Osambo 118:1-29
118 Nyosha Jehowa losaka, nɛ dia nde ekɔ ɔlɔlɔ;+Ngandji kande ka kɔlamelo tshikalaka pondjo.
2 Isariyɛlɛ ate kakianɛ ate:
“Ngandji kande ka kɔlamelo tshikalaka pondjo.”
3 Ase luudu la Arɔna wate vate:
“Ngandji kande ka kɔlamelo tshikalaka pondjo.”
4 Wanɛ woka Jehowa wɔma wate vate:
“Ngandji kande ka kɔlamelo tshikalaka pondjo.”
5 Dimi lakelɛ Jah* lo asui ami:Jah akankadimola ndo akantɔlɛ lo dihole di’ekokelo.*+
6 Jehowa ekɔ lo wedi ami; dimi hantoka wɔma.+
Kakɔna kakoka onto sa lɛmi?+
7 Jehowa ekɔ lo wedi ami oko okimanyedi ami;*+Dimi layenda ɔkwɛlɔ wa wanɛ wampetsha.+
8 Ndeka dimɛna ndjashɛ le JehowaLo dihole dia ndjaɛkɛ le anto.+
9 Ndeka dimɛna ndjashɛ le JehowaLo dihole dia ndjaɛkɛ le ewandji.+
10 Wedja tshɛ wakanyinge,Koko lo lokombo la Jehowa,Dimi lakawatshanya.+
11 Vɔ wakanyinge, eelo, dimi lakadingama djwɛ,Koko lo lokombo la Jehowa,Dimi lakawatshanya.
12 Vɔ wakanyinge oko ndjwe,Koko vɔ wakadimala esadi eto oko dja y’atɛndɛ.
Lo lokombo la Jehowa,Dimi lakawatshanya.+
13 Wakansokola wolo* dia kɔshami,Koko Jehowa akankimanyiya.
14 Jah kele hiombo yami ndo wolo ami,Nde kaya panda kami.+
15 Londjo l’ɔngɛnɔngɛnɔ ndo la panda*Lekɔ lo mvudu y’apɛma y’anto w’ɛlɔlɔ.
Lonya l’omi la Jehowa lekɔ lo mɛnya wolo alɔ.+
16 Lonya l’omi la Jehowa lekɔ lo ndjadiya lɔamɛ;Lonya l’omi la Jehowa lekɔ lo mɛnya wolo alɔ.+
17 Dimi hantovɔ, keema, dimi layɔsɛna,Dia mbewoyaka akambo wa Jah.+
18 Jah akampokola wolo,+Koko nde kokimɔmi le nyɔi.+
19 Nyondjiholee asoko wa losembwe;+Dimi layɔtɔ lɔkɔ ndo layotombola Jah.
20 Ɔnɛ ekɔ soko dia Jehowa.
Anto w’ɛlɔlɔ wayɔtɔ lɔkɔ.+
21 Dimi layokotombola, nɛ dia wɛ akankadimola+Ndo wɛ akayala panda kami.
22 Dive diakakasha ambiki wa luuduDiaya dive dia woke dia tshuku.*+
23 Dui sɔ ndja oma le Jehowa;+Diɔ diekɔ dui dia diambo lo washo aso.+
24 Ɔnɛ ekɔ lushi lakasale Jehowa;Sho tayonga l’ɔlɔ ndo tayɔngɛnangɛna lo lushi lakɔ.
25 Jehowa le, otoshimbee, lam’alangayɛ, tambokɔsɛngasɛnga!
Jehowa le, lam’alangayɛ otosha otshumba!
26 Ɔnɛ layaye lo lokombo la Jehowa+ atshɔkwame;Tambonyɔtshɔkɔla oma lo luudu la Jehowa.
27 Jehowa kele Nzambi;Nde toshaka osase.+
Nyɔtɔ l’ɔnɔngɔ wa lokidi l’anto watatshu lo fɛtɛ la avundja l’anya,+Polo lo nseke ya lo elambwelo kayɛ.+
28 Wɛ kele Nzambi kami, ndo dimi layokotombola;Nzambi kami le, dimi layokodiya.+
29 Nyosha Jehowa losaka,+ nɛ dia nde ekɔ ɔlɔlɔ;Ngandji kande ka kɔlamelo tshikalaka pondjo.+
Nɔtɛ ka l'ɛse ka dikatshi
^ “Jah” ekɔ lokombo Jehowa lo hiembola.
^ Kana “dihole dia woke.”
^ Kana ondo “kaamɛ la wanɛ wankimanyiya.”
^ Kana ondo “Wɛ akasokola wolo.”
^ Kana “otshumba.”
^ Tshɛk., “ɔtɛ wa tshuku.”