanya etshatshɛ wa wolo waki Je howaKana mbewoya etsha ande tshɛ wakoka tombɔma?+
3 Ɔngɛnɔngɛnɔ le wanɛ wasala akambo la losembwe,Wanɛ watosalaka nshi tshɛ kɛnɛ kele ɔlɔlɔ.+
4 Jehowa le, ombohɔ lam’okayɛ anto ayɛ kɛtshi.*+
Oname la etsha ayɛ wa panda,
5 Dia dimi monga la ɔlɔlɔ wasalɛyɛ ɛsɔnami ayɛ,+Dia dimi ngɛnangɛna kaamɛ la wodja ayɛ,Dia dimi kotombola la ofunu tshɛ* kaamɛ la etenyi kayɛ k’okitɔ.
6 Sho takasale pɛkato oko wakasale watshɛso;+Sho takasale kɔlɔ; takasale akambo lo yoho ya kɔlɔ.+
7 Lo Edjibito, watshɛso kɔngɛnangɛna* akambo ayɛ wa diambo.
Vɔ kombohɔ efula ka ngandji kayɛ ka kɔlamelo,Koko vɔ wakatɔmbɔkɔ suke la ndjale, suke la Ndjale ka Beela.+
8 Koko nde akaashimbɛ l’ɔtɛ wa lokombo lande,+Dia mbeyanya wolo ande.+
9 Nde akahangwɛ Ndjale ka Beela, ko tɔ kakome;Nde akaatehoya lo angunda atɔ wate kana l’oswe wa shɛnga;+
10 Nde akaashimbɛ oma lo anya wa andɔshi awɔ+Nde akaayange oma lo anya wa otunyi.+
11 Ashi wakakukumɛ andɔshi awɔ;Ndooko kaanga ɔtɔi awɔ lakahandɔ.*+
12 Ko vɔ wakayala la mbetawɔ lo daka diande;+Vɔ wakatatɛ mbeembɛ esambo wa lotombo.+
13 Koko kombeta edja, vɔ wakohɛ kɛnɛ kakandasale;+Vɔ kokonga dako diande.
14 Vɔ wakayakimɔ lo nsaki yawɔ ya lokaki l’oswe;+Vɔ wakahembe Nzambi l’oswe wa shɛnga.+
15 Nde akawasha kɛnɛ kakawalɔmbɛ,Koko oma laasɔ, nde akaatomɛ* hemɔ kakawaonya to.+
16 Lo mpango, vɔ wakayala la kandjema otsha le MɔsɛNdo otsha le Arɔna,+ okilami wa Jehowa.+
17 Ko nkɛtɛ yakasɛ onyɔ ko yakamɛnɛ DatanaNdo yakakukumɛ wanɛ wakasangana kaamɛ la Abirama.+
18 Dja yakalombalomba l’atei w’olui awɔ;Loombe la dja lakatshumbe akanga wa kɔlɔ.+
19 Vɔ wakasale yana ya ngɔmbɛ la HɔrɛbɛNdo wakakusamɛ lohingu la lowolo;+
20 Vɔ wakengɔnya lotombo lamiLa efanelo ka ngɔmbɛ kalɛ adiyo.+
21 Vɔ wakohɛ Nzambi+ Oshimbedi awɔ,Ɔnɛ lakasale akambo wa weke lo Edjibito,+
22 Akambo wa diambo lo nkɛtɛ ya Hama,+Etsha washa wɔma lo Ndjale ka Beela.+
23 Nde aki suke la mbidjanga dia mbashila oshiki,Koko Mɔsɛ, ɔsɔnami ande akɔɔsɛngasɛnga*Dia nkitshakitsha nkɛlɛ kande kalanya.+
24 Oma laasɔ, vɔ wakɔnyɔla wodja wa dimɛna;+Vɔ komonga la mbetawɔ lo daka diande.+
25 Vɔ wakatetemalaka ngunanguna lo mvudu yawɔ y’apɛma;+Vɔ kompokamɛ dui dia Jehowa.+
26 Ɔnkɔnɛ, nde akemɛ lonya lande dia ntshiba lo dikambo diawɔDia nde mbalanya l’oswe wa shɛnga;+
27 Dia nde nkɔsha tokanula tawɔ l’atei wa wedja,Ndo mbahandjola lo wedja.+
28 Oma laasɔ, vɔ wakayatambiya lo ɔtɛmwɛlɔ wa* Baala ka Pɛɔrɛ,+Ndo vɔ wakale elambo wakawalambolaka edo.*
