Osambo 24:1-10
-
Nkumekanga ka lotombo ambɔtɔ lo asoko
-
“Jehovah kakanga nkɛtɛ” (1)
-
Wa Davidɛ. Ngɛngu.
24 Jehowa kakanga nkɛtɛ ndo ɛngɔ tshɛ kele lɔkɔ,+Nkɛtɛ y’ɛtɛtɔ ndo wanɛ wodjashi lɔkɔ.
2 Nɛ dia nde akayihike wolo lo ndjale+Ndo akayishikikadia nge lo ɛkɛdi.
3 Akɔna akoka mbidɛ lo dikona dia Jehowa,+Ndo akoka memala lo dihole diande di’ekila?
4 Onto tshɛ lele la anya waha la onongo ndo la otema wa pudipudi,+Ɔnɛ lahatotshibaka etshibelo ka kashi lo lɔsɛnɔ Lami,*Ndo lahatotshibaka lo lokeso.+
5 Nde ayolongola ɛtshɔkɔ w’oma le Jehowa+Ndo losembwe l’oma le Nzambi kande ka panda.+
6 Ɔsɔ kele lɔlɔnga la wanɛ wooyanga,La wanɛ wayanga elungi kayɛ, wɛ Nzambi ka Jakɔbɔ. (Sela)
7 Nyu asoko,+ nyowedia ɛtɛ anyu;Nyu nkuke y’edjedja, nyodihɔ,*Kele Nkumekanga ka lotombo ɔɔtɔ!+
8 Ele Nkumekanga ka lotombo kɛsɔ?
Jehowa, kanga nkudu ndo wolo,+Jehowa, kanga wolo lo ta.+
9 Nyu asoko,+ nyowedia ɛtɛ anyu;Nyu nkuke y’edjedja, nyodihɔ,Kele Nkumekanga ka lotombo ɔɔtɔ!
10 Akɔna ɔsɔ, ele Nkumekanga ka lotombo kɛsɔ?
Jehowa kanga lolembelembe, nde kele Nkumekanga ka lotombo.+ (Sela)
Nɔtɛ ka l'ɛse ka dikatshi
^ Kana “anima Ami,” lo ntɛkɛta dikambo dia lɔsɛnɔ la Jehowa latshiba onto la lɔ.
^ Kana “nyonee.”