Osambo 116:1-19
116 Dimi nangaka JehowaNɛ dia nde mbokaka* dui diami, ɛsɛngɔsɛngɔ ami wa nyanga ekimanyielo.+
2 Nɛ dia nde pokɛka toyi* diande le mi,+Ndo dimi layoweelɛka* edja tshɛ kemi la lɔsɛnɔ.*
3 Ɛkɔdi wa nyɔi wakanyinge;Diombo diakankimɛ.*+
Dimi lakamɛnama la asui ndo la shɔkɔ.+
4 Koko dimi lakelɛ lokombo la Jehowa nte:+
“Jehowa le, ombitsha!”*
5 Jehowa mbokanaka kandji* ndo ekɔ ɔlɔlɔ;+Nzambi kaso mbokanaka kɛtshi.+
6 Jehowa kokɛka wanɛ wahatahokɔ akambo.+
Dimi lakatɔlama l’ɛse, ko nde akanshimbɛ.
7 Anima* ami womuya yema nto,Nɛ dia Jehowa ambonsalɛ akambo la ngandji tshɛ.
8 Wɛ akantshungola* oma lo nyɔi,Washo ami oma lo asɔyi, lokolo lami diaha lɔ ntakana.+
9 Dimi layɔkɛndakɛndaka la ntondo ka Jehowa lo wodja wa wasɛna.
10 Dimi laki la mbetawɔ, nɛ dia lakatɛkɛta;+Dimi lakasoyama wolo efula.
11 Lo wedi ami, dimi lakandama la sase ko lakate nte:
“Onto tshɛ ekɔ kanga kashi.”+
12 Kakɔna kayomosha JehowaL’ɔtɛ w’ɛlɔlɔ tshɛ wakandansalɛ?
13 Dimi layɔsa dikɔhɔ dia panda,*Ndo layeelɛ* lokombo la Jehowa.
14 Dimi layokotsha alɔkɔlɔkɔ wakamatshike le JehowaLa ntondo k’anto ande tshɛ.+
15 Nyɔi k’ekambi ande wa kɔlamelo+Kekɔ oshinga wolo* lo washo wa Jehowa.
16 Jehowa le, dimi lambokɔsɛngasɛnga,Nɛ dia dimi lekɔ okambi ayɛ.
Dimi lekɔ okambi ayɛ, ɔna okambi ayɛ wa womoto.
Wɛ akankelekola ɛkɔdi ami.+
17 Dimi layokolambola olambo wa eokelo ka losaka;+Dimi layelɛ* lokombo la Jehowa.
18 Dimi layokotsha alɔkɔlɔkɔ wakamatshike le Jehowa+La ntondo k’anto ande tshɛ,+
19 Lo asɛkɛ wa luudu la Jehowa,+L’atei ayɛ, wɛ Jɛrusalɛma.
Nyotombole Jah!*+
Nɔtɛ ka l'ɛse ka dikatshi
^ Kana ondo “Dimi nangaka nɛ dia Jehowa mbokaka.”
^ Kana “minyamaka dia mpokamɛ.”
^ Kana “layowɔtɛndɛka.”
^ Tshɛk., “lo nshi yami.”
^ Tshɛk., “Asui wa Sheɔlɛ wakatane.”
^ Kana “tsha anima ami.”
^ Kana “tɛtɛka solo.”
^ Enda Elembetshielo.
^ Kana “akatsha anima ami.”
^ Kana “panda ka woke.”
^ Kana “layɔtɛndɛ.”
^ Tshɛk., “nɛmɔ.”
^ Kana “layɔtɛndɛ.”
^ Kana “Aleluya!” “Jah” ekɔ lokombo Jehowa lo hiembola.