29 Vɔ wakawokiya nkɛlɛ la etsha awɔ,+Ko sui dia wolo diakaye le wɔ.+
30 Koko lam’akemala Finehasi ko nde nsala dui dimɔtshi,Sui diakɔ diakakomɛ.+
31 Ko nde akɔsama oko onto ɔlɔlɔLo nɔnga tshɛ pondjo pondjo.+
32 Vɔ wakawokiya nkɛlɛ suke la ashi wa Meriba,*Ko akambo wakayala kɔlɔ le Mɔsɛ l’ɔtɛ awɔ.+
33 Vɔ wakookiyanya lo lomu,Ko nde akatɛkɛta la esasesase la ɛlɔmɔ ande.+
34 Vɔ koshila anto oshiki,+Oko akawadjangɛ Jehowa.+
35 Koko vɔ wakasɔhana la wedja+Ndo wakokoya* mboka yawɔ.+
36 Vɔ wakatetemala kambɛ dikishi diawɔ,+Ko dui sɔ diakayala tshondo ya djonga le wɔ.+
37 Vɔ wakalambolaka anawɔ w’apamiNdo anawɔ wa wamato le ɛdiɛngɛ.+
38 Vɔ wakatetemala nkɛdia dikila diaha la onongo,+Dikila di’anawɔ hita w’apami ndo wa wamatoWanɛ wakawalambolaka le dikishi di’ase Kanana;+Ko wodja wakɔtɔ mindo la ɔkɛdiɛlɔ wa dikila.
39 Vɔ wakɔtɔ mindo l’ɔtɛ wa etsha awɔ;Vɔ wakasale kinumba ka lo nyuma* l’ɔtɛ wa ditshelo diawɔ.+
40 Ko nkɛlɛ ka Jehowa kakahɛtɛ anto ande,Ndo nde akahetsha etenyi kande k’okitɔ.
41 Mbala la mbala nde akaakimɔka le wedja,+Ko wanɛ wakaahetshaka wakawaolɛka.+
42 Atunyi awɔ wakaahɛnyɔlaka,Ndo vɔ wakalɛndjama l’ɛse ka wolo* awɔ.
43 Tena efula nde akaatshungolaka,+Koko vɔ wakatɔmbɔkɔka ndo kokitanyiyaka,+Ko vɔ wakashamaka nsɔnyi l’ɔtɛ wa munga kawɔ.+
44 Koko nde akɛnaka asui awɔ+Ndo akokaka delo diawɔ dia nyanga ekimanyielo.+
45 L’ɔtɛ awɔ, nde akohɔka sheke yande,Ndo nde akawaokaka kandji* l’ɔtɛ wa woke* wa ngandji kande ka kɔla melo.+
46 Nde akasalaka dia vɔ mbokama kandjiOma le wanɛ tshɛ wakawandaka mfumbe.+
47 Jehowa Nzambi kaso le, otoshimbee,+Ndo ototshumanya oma lo wedja+Dia sho mboka lokombo layɛ l’ekila losakaNdo ngɛnangɛna dia kotombola.*+
48 Jehowa Nzambi k’Isariyɛlɛ atombɔmakePondjo pondjo.+
Ko anto tshɛ vate: “Aamɛɛ!”*
Nyotombole Jah!*
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Kana “lolango.”
^ Kana “ndjafuna lo dikambo diayɛ.”
^ Kana “koshihodia kitshimudi ya.”
^ Kana “lakatshikala.”
^ Kana “akatomɛ anima awɔ.”
^ Tshɛk., “akemala l’atei la ntondo kande.”
^ Kana “wakamamema.”
^ Mbuta ate elambo wakawalambolaka anto wambovɔ kana tozambizambi tele bu la lɔsɛnɔ.
^ Kitshimudi ate: “Owanu.”
^ Kana “wakeke.”
^ Kana “Vɔ wakashisha kɔlamelo yawɔ le Nzambi.”
^ Tshɛk., “lonya.”
^ Kana “efula.”
^ Kana “akongaka la lonyangu.”
^ Kana “ngɛnangɛna lo lotombo layɛ.”
^ Kana “Ayale ɔsɔku!”
^ Kana “Aleluya!” “Jah” ekɔ lokombo Jehowa lo hiembola.
