Osambo 109:1-31
Le ɔnɔmbɔdi. Wa Davidɛ. Ngɛngu.
109 Nzambi katombolami le,+ totshikalake ki.
2 Nɛ dia kanga kɔlɔ ndo kanga lokeso mbasɛka enyɔ awɔ lo dikambo diami.
Vɔ tɛkɛtaka dikambo diami la nemi ya kashi;+
3 Vɔ nyingakami la ɛtɛkɛta wa lohetsho,Ndo vɔ ndɔshakami ɔlɔshalɔsha.+
4 Vɔ ndɔshakami l’ɔtɛ wawaokami ngandji;+Koko dimi tetemalaka la nɔmba.
5 Vɔ kaloyakami kɔlɔ lo ɔlɔlɔ+Ndo lohetsho lo ngandji kami.+
6 Ɔsɔnɛ kanga kɔlɔ dia mbɔlɔmbɔla;Ɔndɔshi* ɔmɔtshi emale lo lonya lande l’omi.
7 Lam’ayondolomboshama, nde kataneme la onongo;*Kaanga dɔmbɛlɔ diande diɔsame oko pɛkato.+
8 Nshi yande yonge yema tshitshɛ;+Onto okina onge lo dihole diande di’omendji.+
9 Anande* wayale tshike,Ndo wadɛnde ayale wadi aki odo.
10 Anande* wayale akanga wa tɔlɔmbɔ watekekɔ,Watayange mbo ya ndɛ oma lo ngelo yawɔ yambolanyema.
11 Wanɛ wookole wɔshi* kɛnɛ tshɛ kele la nde,Ndo angɛndangɛnda wambe diangɔ diande.
12 Onto atofudiake ɔlɔlɔ w’otema* otsha le nde,Ndo onto atokake anande wa tshike kɛtshi.
13 Tokanula* tande tadiakeme;+Lokombo lawɔ lashishɔ l’atei wa lɔlɔnga.
14 Munga ka watshɛnde kohɔmake le Jehowa,+Ndo pɛkato ka nyango katodimɔke.
15 Jehowa ohɔke tena tshɛ kɛnɛ kakawasale;Ndo nde anya eohwelo kawɔ oma la nkɛtɛ.+
16 Nɛ dia nde kombohɔ dia mɛnya ɔlɔlɔ w’otema,*+Koko nde akatetemala mbitshanya osoyami,+ ose wola ndo ɔnɛ lambatɛ otemaDia mbodiaka.+
17 Nde akalange wodjelo wa mananu, ko tɔ kakookadimwɛ;Nde komonga la nsaki ka ntshɔkɔla, ɔnkɔnɛ nde konongola ndooko ɔtshɔkɔ.
18 Nde akalɔtɛ mananu oko dihɔndɔ diande.
Ndo yɔ yakatshulɔ lo demba diande oko ashi,Ndo lo weka ande oko esɔ.
19 Mananu yande yonge oko ahɔndɔ wayakombande ndamɛ+Ndo oko oya walɔtande tena tshɛ.
20 Ɔsɔ kele difuto di’oma le Jehowa le ɔnɛ landɔsha+Ndo le wanɛ watɛkɛta akambo wa kɔlɔ lo dikambo diami.*
21 Koko wɛ Nkum’Olongo Nkumadiɔndjɔ Jehowa,Wɛ salaka akambo lo wahɔ ami l’ɔtɛ wa lokombo layɛ.+
Ombitsha, nɛ dia ngandji kayɛ ka kɔlamelo kekɔ ɔlɔlɔ.+
22 Nɛ dia dimi bu l’okimanyedi ndo lekɔ ose wola,+Ndo otema ami wambatshatshema l’etei kami.+
23 Dimi lekɔ lo teete oko dɛdi dia dikɔlɔ;Dimi lambosutshasutshama oko dikata.
24 Adwe ami wambɔlɛmba la okilelo wa mbo ya ndɛ;Demba diami diambɔnda ndo lamboma to.*
25 Dimi laya ɛngɔ ka lɔtɛngɔ le wɔ.+
Etena kamɛnawɔ, vɔ nyinginyaka ɛtɛ awɔ.+
26 Jehowa Nzambi kami le, onkimanyiya;Onshimbee la ngandji kayɛ ka kɔlamelo.
27 Vɔ weye dia la lonya layɛ kele dui nɛ;Dia wɛ Jehowa kambodisala.
28 Vɔ wadje mananu, koko wɛ ɔtshɔkɔlɛ.
Etena konɛɛwɔ dia ndɔshami, vɔ washame nsɔnyi;Koko okambi ayɛ angɛnɛngɛnɛ.
29 Wanɛ wandɔsha walɔtshame la nsɔnyi;Vɔ wakombame la nsɔnyi kawɔ oko la okutu.*+
30 Onyɔ ami wayotombola Jehowa la waasaso tshɛ;Dimi layowotombola la ntondo k’anto efula.+
31 Nɛ dia nde ayemala lo lonya l’omi l’ose wolaDia mboshimbɛ oma le wanɛ wawaanya.*
Nɔtɛ ka l'ɛse ka dikatshi
^ Kana “Ɔsɔngwɛdi.”
^ Kana “kɔlɔ.”
^ Tshɛk., “Anande w’apami.”
^ Tshɛk., “Anande w’apami.”
^ Tshɛk., “Asɔndjanyi wambe tolonga dikambo dia.”
^ Kana “ngandji ka kɔlamelo.”
^ Kana “Ana.”
^ Kana “ngandji ka kɔlamelo.”
^ Kana “anima ami.”
^ Tshɛk., “Emunyi ami wambɔnyɔnyala, waya bu la wata (esɔ).”
^ Kana “okutu wele bu la anya.”
^ Kana “waanya anima ande.”
