Osambo 31:1-24
Le ɔnɔmbɔdi. Ngɛngu ka Davidɛ.
31 Jehowa le, le yɛ kamomoyashɛ.+
Tetawɔke pondjo dia dimi mbɔsa nsɔnyi.+
Ombitsha l’ɔtɛ wa losembwe+ layɛ.
2 Ohokɛ toyi diayɛ* le mi.
Yaka esadi esadi yombitsha.+
Onga dikona dia longele le mi,Dihole dia wolo dia shimbɛmi.+
3 Nɛ dia wɛ kele dive diami ndo longele+ lami;L’ɔtɛ wa lokombo+ layɛ, wɛ ayɔnɔmbɔla ndo ayɔmɛnya mboka.+
4 Wɛ ayontshungola oma l’ɔtɛyi wakawamambe lo woshɛshɛ,+Nɛ dia wɛ kele eshamelo kami.+
5 Lambokimɔ lomu lami lo anya ayɛ.+
Wɛ akantshungola, wɛ Jehowa, Nzambi k’akambo wa mɛtɛ.*+
6 Dimi petshaka wanɛ wayasha le dikishi di’anyanya, diele bu la nɛmɔ,Koko le mi, dimi ndjaɛkɛka le Jehowa.
7 Dimi layɔngɛnangɛna efula lo ngandji kayɛ ka kɔlamelo,Nɛ dia wɛ ambɛna sui+ diami;Wɛ mbeyaka shɔkɔ yami y’efula.*
8 Wɛ hankimwe le otunyi,Koko wɛ ambomemadia lo dihole di’ekokelo.*
9 Jehowa le, omboke kɛtshi, nɛ dia lekɔ lo shɔkɔ.
Lɔkɔnyɔ lambɔlɛndja+ washo ami, ndo+ demba diami di’otondo.*
10 Lɔsɛnɔ lami lambɔlɛɛma la lɔkɔnyɔ+Ndo ɛnɔnyi ami la akumu.+
Wolo ami wambokitakita l’ɔtɛ wa munga kami;Weka ami wambɔlɛmba.+
11 Dimi lambɔnywama oma le andɔshi ami tshɛ,+Djekoleko asukanyi ami.
Ndo asekami wambombata asolo;Etena kamɛnawɔ lo sɛkɛ, vɔ ndawɔkami.+
12 Dimi laya bu lo etema* awɔ ndo lambohamɛ, wate kana oko lambovɔka;Dimi laya oko mbaka kambolɛ.
13 Dimi lakoke engunungunu efula wa kɔlɔ;Wɔma wambonyinga.+
Etena kasanganawɔ oko onto ɔtɔi dia ndɔshami,Vɔ kongɛka dia mbɔsa lɔsɛnɔ* lami.+
14 Koko dimi ndjaɛkɛka le yɛ, wɛ Jehowa.+
Dimi mbutaka nte: “Wɛ kele Nzambi+ kami.”
15 Nshi* yami yekɔ lo anya ayɛ.
Ombitsha oma lo anya w’atunyi ami ndo oma le wanɛ wampɛnyahɛnya.+
16 Hɛtshɛɛ okambi ayɛ elungi kayɛ.+
Onshimbee l’ɔtɛ wa ngandji kayɛ ka kɔlamelo.
17 Jehowa le, tetawɔke dia dimi mbɔsa nsɔnyi etena kakelɛmi.*+
Akanga wa kɔlɔ washame nsɔnyi;+Vɔ wɔlame lo Diombo.*+
18 Ɛlɔmɔ wata kashi wayale lomi,+Ɛlɔmɔ watɛkɛta la lotamanya tshɛ dikambo di’onto ɔlɔlɔ, la ndjadiya ndo la diɔnyɔ.
19 Ande efula kele ɔlɔlɔ ayɛ lee!+
Wɛ akoolame dikambo dia wanɛ wakooka wɔma,+Ndo wɛ akawɛnya la ntondo k’anto tshɛ lo wahɔ wa wanɛ wayashɛ le yɛ.+
20 Wɛ ayowashɛ lo dihole dia woshamu dia laleyɛ+Oma lo dikongelo di’anto;Wɛ ayowashɛ lo hiombo yayɛOma lo ɛlɔshamelo wa kɔlɔ.*+
21 Jehowa atombɔme,Nɛ dia lo yoho ya diambo, nde akamɛnya ngandji kande ka kɔlamelo+ lo osomba wambodingama.+
22 Lo wedi ami, dimi lakoke wɔma, ko lakate nte:
“Dimi layolanyema oma la ntondo kayɛ.”+
Koko wɛ akoke ɛsɛngɔsɛngɔ ami wa nyanga ekimanyielo lam’akamakolelɛ.+
23 Nyoke Jehowa ngandji, nyu wanɛ tshɛ wele la kɔlamelo le nde!+
Jehowa kokɛka akanga wa kɔlamelo,+Koko nde mbishaka wanɛ tshɛ wele la lotamanya dilanya dia wolo.+
24 Nyonge la dihonga ndo nyokeketsha etema,+Nyu wanɛ tshɛ wendɛ le Jehowa.+
Nɔtɛ ka l'ɛse ka dikatshi
^ Kana “Onyame ndo ohokame.”
^ Kana “Nzambi ka kɔlamelo.”
^ Kana “shɔkɔ y’anima ami.”
^ Kana “dihole dia woke.”
^ Kana “anima ami ndo dikundju diami.”
^ Kana “timba.”
^ Kana “anima.”
^ Tshɛk., “Tena.”
^ Kana “kakɔtɛndɛmi.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Tshɛk., “Oma lo nemi y’ewanu.”
