Osambo 146:1-10
146 Nyotombole Jah!*+
Tshondo yami* yatombole Jehowa.+
2 Dimi layotombolaka Jehowa lɔsɛnɔ lami l’otondo.
Dimi layembɛka Nzambi kami esambo wa lotombo* edja tshɛ kemi la lɔsɛnɔ.
3 Tanyoyaɛkɛke le ewandji*Kana le ɔna onto lahakoke mbela panda.+
4 Lomu* lande latotombaka, ko nde atokalolaka lo nkɛtɛ;+Lushi lakɔ tokanyi tande ndanaka.+
5 Ɔngɛnɔngɛnɔ le onto lele Nzambi ka Jakɔbɔ kele okimanyedi ande,+Ɔnɛ lalongamɛ le Jehowa Nzambi kande,+
6 Osadi w’olongo la nkɛtɛ,Wa ndjale la ɛngɔ tshɛ kele lɔkɔ,+Ɔnɛ latotshikalaka nshi tshɛ la kɔlamelo,+
7 Ɔnɛ latelaka losembwe le wanɛ wambokesama,Ɔnɛ latoshaka wanɛ wele la ndjala mbo ya ndɛ.+
Jehowa tshungolaka ase lokanu.*+
8 Jehowa ndjiholaka washo w’akanga wa totshungu;+Jehowa sembolaka wanɛ wokotami;+Jehowa nangaka anto w’ɛlɔlɔ.
9 Jehowa kokɛka angɛndangɛnda;Nde sukɛka ɔna etshike ndo wadi aki odo,+Koko nde fukutanyaka dikongelo dia akanga wa kɔlɔ.*+
10 Jehowa ayongaka Nkumekanga pondjo pondjo,+Siɔna le, Nzambi kayɛ lo lɔlɔnga la lɔlɔnga.
Nyotombole Jah!*
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Kana “Anima ami.”
^ Kana “layohomaka mishiki.”
^ Kana “ɛlɔhɛ.”
^ Kana “loowe.”
^ Tshɛk., “wanɛ wokelekami.”
^ Kana “mbetɛka mboka ka akanga wa kɔlɔ wɛngɛngɛ.”
^ Kana “Aleluya!” “Jah” ekɔ lokombo Jehowa lo hiembola.