Osambo 44:1-26
Le ɔnɔmbɔdi. Wa ana w’apami wa Kɔra.+ Maskilɛ.*
44 Nzambi le, sho takoke la atoyi aso hita,Watshɛso wakatɔkɔndɔlɛ,+Akambo wakayasale lo nshi yawɔ,Lo nshi y’edjedja.
2 Wɛ akatshanya wedja la lonya layɛ+Ko wɛ akadjashiya watshɛso laawɔ.+
Wɛ akatɛtshatɛtsha wedja ndo akawatshanya.+
3 Aha la lokuwa la ta lawɔ vɔamɛ mbakawɔshi wodja akɔ,+Ndo lonya lawɔ hita komba-konya dia vɔ mbidja otshumba.+
Koko aki la lonya layɛ l’omi, la wolo+ ayɛ ndo la osase w’oma l’elungi kayɛ,Nɛ dia wɛ akaangɛnangɛna.+
4 Nzambi le, wɛ kele nkumekanga kami;+Djanga* dia Jakɔbɔ mbidja otshumba tshɛ lo tshɛ.*
5 La wolo ayɛ mbayotokaloya andɔshi+ aso ɛkɔngɔkɔngɔ;Lo lokombo layɛ mbayotɔhɔtshahɔtsha wanɛ watɔlɔsha.+
6 Nɛ dia dimi haayaɛkɛ lo ota ami,Ndo lokuwa lami la ta halokoke shimbɛmi.+
7 Wɛ kakatoshimbɛ oma le andɔshi+ aso,Wɛ kakasha wanɛ watohetsha nsɔnyi.
8 Nzambi kayototombolaka lushi l’otondo,Ndo tayandolaka lokombo layɛ pondjo pondjo. (Sela)
9 Koko wonya ɔnɛ, wɛ ambotokasha ndo ambotosha nsɔnyi,Ndo wɛ hatshu kaamɛ l’asɔlayi aso.
10 Wɛ ekɔ lo ntetemala tokaloya ɛkɔngɔkɔngɔ oma le andɔshi aso;+Wanɛ watohetsha mbɔsaka kɛnɛ tshɛ kalangawɔ.
11 Wɛ tokimɔka dia sho mbatshatshema oko ɛkɔkɔ;Wɛ ambotohandjola l’atei wa wedja.+
12 Wɛ ambosondja anto ayɛ lo oshinga w’anyanya;+Wɛ hakondjisha ndooko wahɔ oma l’osondjelo akɔ.*
13 Wɛ ambotetɛ ɛngɔ ka lɔtɛngɔ le asukanyi aso,Ɛngɔ ka diɔnyɔ ndo ka tɔɔla le wanɛ tshɛ wotodingi.
14 Wɛ ambotetɛ ɛngɔ ka lɔsɔkɔ* l’atei wa wedja,+Ɛngɔ kele anto kinyinginyiɛka ɛtɛ.
15 Dimi ndɔwaka la nsɔnyi lushi l’otondo,Ndo lambokoma ewo la nsɔnyi,
16 L’ɔtɛ wa londjo la nsɔkɔ ndo ntɛngɔ yawɔ,L’ɔtɛ w’otunyi aso wasɔmbɔya.
17 Akambo asɔ tshɛ wambotokomɛ, koko sho hatokohe,Ndo sho hatɔnyɔdi sheke yayɛ.+
18 Etema aso hawongane;Ekolo aso hawotakwe mboka kayɛ.
19 Koko wɛ ambotominola lɛnɛ adjasɛ mbolo;Wɛ ambotokomba la wodjima wa hitɔɔ.
20 Naka takohɛ lokombo la Nzambi kasoKana naka takemɛ anya aso lo dɔmbɛlɔ otsha le jambizambi kina,
21 Onde Nzambi hatoshola dui sɔ?
Nde mbeyaka toseke ta l’otema.+
22 L’ɔtɛ ayɛ mbadiakemaso lushi l’otondo;Tambɔsama oko ɛkɔkɔ wahomba ndjakema.+
23 Etɔ. Jehowa le, lande na kɔlamayɛ?+
Emɔ! Totokashake lo pondjo.+
24 Lande na kashɛyɛ elungi kayɛ?
Lande na kamboyohɛ asui aso ndo ɔhɛnyɔhɛnyɔ aso?
25 Nɛ dia sho* tambokashema lo ditshu;Alemba aso wambohinama lo nkɛtɛ.+
26 Onɛɛ oko okimanyedi aso!+
Ototsha* l’ɔtɛ wa ngandji kayɛ ka kɔlamelo.+
Nɔtɛ ka l'ɛse ka dikatshi
^ Enda Elembetshielo.
^ Kana “Etawɔ.”
^ Kana “panda ka woke.”
^ Kana “lo oshinga awɔ.”
^ Tshɛk., “yokedi.”
^ Kana “anima aso.”
^ Tshɛk., “Ototshungole.”
