Osambo 33:1-22
33 Nyode ekoko w’ɔngɛnɔngɛnɔ, nyu anto w’ɛlɔlɔ, l’ɔtɛ wa Jehowa.+
Ekɔ dimɛna di’anto wosembwe mbotombola.
2 Nyosha Jehowa losaka la lɔsɛsɛ;Nyowembee esambo wa lotombo* la ehomahoma k’eshinga 10.
3 Nyowembee osambo w’oyoyo;+Nyohome eshinga dimɛna, kaamɛ la ekoko w’ɔngɛnɔngɛnɔ.
4 Nɛ dia ɔtɛkɛta wa Jehowa wekɔ osembɔki,+Ndo kɛnɛ tshɛ kasalande sunganaka mbɛkɛ otema.
5 Nde nangaka sambo k’ɔlɔlɔ ndo losembwe.+
Nkɛtɛ kambolola la ngandji ka kɔlamelo ka Jehowa.+
6 La ɔtɛkɛta wa Jehowa kakasalema olongo,+Ndo la nyuma* ka l’onyɔ ande mbakasalema diangɔ tshɛ diele lɔkɔ.*
7 Nde sanganyaka ashi wa ndjale oko nkonge;+Nde mbidjaka ashi wambɔmbɔ lo mvudu ya waombelo.
8 Nkɛtɛ k’otondo kooke Jehowa wɔma.+
Wanɛ wodjashi lo nkɛtɛ y’ɛtɛtɔ wawooke wɔma wɔsɔhanyemi la dilɛmiɛlɔ.
9 Nɛ dia nde akate dui, ko diɔ diakatshama;+Nde akadjanga, ko diɔ diakashikikala.+
10 Jehowa akafukutanya toseke* ta wedja;+Nde akalanya dikongelo* di’anto.+
11 Koko tɛdikɔ* ta Jehowa tayotshikalaka pondjo;+Tokanyi ta l’otema ande tshikalaka lo lɔlɔnga la lɔlɔnga.
12 Ɔngɛnɔngɛnɔ le wodja wele Jehowa kele Nzambi kawɔ,+Anto wakandasɔnɛ oko wande hita.+
13 Jehowa mendaka oma l’olongo;Nde mɛnaka ana w’anto tshɛ.+
14 Oma lo dihole diadjasɛnde,Nde shishimaka wanɛ wodjashi la nkɛtɛ.
15 Nde katokengaka etema w’anto tshɛ;Nde sɛdingolaka elimu awɔ tshɛ.+
16 Ndooko nkumekanga kashimbamɛ l’ɔtɛ w’asɔlayi w’efula;+Kanga wolo hashimbamɛ l’ɔtɛ wa wolo ande w’efula.+
17 Mfalasa ekɔ elongamelo ka kashi ka panda;*+Wolo atɔ w’efula hashikikɛ kangatɔ dia nde ayohanda.
18 Eenda, washo wa Jehowa mendaka wanɛ wawooka wɔma,+Wanɛ wakonga ngandji kande ka kɔlamelo,
19 Dia mbatshungola* oma lo nyɔiNdo dia mbatshika la lɔsɛnɔ lo nshi ya ndjala.+
20 Sho tekɔ* lo nongamɛ le Jehowa.
Nde kele okimanyedi aso ndo engawo kaso.+
21 Etema aso ngɛnangɛnaka le nde,Nɛ dia sho ndjaɛkɛka lo lokombo lande l’ekila.+
22 Jehowa le, ngandji kayɛ ka kɔlamelo katshikale le so,+Etena katetemalaso mendɛ le yɛ.+
Nɔtɛ ka l'ɛse ka dikatshi
^ Kana “Nyoohomee mishiki.”
^ Kana “loowe.”
^ Tshɛk., “alembe awɔ tshɛ.”
^ Kana “dako.”
^ Kana “tokanyi.”
^ Kana “dako.”
^ Kana “k’otshumba.”
^ Kana “ntshungola anima awɔ.”
^ Kana “Anima aso wekɔ.”