Osambo 55:1-23
Le ɔnɔmbɔdi; wayembama kaamɛ la dihomahoma di’eshinga. Maskilɛ.* Wa Davidɛ.
55 Nzambi le, ohokame dɔmbɛlɔ diami,+Ndo tonyake yimba lo ɔsɛngɔsɛngɔ ami wa mbokama kɛtshi.*+
2 Ombidje yimba ndo onkadimole.+
Dui diele la mi kiyanya kami,+Ndo lambohandjɔ wɔɔngɔ
3 L’ɔtɛ wa kɛnɛ kata otunyiNdo pɛpɔ y’oma le kanga kɔlɔ.
Nɛ dia vɔ mɔtshɛkami efukutanu,Ndo la nkɛlɛ tshɛ vɔ mombɛkami kumbɛkumbɛ.+
4 Otema ami wekɔ la lɔkɔnyɔ l’etei kami,+Ndo wɔma wa nyɔi wambonkonya ewo.+
5 Wɔma la lokomba wambominda,Ndo dimi lambodidima.
6 Dimi tetemalaka mbuta nte: “Otomonga la ahafu oko fudu k’enga lee!
Tshike dimi lotofumbɔ ko todjasɛ lo dihole dia ki.
7 Eenda, dimi lotolawɔ etale.+
Lototodjasɛ lo oswe.+ (Sela)
8 Lotosamanya otsha lo dihole diele la hiomboMangana etale la lɔpɛpɛ la wolo, etale la lɔhɛlɛdi la wolo.”
9 Jehowa le, djawɔ lo okandokando ndo fukutanya dikongelo diawɔ,*+Nɛ dia dimi lambɛna awui wa ngala ndo ewanu lo osomba.
10 Otsho la yanyi vɔ mbetetaka lo mpele diawɔ;Awui wa kɔlɔ ndo ofukutanu wekɔ l’etei kawɔ.+
11 Elanyelo kekɔ l’atei awɔ;Mpɛnyɔ ndo lokeso watamɔka ndooko lushi oma lo sɛkɛ diawɔ.+
12 Nɛ dia aha otunyi ami kansɔka;+Otondonga ngasɔ tshike lotokikɛ.
Aha ɔndɔshi kambonɛɛ dia ndɔshami;Otondonga ngasɔ tshike lotoyashɛ oma le nde.
13 Koko wɛ, onto lele oko dimi,*+Ɔngɛnyi ami hita weyami dimɛna.+
14 Sho taki la lɔngɛnyi la dimɛna;Takatshɔka lo luudu la Nzambi kaamɛ la olui w’anto.
15 Elanyelo kawakume!+
Vɔ waholɔ otsha lo Diombo* ɛsɛnyu;Nɛ dia kɔlɔ mbidjasɛ kaamɛ la wɔ ndo l’etei kawɔ.
16 Lo wedi ami, dimi layowelɛ Nzambi,Ndo Jehowa ayonshimbɛ.+
17 La dikɔlɔ, la pindju ndo la midi, dimi tshimbaka wɔɔngɔ ndo dimi kumaka akumu,+Ko nde mbokaka dui diami.+
18 Nde ayombitsha* ndo ayombisha wɔladi oma le wanɛ wandɔsha,*Nɛ dia nyemba y’anto yekɔ lo ndɔshami.+
19 Nzambi ayoka ndo ayowakadimola,+Ɔnɛ lodjashi lo kiti ka lowandji oma ko edjedja.+ (Sela)
Vɔ wayotona dia nsala etshikitanu,Wanɛ wahoke Nzambi wɔma.+
20 Nde* akalɔsha wanɛ wele ki la nde;+Nde akɔnyɔla sheke yande.+
21 Ɛtɛkɛta ande wekɔ ɔsɛlɔ ndeka matɛka,+Koko vɔ ndɔshanaka lo otema ande.
Ɛtɛkɛta ande wekɔ amɛna ndeka esɔ,Koko wekɔ tokuwa ta ta tambowɔsɔmɔla.+
22 Kitsha wotsho ayɛ le Jehowa,+Ko nde ayokosukɛ.+
Nde hetawɔki pondjo dia onto ɔlɔlɔ nkɔ.*+
23 Koko Nzambi le, wɛ ayowatɔla lo difuku dia ɔhɔngɔ efula.+
Wanɛ wele la onongo wa dikila ndo akanga wa lokeso hawotɔsɛna kaanga k’ahende ɔtɔi ka nshi yawɔ.+
Koko le mi, dimi layoyaɛkɛ le yɛ.
Nɔtɛ ka l'ɛse ka dikatshi
^ Enda Elembetshielo.
^ Kana “Ndo toyashɛke lam’alɔmbami ekimanyielo.”
^ Tshɛk., “kakitola lolemi lawɔ.”
^ Kana “onto, ɔnɛ lɛdimi la mi.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Tshɛk., “ayontshungola.”
^ Kana “walɔsha anima ami.”
^ Mbuta ate ɔngɛnyi wa ntondo wɔtɛkɛtami lo div. 13 ndo 14.
^ Kana “nsɛlɔ; ndjɛkayɛka.”
