Osambo 148:1-14
148 Nyotombole Jah!*
Nyotombole Jehowa oma l’olongo;+Nyootombole la diko.
2 Nyootombole, nyu andjelo ande tshɛ.+
Nyootombole, nyu alembe ande tshɛ.+
3 Nyootombole, nyu wonya la ngɔndɔ.
Nyootombole, nyu tɔɔtɔ tshɛ tangamula osase.+
4 Nyootombole, nyu dongolongo di’olongo*Ndo ashi wa la diko di’olongo.
5 Vɔ watombole lokombo la Jehowa,Nɛ dia nde akadjanga, ko vɔ wakatongama.+
6 Nde mbashikikɛka pondjo pondjo;+Nde akadje didjango diahateta pa.+
7 Nyotombole Jehowa oma la nkɛtɛ,Nyu ditongami dia weke dia lo ndjale ndo ashi tshɛ w’angunda,
8 Nyu angadimu ndo mbɔkɔ ya mvula, loonge l’ekama ndo wange w’edima,Wɛ lɔpɛpɛ la wolo latɛmbaka ɔtɛkɛta ande,+
9 Nyu akona la tokonakona tshɛ,+Nyu esongo watɔ elowa ndo elondo tshɛ,+
10 Nyu nyama ya l’okonda+ ndo dongalonga tshɛ,Nyu diangɔ dialamba ndo fudu yele la ahafu,
11 Nyu nkumi ya dikanga ya la nkɛtɛ ndo nyu wedja tshɛ,Nyu ewandji ndo toshushi tshɛ ta la nkɛtɛ,+
12 Nyu ɛlɔngɔlɔngɔ la esekaseka,*Esombe kaamɛ ndo akɛnda.
13 Vɔ watombole lokombo la Jehowa,Nɛ dia lokombo lande loto mbele la diko lɛnɛ ahakoke onto nkoma.+
Lɔnɛnɛ lande lekɔ laadiko di’olongo la nkɛtɛ.+
14 Nde ayodiya wolo w’anto ande,Dia lotombo l’ekambi ande tshɛ wa kɔlamelo,La ana w’Isariyɛlɛ, anto wele suke la nde.
Nyotombole Jah!*
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Tshɛk., “elongo w’elongo.”
^ Tshɛk., “dimuma.”
^ Kana “Aleluya!” “Jah” ekɔ lokombo Jehowa lo hiembola.