Osambo 56:1-13
Le ɔnɔmbɔdi; kongɛma lo “Fudu k’enga kɔlama kele etale.” Wa Davidɛ. Mikitama.* Etena kakawonde ase Filistiya la Ngata.+
56 Nzambi le, omboke kɛtshi, nɛ dia onto okovɔ ekɔ lo ndɔshami.*
Lushi l’otondo, vɔ wekɔ lo ntetemala ndɔshami ndo pɛnyɔlami.
2 Andɔshi ami wekɔ lo ntetemala mindami lushi l’otondo;Efula wekɔ lo ndɔshami la otako tshɛ.
3 Etena kokami wɔma,+ dimi ndjaɛkɛka le yɛ.+
4 Le Nzambi, ɔnɛ latombolami ɔtɛkɛta ande,Le Nzambi kayaɛkɛmi; dimi haloke wɔma.
Kakɔna kakoka onto* salɛmi?+
5 Lushi l’otondo, vɔ ndanyaka wahɔ ami;Kanyi yaamɛ yele la wɔ ele ya salɛmi kɔlɔ.+
6 Vɔ ndjashɛka dia ndɔsha;Vɔ mendaka wanya ami tshɛ,+Walongamɛ dia mbɔsa lɔsɛnɔ* lami.+
7 Kashawɔ l’ɔtɛ wa kɔlɔ kawɔ.
Nzambi le, kɔsha wedja lo nkɛlɛ kayɛ.+
8 Wɛ ndjelaka mboka kekekɔmi.+
Odje asɔyi ami lo ɔlɔndɔ ayɛ wa dikoho.+
Shi vɔ fundama lo dibuku diayɛ?+
9 Atunyi ami wayokalola ɛkɔngɔkɔngɔ lushi layomoyanga ekimanyielo.+
Lekɔ l’eshikikelo nte: Nzambi ekɔ lo wedi ami.+
10 Le Nzambi, ɔnɛ latombolami ɔtɛkɛta ande,Le Jehowa, ɔnɛ latombolami ɔtɛkɛta ande,
11 Le Nzambi kayaɛkɛmi; dimi haloke wɔma.+
Kakɔna kakoka onto salɛmi?+
12 Nzambi le, dimi kelekama lo alɔkɔlɔkɔ ami le yɛ;+Dimi layokotɛ ɛtɛkɛta wa eokelo ka losaka.+
13 Nɛ dia wɛ akantshungola* oma lo nyɔi+Ndo akashimbe ekolo ami diaha vɔ ntakana,+Dia dimi nkɛndakɛnda la ntondo ka Nzambi lo osase wa wanɛ wasɛna.+
Nɔtɛ ka l'ɛse ka dikatshi
^ Enda Elembetshielo.
^ Kana “mindami.”
^ Tshɛk., “emunyi.”
^ Kana “anima.”
^ Kana “akatsha anima ami.”