Osambo 108:1-13
Osambo. Ngɛngu ka Davidɛ.
108 Nzambi le, otema ami wekɔ nge.
Dimi layemba ndo layohoma mishiki la tshondo yami tshɛ.*+
2 Emɔ, wɛ ehomahoma k’eshinga; ndo wɛ lɔsɛsɛ.+
Dimi layemula yosose.
3 Jehowa le, dimi layokotombola l’atei w’anto;Layokembɛ esambo wa lotombo* l’atei wa wedja.
4 Nɛ dia ngandji kayɛ ka kɔlamelo kekɔ woke, kekɔ tanga oko olongo,+Ndo kɔlamelo yayɛ polo lo wange.
5 Nzambi le, odiyame la diko dia olongo;Lotombo layɛ longe laadiko dia nkɛtɛ k’otondo.+
6 Dia wanɛ wokayɛ ngandji mbika,Otoshimbee la lonya layɛ l’omi ndo onkadimole.+
7 Nzambi akatɛkɛta lo ekila kande* ate:
“Dimi layɔngɛnangɛna, layokimɔ Shɛkɛmɛ+ oko etenyi k’okitɔ,Ndo layɛdika Okidi* wa Sukɔta.+
8 Ngiliyadɛ+ kami ketɔ, oko wele Manase,Ndo Efrayimɛ kele lofulɛ* dikambo dia ɔtɛ ami;+Juda kele danga diami dia nkumekanga.+
9 Mɔaba kele dɔnga diami dia woke dia solaka anya.+
Dimi layokɛ losabata lami lo Ɛdɔmɛ.+
Dimi layoda ekoko w’otshumba lo Filistiya.”+
10 Akɔna ayɔntɔla lo osomba wodingami la mpele?
Akɔna ayɔnɔmbɔla polo lo Ɛdɔmɛ?+
11 Nzambi le, shi wɛ, ɔnɛ lakatokasha,Wɛ Nzambi kaso kahayotshɔ kaamɛ l’asɔlayi aso?+
12 Otokimanyiya lo asui aso,+Nɛ dia panda k’oma le anto kekɔ anyanya.+
13 Oma le Nzambi mbayotokondja wolo,+Ndo nde ayɔhɔtshahɔtsha andɔshi aso.+
Nɔtɛ ka l'ɛse ka dikatshi
^ Tshɛk., “kaanga lotombo lami.”
^ Kana “Layokohomɛ mishiki.”
^ Kana ondo “lo dihole diande di’ekila.”
^ Kana “Okidi w’Ebamubamu.”
^ Tshɛk., “longele.”
