Osambo 35:1-28
Wa Davidɛ.
35 Jehowa le, onsambee la ntondo k’atunyi ami;+Ɔlɔsha wanɛ wandɔsha.+
2 Ɔsa engawo kayɛ ka tshitshɛ* ndo ka woke,+Ndo emala dia kokɛmi.+
3 Owedia dikɔnga diayɛ ndo shɔka ya ta* dia ndɔsha wanɛ wambitshanya.+
Ombute* wate: “Dimi kele panda kayɛ.”+
4 Wanɛ watsha lɔsɛnɔ* lami wenga washame nsɔnyi ndo wakitshakitshame.+
Wanɛ wadja sheke dia ndanyami wakalole ɛkɔngɔkɔngɔ la nsɔnyi.
5 Vɔ wayale oko fufudi lo lɔpɛpɛ;Ondjelo wa Jehowa awatshanya.+
6 Mboka kawɔ kayale wodjima ndo ɔsɛlɔEtena kawatshanya ondjelo wa Jehowa.
7 Nɛ dia vɔ wakashɛ ɔtɛyi dia mindami wondanda;Vɔ wakatshime difuku otshimatshima dikambo diami.*
8 Mpokoso kambookomɛ la shashimoya;Ɔtɛyi wakandashɛ wawonde;Nde akɔ lɔkɔ ndo alanyeme.+
9 Koko dimi* layɔngɛnangɛnaka le Jehowa;Dimi layongaka la ɔlɔ lo etsha ande wa panda.
10 Weka ami tshɛ wayota vate:
“Jehowa le, ele oko wɛ?
Wɛ tshungolaka ɔnɛ laha l’ekimanyielo oma le wanɛ wele la wolo,+Ɔnɛ laha l’ekimanyielo ndo ose wola oma le wanɛ waahɔtɔla diangɔ.”+
11 Ɛmɛnyi wa kɔlɔ wambotomba,+Wamimbola akambo wahameye.
12 Vɔ wambonkaloya kɔlɔ lo ɔlɔlɔ,+Wambosala dia dimi* ndjaoka oko onto lambovusha.
13 Koko etena kakiwɔ la hemɔ, dimi lakalɔtɛ dikoto;Dimi lakayasoya* lo nkila mbo ya ndɛ,Ndo lam’aki dɔmbɛlɔ diami kokadimɔma,*
14 Dimi laketetaka oko onto lele l’otanda w’ɔngɛnyi ami kana w’ɔnalengo;Dimi lakakotamaka la lonyangu, oko onto lalela nyango.
15 Koko etena kakamatakana, vɔ wakangɛnangɛna ndo wakasangana;Vɔ wakasangana woholami dia kɔmɔlami;Vɔ wakambatshatsha ndo vɔ kɔmbɔlama.
16 Anto wa kɔlɔ wekɔ lo mbɔlami la diɔnyɔ tshɛ,*Vɔ wekɔ lo kakatanyɛmi wanyu awɔ.+
17 Jehowa le, polo l’etena kakɔna kayoyendaka tsho?+
Ontshungole* oma lo ɛlɔshɛlɔ awɔ,+Lɔsɛnɔ* lami la nɛmɔ oma le ɛsɔngɔ wa ntambwɛ.*+
18 Ko dimi layokosha losaka lo etshumanelo ka woke;+Layokotombola l’atei w’elui wa weke w’anto.
19 Tetawɔke dia wanɛ wayaetɛ atunyi ami wetetɛ ngɛnangɛna l’ɔtɛ ami;Tetawɔke dia wanɛ wampetsha ohetshahetsha+ pɛnɔlɛmi washo lo yoho ya kɔlɔ.+
20 Nɛ dia vɔ hawɔtɛkɛta ɛtɛkɛta wa wɔladi,Koko la lokeso tshɛ vɔ kongɛka dia ndɔsha akanga wa wɔladi wa lo wodja.+
21 Vɔ mbasɛka enyɔ awɔ hwe dia fundami,Wata vate: “Aah! Aah! Washo aso wambɛna dui diakɔ.”
22 Jehowa le, wɛ ambɛna dui nɛ. Totshikalake ki.+
Jehowa le, taanganake etale la mi.+
23 Emɔ ndo etɔ dia sambɛmi,Jehowa Nzambi kami le, onsambee.
24 Onombosha lo ndjela losembwe+ layɛ, wɛ Jehowa Nzambi kami;Tetawɔke dia vɔ ngɛnangɛna l’ɔtɛ ami.
25 Vɔ watoyatɛke pondjo vate: “Aah! Tambokondja kɛnɛ kakatalongamɛka.”*
Vɔ watotake pondjo vate: “Tambɔɔmɛna.”+
26 Vɔ tshɛ washame nsɔnyi ndo walɔmbɔ,Wanɛ wangɛnangɛna l’ɔtɛ wa mpokoso kami.
Wanɛ wayafuna l’ɔtɛ ami wakombame la nsɔnyi ndo wakitshakitshame.
27 Koko wanɛ wangɛnangɛna lo losembwe lami wade ekoko w’ɔngɛnɔngɛnɔ;Vɔ watake tena tshɛ vate:
“Jehowa atombɔme, nde langɛnangɛna lo wɔladi w’okambi ande.”+
28 Ko lolemi lami layewoya* losembwe layɛ+Ndo layokotombolaka lushi l’otondo.+
Nɔtɛ ka l'ɛse ka dikatshi
^ Mbala efula, amboki w’eta mbakɛmbaka dingawo dia totshitshɛ sɔ.
^ Kana “shɔka ya mpɛmɔ wedi 2.”
^ Kana “Tɛ anima ami.”
^ Kana “anima ami.”
^ Kana “dia anima ami.”
^ Kana “anima ami.”
^ Kana “anima ami.”
^ Kana “lakasoya anima ami.”
^ Kana “nkalola lo dihɛlɔ diami.”
^ Kana ondo “Anto wa kɔlɔ mbɔlaka l’ɔtɛ w’okate.”
^ Kana “otshungole anima ami.”
^ Tshɛk., “Tshɔi yami dimɛ,” lo ntɛkɛta dia anima kana lɔsɛnɔ lande.
^ Kana “ɛsɔngɔ wa ntambwɛ wele l’alɛfulɛfu.”
^ Kana “Aah! Anima aso.”
^ Kana “layokana yimba lo.”
