Osambo 42:1-11
Le ɔnɔmbɔdi. Maskilɛ* w’ana w’apami wa Kɔra.+
42 Oko mpele kakombola ɛkɛdi w’ashi,Ngasɔ kakokombolami,* wɛ Nzambi.
2 Dimi lekɔ la mposa* ka Nzambi, ɛɛ, Nzambi kasɛna.+
Etena kakɔna kayomoya ndo kayomɛnama la ntondo ka Nzambi?+
3 Asɔyi ami mbele mbo ya ndɛ yami la yanyi ndo l’otsho,Lushi l’otondo anto wekɔ lo sɔkami vate: “Lende ele Nzambi kayɛ?”+
4 Dimi lambohɔ akambo anɛ, ko lambodihola anima* ami,Nɛ dia lakakɛndakɛnda mbala kɛmɔtshi kaamɛ la olui w’anto,Lakakɛndakɛndaka la ɔkɔmi tshɛ* la ntondo kawɔ otsha lo luudu la Nzambi,La ekoko w’ɔngɛnɔngɛnɔ ndo wa eokelo ka losaka,Ekoko w’olui w’anto wasala fɛtɛ.+
5 Lande na kemi* bu la elongamelo?+
Lande na kele lofunguso lɔnɛ l’etei kami?
Kongɛɛ le Nzambi,+Nɛ dia dimi layowotombola oko wende Oshimbedi ami wa Woke.+
6 Nzambi kami le, dimi* laya bu la elongamelo.+
Diakɔ diamomokohɔ,+Oma l’ɛtshi ka nkɛtɛ ka Jɔrdana ndo lo tɔsɔdi ta Hɛrɛmɔna,Oma lo Dikona dia Mizara.*
7 Ashi wa dingunda mbelɛka ashi wa dingundaLo wendjo w’ahelela ayɛ.
Lambokoma ewo la asuku ayɛ tshɛ wambɔmbɔ.+
8 La yanyi, Jehowa ayɔmɛnya ngandji kande ka kɔlamelo,Ndo l’otsho, osambo ande wayonga kaamɛ la mi, dɔmbɛlɔ otsha le Nzambi ka lɔsɛnɔ lami.+
9 Layotɛ Nzambi, dive diami nte:
“Lande na kamboyombohɛ?+
Lande na kahombami mbetetaka la lonyangu l’ɔtɛ wampɛnyɔla otunyi ami?”+
10 Atunyi ami sɔkakami la lohetsho laki andjakanyi;*Lushi l’otondo vɔ wekɔ lo sɔkami vate: “Lende ele Nzambi kayɛ?”+
11 Lande na kemi* bu la elongamelo?
Lande na kele lofunguso l’etei kami?
Kongɛɛ le Nzambi,+Nɛ dia dimi layowotombola nto oko wende Oshimbedi ami wa Woke ndo Nzambi+ kami.
Nɔtɛ ka l'ɛse ka dikatshi
^ Enda Elembetshielo.
^ Kana “mbakolongamɛ anima ami.”
^ Kana “Anima ami wekɔ la mposa.”
^ Enda Elembetshielo.
^ Kana “ɔkɔkɛ.”
^ Kana “kele anima ami.”
^ Kana “anima ami.”
^ Kana “dikona dia tshitshɛ.”
^ Kana ondo “oko onto latɛtshatɛtsha weka ami.”
^ Kana “kele anima ami.”