Osambo 141:1-10
Ngɛngu ka Davidɛ.
141 Jehowa le, dimi lekɔ lo kelɛ.+
Yaka yema esadi yonkimanyiya.+
Dja yimba etena kakelɛmi.+
2 Dɔmbɛlɔ diami diayale oko tshɔ+ yɔlɔngɔswami la ntondo kayɛ,+Anya wememi oko olambo wa ntɔngɔ wa la dikɔlɔ.+
3 Jehowa le, okitsha djamu dikambo dia onyɔ ami,Okitsha olami la soko di’ɛlɔmɔ ami.+
4 Tetawɔke dia otema ami mbɛlɛ otsha lo dui dimɔtshi dia kɔlɔ,+Dia ndjasha lo etsha wa kɔlɔ kaamɛ la anto wa kɔlɔ;Diaha dimi nsala fɛtɛ pondjo lo alambo awɔ.
5 Naka onto ɔlɔlɔ ayɔnkɔmɔla, dui sɔ diayonga tshelo ya ngandji ka kɔlamelo;+Naka nde ayompangwɛ, dui sɔ diayonga oko esɔ l’ɔtɛ ami,+Kele ɔtɛ ami hakitonaki pondjo.+
Dɔmbɛlɔ diami diayotetemala kaanga lo etena ka mpokoso yawɔ.
6 Kaanga mbele toshushi tawɔ wambokashema oma lo okundjikundji,Anto wayodja yimba lo ɛtɛkɛta ami, nɛ dia vɔ wekɔ amɛna.
7 Oko watofusaka onto ndo watondobondolaka nkɛtɛ,Ngasɔ mbambohandjɔ weka aso la soko dia Diombo.*
8 Koko washo ami le yɛ kendɛwɔ, wɛ Nkum’Olongo Nkumadiɔndjɔ Jehowa.+
Le yɛ kamomoyashɛ.
Tɔsake lɔsɛnɔ lami.*
9 Onkoke oma lo manga ya djonga yakawamambe,Oma lo tolonga ta atshi wa kɔlɔ.
10 Akanga wa kɔlɔ wayondama tshɛ kaamɛ lo ɛtɛyi awɔ hita.+Koko dimi layeta laawɔ tshɛ ki.
Nɔtɛ ka l'ɛse ka dikatshi
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “Tohongolake anima ami.”