Osambo 147:1-20
147 Nyotombole Jah!*
Ekɔ dimɛna membɛ Nzambi kaso esambo wa lotombo;*Ande dimɛna ndo woho wasunganande tombɔma lee!+
2 Jehowa ekɔ lo mbika Jɛrusalɛma;+Nde sanganyaka ase Isariyɛlɛ wakahandjɔ.+
3 Nde kɔnɔlaka otema wambatɛ;Nde mɔmbaka mpota yawɔ.
4 Nde mbadiaka lofulo la tɔɔtɔ;Nde tielɛka tɔ tshɛ nkombo yatɔ.+
5 Nkumɛso ekɔ woke ndo la nkudu ka wolo;+Yimba yande heyama mbɛdika.+
6 Jehowa monyiyaka akanga wa memakana,+Koko nde mbikashaka akanga wa kɔlɔ lo nkɛtɛ.
7 Nyembee Jehowa la eokelo ka losaka;Nyembee Nzambi kaso esambo wa lotombo kaamɛ la lɔsɛsɛ,
8 Ɔnɛ lakomba olongo la wange,Ɔnɛ lalɔsha mvula la nkɛtɛ,+Ɔnɛ latondja adiyo+ lo akona.
9 Nde mbishaka nyama mbo ya ndɛ,+Ana wa angwangwa wawana dia ndjiyanga.+
10 Nde hangɛnangɛna lo wolo wele la mfalasa;+Ndo nde hambiyama la ekolo wa wolo w’onto.+
11 Jehowa ngɛnangɛnaka wanɛ wawoka wɔma,+Wanɛ wakongɛɛ ngandji kande ka kɔlamelo.+
12 Jɛrusalɛma le, andola Jehowa.
Siɔna le, tombola Nzambi kayɛ.
13 Nde keketshaka esembe wa lo asoko w’osomba ayɛ;Nde tshɔkɔlaka anayɛ wele l’atei ayɛ.
14 Nde mbidjaka wɔladi lo ɛtshi kayɛ ka nkɛtɛ;+Nde kolotshaka la eponga woleki amɛna.*+
15 Nde tomaka didjango diande la nkɛtɛ;Ɔtɛkɛta ande ndawɔka esadi.
16 Nde tomaka loonge l’ekama oko wɛɔsa wa nyama;+Nde pandjolaka ashi wambokama oko etoko.+
17 Nde kɔshaka ave ande wa mbɔkɔ ya mvula oko bɛtshi dia mapa.+
Akɔna akoka memala lo tshitshi kande?+
18 Nde tomaka dui diande, ko vɔ ndɛlɔka.
Nde salaka dia lɔpɛpɛ lande+ mpɛpa ndo dia ashi nkɛla.
19 Nde mbewoyaka ɔtɛkɛta ande le Jakɔbɔ,Wadjango ande ndo dombwelo diande le Isariyɛlɛ.+
20 Nde hasale ngasɔ la wodja okina tshɛ;+Vɔ haweye ndooko dui diendana la dombwelo diande.
Nyotombole Jah!*+
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Kana “mpoma mishiki.”
^ Tshɛk., “wa wata.”
^ Kana “Aleluya!” “Jah” ekɔ lokombo Jehowa lo hiembola.