Osambo 149:1-9
149 Nyotombole Jah!*
Nyembee Jehowa osambo w’oyoyo;+Nyootombole lo etshumanelo ka akanga wa kɔlamelo.+
2 Isariyɛlɛ angɛnɛngɛnɛ le Osadi awɔ wa Woke;+Ana w’apami wa Siɔna wonge l’ɔlɔ le Nkumekanga kawɔ.
3 Vɔ watombole lokombo lande la nɔshi dia lokombe+Ndo wawembee esambo wa lotombo* kaamɛ la ngɔmɔ ndo lɔsɛsɛ.+
4 Nɛ dia Jehowa ngɛnangɛnaka anto ande.+
Nde nɛngaka akanga wa memakana la panda.+
5 Akanga wa kɔlamelo wangɛnɛngɛnɛ lo lotombo lande;Vɔ wade ekoko w’ɔngɛnɔngɛnɔ lo mbeto yawɔ.+
6 Esambo watombola Nzambi wonge lo enyɔ awɔ,Ndo lokuwa la mpɛmɔ wedi 2 longe lo anya awɔ,
7 Dia nsɔmbɔya wedjaNdo mbisha anto dilanya,
8 Dia keleka nkumi ya dikanga yawɔ la mɔlɔlaNdo mbidja ɛlɔhɛ awɔ lo lowete la mbolo,
9 Dia mbela elombwelo kakafundama lo dikambo diawɔ.+
Kɛnɛmɔ kɛsɔ kekɔ ka ekambi ande tshɛ wa kɔlamelo.
Nyotombole Jah!*
Nɔtɛ ka l'ɛse ka dikatshi
^ Kana “Aleluya!” “Jah” ekɔ lokombo Jehowa lo hiembola.
^ Kana “wawohomee mishiki.”
^ Kana “Aleluya!” “Jah” ekɔ lokombo Jehowa lo hiembola.
