Osambo 135:1-21
135 Nyotombole Jah!*
Nyotombole lokombo la Jehowa;Nyu ekambi wa Jehowa,+ nyowosha lotombo,
2 Nyu wanɛ wemadi lo luudu la Jehowa,Lo asɛkɛ wa luudu la Nzambi kaso.+
3 Nyotombole Jah, nɛ dia Jehowa ekɔ ɔlɔlɔ.+
Nyembee lokombo lande esambo wa lotombo,* nɛ dia dui sɔ diekɔ dimɛna.
4 Nɛ dia Jah akasɔnɛ Jakɔbɔ dikambo diande ndamɛ,Isariyɛlɛ oko ɛngɔ kande ka laande.*+
5 Nɛ dia dimi mbeyaka dimɛna dia Jehowa ekɔ woke;Nkumɛso ekɔ woke ndeka tozambizambi tokina tshɛ.+
6 Jehowa salaka kɛnɛ tshɛ kangɛnangɛnande nsala+L’olongo ndo la nkɛtɛ, lo ndjale ndo l’angunda tshɛ.
7 Nde salaka dia wange* mbidɛ oma lo tokoma ta nkɛtɛ;Nde salaka angadimu dikambo dia mvula;Nde mbelaka lɔpɛpɛ oma lo mvudu yande ya waombelo.+
8 Nde akadiake ana wa nondo wa l’Edjibito,W’anto ndo wa nyama.+
9 Nde akatome tolembetelo ndo ahindo l’atei ayɛ, wɛ Edjibito,+Le Farawɔ la ekambi ande tshɛ.+
10 Nde akalanya wedja efula+Ndo akadiake nkumi ya dikanga ya wolo,+
11 Sihɔna nkumekanga k’ase Amɔra,+Onga nkumekanga ka Bashana,+Ndo waolelo tshɛ wa la Kanana.
12 Nde akakimɔ wodja awɔ oko etenyi k’okitɔ,Oko etenyi k’okitɔ le Isariyɛlɛ wodja ande.+
13 Jehowa le, lokombo layɛ latotshikalaka pondjo.
Jehowa le, lokumu* layɛ tshikalaka lo nɔnga tshɛ.+
14 Nɛ dia Jehowa ayɔtɛkɛtɛ* anto ande,+Ndo nde ayoka ekambi ande kandji.*+
15 Dikishi di’ase wedja diekɔ mfɛsa la paonyi,Olimu w’anya w’onto.+
16 Diɔ diekɔ la onyɔ, koko hadiokoke ntɛkɛta;+La washo, koko hadiokoke mɛna;
17 Diɔ diekɔ la atoyi, koko hadiokoke mboka.
Loowe keema lo onyɔ adiɔ.+
18 Anto wadisala wayokoma oko diɔ,+Ngasɔ mbayonga ndo wanɛ tshɛ wayaɛkɛ le diɔ.+
19 Luudu la Isariyɛlɛ le, nyotombole Jehowa.
Luudu la Arɔna le, nyotombole Jehowa.
20 Luudu la Lɛwi le, nyotombole Jehowa.+
Nyu wanɛ woka Jehowa wɔma, nyotombole Jehowa.
21 Jehowa atombɔme oma la Siɔna,+Ɔnɛ ladjasɛ la Jɛrusalɛma.+
Nyotombole Jah!+
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Kana “Nyohome mishiki.”
^ Kana “ɛngɔ ka nɛmɔ.”
^ Kana “edinga.”
^ Kana “lokombo.” Tshɛk., “eohwelo.”
^ Kana “ayosamba dikambo dia.”
^ Kana “ayonga la lonyangu.”