Osambo 50:1-23
Ngɛngu k’Asafu.+
50 Jehowa,* Nzambi ka waa nzambi+ ambɔtɛkɛta,Nde mbelɛka nkɛtɛOma ko etombelo ka wonya polo lo ɛɔtwɛlɔ kawɔ.*
2 Nzambi ekɔ lo mpɛta ngaingai oma lo Siɔna, olangala+ wa kokele.
3 Nzambi kaso ayoya ndo nde hatokoka ntshikala ki.+
Dja yahɛta yekɔ la ntondo kande,+Ndo lɔpɛpɛ la wolo nɔngama lalende lo wedi akɔ tshɛ.+
4 Nde mbelɛka olongo la nkɛtɛ,+Dia nombosha anto ande ate:+
5 “Nyonsanganyee ekambi ami wa kɔlamelo,Wanɛ wadja la mi sheke lo tshimbo y’olambo.”+
6 Olongo mbewoyaka losembwe lande,Nɛ dia Nzambi ndamɛ ekɔ Shushi.+ (Sela)
7 “Anto ami le, nyohokame kele ntɛkɛtɛ;Isariyɛlɛ le, dimi layota kɛnɛ keyami lo dikambo diayɛ.+
Dimi kele Nzambi, ɛɛ, Nzambi kayɛ.+
8 Dimi haakohangwɛ l’ɔtɛ w’elambo ayɛ,Kana l’ɔtɛ w’elambo ayɛ wa lotshumba w’etondo wonga tena tshɛ la ntondo kami.+
9 Dimi bu la ohomba wa mbɔsa ngɔmbɛ k’oma lo luudu layɛ,Kana mbudi* y’oma lo nkoto yayɛ.+
10 Nɛ dia nyama tshɛ ya l’okonda yami mbeyɔ,+Oyadi nyama yele lo akona kinunu (1 000).
11 Dimi mbeyaka tofudu tshɛ tele lo akona;+Nyama yaheyama mbadia ya lo oswe yami mbeyɔ.
12 Otondongaka dimi laki la ndjala, totomokotɛ,Nɛ dia nkɛtɛ y’ɛtɛtɔ ndo kɛnɛ tshɛ kele lɔkɔ kami ketɔ.+
13 Onde dimi layɔlɛ emunyi wa ngɔmbɛNdo layɔnɔ dikila dia mbudi?+
14 Eokelo ka losaka onge oko olambo ayɛ le Nzambi,+Ndo kotsha alɔkɔlɔkɔ ayɛ le Ɔnɛ-Laheme-Tshɛ;+
15 Kombelɛke* l’etena k’asui.+
Dimi layokoshimbɛ, ko wɛ ayontombola.”+
16 Koko Nzambi ayotɛ kanga kɔlɔ ate:
“Lotshungɔ lakɔna lele la yɛ la nkɔndɔla wadjango+ amiKana la ntɛkɛta dia sheke+ yami?
17 Nɛ dia wɛ petshaka ohokwelo,*Ndo wɛ tetemalaka mboka ɛtɛkɛta ami ɔkɔngɔ.*+
18 Lam’ɛnayɛ wovi, wɛ mbeetawɔka,*+Ndo wɛ mɛngɔlaka kaamɛ la akanga wa loseka.
19 Wɛ kambaka la onyɔ ayɛ dia dianganya kɛnɛ kele kɔlɔ,Ndo lokeso mamema lo lolemi+ layɛ.
20 Wɛ mbidjasɛka ko tɛkɛtaka kɔlɔ lo dikambo dia ɔnanyɔ;+Wɛ mbisholaka kɔlɔ ya* ɔna nyɔ hita.
21 Lam’akayasale akambo asɔ, dimi lakɔlama,Ko wɛ akafɔnya dia dimi layonga oko wɛ.
Koko wonya ɔnɛ dimi layanga kohangwɛ,Ndo layanga mbuta dikambo diasami la yɛ.+
22 Lam’alanganyu, nyu wanɛ wohɛ Nzambi,+ nyɔsɛdingole dui nɛ,Diaha dimi nyatshatsha, ko ndooko onto layonyotshungola.
23 Ɔnɛ lɔsa eokelo ka losaka oko olambo ande tombolakami,+Ndo lo dikambo dia ɔnɛ layela mboka k’ɔlɔlɔ,Dimi layosala dia nde mɛna panda ka Nzambi.”+
Nɔtɛ ka l'ɛse ka dikatshi
^ Kana “Kanga Lozambi, Nzambi, Jehowa.”
^ Kana “Oma lo ɛstɛ polo lo owɛstɛ.”
^ Tshɛk., “weombe wa mbudi.”
^ Kana “kɔntɛndɛke.”
^ Tshɛk., “mbokaka ɛtɛkɛta ami l’ɔkɔngɔ ayɛ.”
^ Kana “wetshelo.”
^ Kana ondo “wɛ mbɔtɔka l’ɔnɔngɔ ande.”
^ Kana “mɔnyɔlaka.”
