Osambo 113:1-9
113 Nyotombole Jah!*
Nyosha lotombo, nyu ekambi wa Jehowa,Nyotombole lokombo la Jehowa.
2 Lokombo la Jehowa latombɔmeOma ko kakianɛ ndo pondjo pondjo.+
3 Oma lo ehotwelo ka wonya, polo lo ɛɔtwɛlɔ kawɔ,Lokombo la Jehowa latombɔme.+
4 Jehowa ekɔ etale la diko dia wedja tshɛ;+Lotombo lande lekɔ la diko di’olongo.+
5 Akɔna ele oko Jehowa Nzambi kaso,+Ɔnɛ ladjasɛ* la diko?
6 Nde minyamaka dia menda olongo la nkɛtɛ,+
7 Nde monyiyaka mbolambola oma lo ditshu.
Nde monyiyaka ose wola oma lo tota di’otoko*+
8 Dia mbodjashiya kaamɛ la ɛlɔhɛ,Kaamɛ la ɛlɔhɛ w’anto ande.
9 Nde mbishaka womoto l’ekomba luuduOko nyango ana*+ lele l’ɔngɛnɔngɛnɔ.
Nyotombole Jah!*
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Kana “lodjashi lo kiti ka lowandji.”
^ Kana ondo, “oma lo dala.”
^ Tshɛk., “ana w’apami.”
^ Kana “Aleluya!” “Jah” ekɔ lokombo Jehowa lo hiembola.