Osambo 17:1-15
Dɔmbɛlɔ dia Davidɛ.
17 Jehowa le, olonge ɔsɛngɔsɛngɔ wayangami losembwe;Odje yimba lo delo diayangami ekimanyielo;Ohokame dɔmbɛlɔ diami diaha la lokeso.+
2 Ɔsa yɛdikɔ yosembwe lo wahɔ+ ami;Washo ayɛ wɛnyi kɛnɛ kosembwe.
3 Wɛ akasɛdingola otema ami, wɛ akamembola l’otsho;+Wɛ akambɛdia;+Wɛ ayɛna dia dimi kokongɛ ndooko dui dia kɔlɔ,Ndo onyɔ ami kosala kɔlɔ.
4 Lo dikambo dia etsha w’anto,Lo yoho yɔtɔnɛ la ɛtɛkɛta wa lo ɛlɔmɔ ayɛ, dimi lakatone mboka y’apɔtwanyi.+
5 Wanya ami watshikale lo ɛsɛsɛ ayɛDiaha ekolo ami ntakana.+
6 Nzambi le, dimi kelɛka* nɛ dia wɛ ayonkadimola.+
Ohokɛ toyi diayɛ* le mi. Ohokame ɛtɛkɛta+ ami.
7 Ɛnya ngandji kayɛ ka kɔlamelo lo yoho ya diambo,+Wɛ Oshimbedi wa wanɛ wayanga eshamelo lo lonya layɛ l’omiOma le wanɛ wakɔtɔmbɔkwɛ.
8 Oname oko ɔna sso diayɛ;+Ombishɛ lo dɛdi dia ahafu+ ayɛ.
9 Oname oma le akanga wa kɔlɔ wandɔsha,Oma le atunyi ami wokovɔ* wamboninga.+
10 Vɔ hawoyɔtɛtɛ solo;*La onyɔ awɔ mbatɛkɛtawɔ la lotamanya tshɛ;
11 Wonya ɔnɛ, vɔ wambotodinga;+Vɔ wendɛka le mpawo dia tɔkɔsha.*
12 Nde ekɔ oko ntambwɛ kalomɔlomɔ dia mbatshatsha nyama kondjitɔ,Oko ɔsɔngɔ wa ntambwɛ wamboholama.
13 Jehowa le, onɛɛ dia mbɔlɔsha+ ndo dia mbɔkɔsha;Ombitsha* la lokuwa layɛ la ta oma le kanga kɔlɔ;
14 Jehowa le, ombitsha la lonya layɛ,Oma le anto wa l’andja ɔnɛ,* wele sango diawɔ diekɔ lo lɔsɛnɔ lɔnɛ,+Wanɛ walodiayɛ la diangɔ di’amɛna diakimɔyɛ+Ndo watshikɛ efula k’anawɔ etenyi k’okitɔ.
15 Koko le mi, dimi layɛna elungi kayɛ lo losembwe;Dimi lambɔngɛnangɛna memɔ laleyɛ.*+
Nɔtɛ ka l'ɛse ka dikatshi
^ Kana “kɔtɛndɛka.”
^ Kana “Onyame ndo ohokame.”
^ Kana “atunyi ami walɔsha anima.”
^ Kana “Vɔ wambodihama lo wata awɔ hita.”
^ Kana “tookɛ la nkɛtɛ.”
^ Kana “Tsha anima ami.”
^ Kana “dikongɛ di’akambo nɛ.”
^ Kana “dia mɛna woho weyɛ.”
