Osambo 20:1-9
-
Panda dikambo dia nkumekanga kaki Nzambi k’okitami w’esɔ
-
Amɔtshi ndjaɛkɛka lo pusupusu la mfalasa, “koko sho mbelɛka lokombo la Jehowa” (7)
-
Le ɔnɔmbɔdi. Ngɛngu ka Davidɛ.
20 Jehowa akokadimole lo lushi la paa.
Lokombo la Nzambi ka Jakɔbɔ lakokoke.+
2 Nde akotomee ekimanyielo oma lo dihole di’ekila+Ndo akosuke oma lo Siɔna.+
3 Nde oohɔ elambo ayɛ tshɛ wa weshasha;Nde eetawɔ la ɔngɛnɔngɛnɔ tshɛ* olambo ayɛ wa lotshumba. (Sela)
4 Nde akokotshe nsaki y’otema ayɛ+Ndo asale dia kɛnɛ tshɛ kakongɛyɛ* ndowana.
5 Sho tayoda ekoko w’ɔngɛnɔngɛnɔ l’ɔtɛ w’etsha ayɛ wa panda;+Tayohanɛ tolembetelo taso lo lokombo la Nzambi+ kaso.
Jehowa akotsha kɛnɛ tshɛ kalɔmbayɛ.
6 Kakianɛ dimi lambeya dia Jehowa shimbɛka okitami ande.+
Nde mbokadimolaka oma l’olongo ande w’ekilaLa panda ka woke* oma lo lonya lande l’omi.+
7 Amɔtshi ndjaɛkɛka le pusupusu ndo akina le mfalasa,+Koko sho mbelɛka* lokombo la Jehowa Nzambi+ kaso.
8 Vɔ wambɔsɛlɔ ndo wambɔkɔ,Koko sho tambetɔ ndo tambokaloyama.+
9 Jehowa le, shimbɛ nkumekanga!+
Nde ayotokadimola lo lushi layotɔɔlɔmba ekimanyielo.+
Nɔtɛ ka l'ɛse ka dikatshi
^ Tshɛk., “ɔshi oko wata.”
^ Kana “dako.”
^ Kana “etshumba.”
^ Kana “tɛndɛɛka.”
