Osambo 26:1-12
Wa Davidɛ.
26 Jehowa le, ɔnsɛdingole lo kilombo, nɛ dia lakakɛndakɛnda lo olowanyi+ ami;Lakayaɛkɛ le Jehowa aha la ndjɛkayɛka.+
2 Jehowa le, ɔnsɛdingole ndo ompembe;Ɛdia tokanyi tami toleki l’etei* ndo otema+ ami.
3 Nɛ dia ngandji kayɛ ka kɔlamelo kekɔ nshi tshɛ la ntondo kami,Ndo lekɔ lo nkɛndakɛnda lo mɛtɛ+ kayɛ.
4 Dimi halekesanɛ* l’akanga wa lokeso,+Ndo dimi mbewɔka wanɛ washɛ woho wewɔ.*
5 Dimi petshaka lɔngɛnyi la anto wa kɔlɔ,+Ndo dimi tonaka dia mbekesanɛ* l’akanga wa kɔlɔ.+
6 Layosola anya ami lo monga aha la onongo,Ndo Jehowa le, layeteta lo otshimbedi wa elambwelo kayɛ,
7 Dia mbokiya londjo la eokelo ka losaka+Ndo dia mbewoya akambo ayɛ tshɛ wa diambo.
8 Jehowa le, dimi nangaka luudu ladjasɛyɛ,+Dihole diadjasɛ+ lotombo layɛ.
9 Tominyake* kaamɛ l’atshi wa pɛkato+Ndo tɔsake lɔsɛnɔ lami kaamɛ l’akanga wa ngala,*
10 Wanɛ wele anya awɔ ndjashaka lo lɔkɛwɔ la nsɔnyi,Ndo wele lonya lawɔ l’omi ndola tɔɔ la etshimba.
11 Koko le mi, dimi layɔkɛndakɛndaka lo olowanyi ami.
Ombitsha* ndo omboke kɛtshi.
12 Lokolo lami memala lo nkɛtɛ y’ebamubamu;+Dimi layotombolaka Jehowa lo etshumanelo ka woke.*+
Nɔtɛ ka l'ɛse ka dikatshi
^ Kana “nsaki yami yoleki l’etei.” Tshɛk., “awondo ami.”
^ Tshɛk., “mbidjasɛ.”
^ Kana “haasɔhana l’akanga wa dungi pende.”
^ Tshɛk., “mbidjasɛ.”
^ Kana “Tonyake anima ami.”
^ Kana “kaamɛ la wanɛ wakɛdia dikila.”
^ Tshɛk., “Ontshungole.”
^ Tshɛk., “lo nsanganya ya weke.”