Osambo 52:1-9
Le ɔnɔmbɔdi. Maskilɛ.* Wa Davidɛ, etena kakaye Dɔɛngɛ ose Ɛdɔmɛ ndo kakandayotɛ Saolo ate Davidɛ amboya lo luudu laki Ahimɛlɛkɛ.+
52 Wɛ kanga wolo le, lande na kayafunayɛ l’ɔtɛ w’etsha ayɛ wa kɔlɔ?+
Ngandji ka kɔlamelo ka Nzambi tshikalaka lushi l’otondo.+
2 Lolemi layɛ la mpɛmɔ oko ɛrɛswara,+Kongɛka dia nsala kɔlɔ ndo kesaka.+
3 Wɛ nangaka kɔlɔ oleki ɔlɔlɔ,Mbuta kashi oleki mbuta kɛnɛ kosembwe. (Sela)
4 Wɛ nangaka ɔtɛkɛta tshɛ wa kɔlɔ,Wɛ lolemi la lokeso!
5 Diakɔ diayokohandjola Nzambi mbala ɔtɔi lo pondjo;+Nde ayokɔsa ko ayokotawola oma lo luudu layɛ la dipɛma;+Nde ayokokundola oma lo wodja wa wanɛ wasɛna.+ (Sela)
6 Anto w’ɛlɔlɔ wayɛna dui sɔ ko wayolola tɔɔ la wɔma,+Ndo vɔ wayowɔla+ vate:
7 “Onto laki kombetɛ Nzambi eshamelo*+ kande nde ɔnɛ,Koko nde akayaɛkɛ lo ɔngɔnyi ande w’efula+Ndo akayaɛkɛ lo* toseke tande ndamɛ ta kɔlɔ.”*
8 Koko dimi layonga lo luudu la Nzambi oko osongo w’ɔlivɛ wele l’akatshi efula,Ɛkamelo kami kekɔ lo ngandji ka kɔlamelo kaki Nzambi,+ pondjo pondjo.
9 Dimi layokotombolaka pondjo pondjo l’ɔtɛ wa kɛnɛ kamboyosala;+Lale anto ayɛ wa kɔlamelo,Dimi layolongamɛka lo lokombo layɛ,+ nɛ dia dui sɔ diekɔ ɔlɔlɔ.
Nɔtɛ ka l'ɛse ka dikatshi
^ Enda Elembetshielo.
^ Kana “longele.”
^ Kana “akɔtɔ lo hiombo ya.”
^ Tshɛk., “paa y’oma le nde.”
