Osambo 59:1-17
Le ɔnɔmbɔdi; kongɛma lo “Tolanyake.” Wa Davidɛ. Mikitama.* Etena kakatome Saolo anto dia tolama luudu la Davidɛ dia mbodiaka.+
59 Nzambi le, ombitsha oma le atunyi ami;+Onkokee oma le wanɛ wandɔsha.+
2 Ombitsha oma le wanɛ wasala akambo wa kɔlɔ,Ndo onshimbee oma le akanga wa ngala.*
3 Eenda, vɔ wambompolamɛ;*+Apami wa wolo wekɔ lo ndɔshamiKoko Jehowa le, aha l’ɔtɛ w’ɔnɛ dimi lakatɔmbɔkɔ kana lakasale pɛkato.+
4 Kaanga kakimi kosala ndooko kɔlɔ, vɔ ndawɔka ndo ndjalɔngɔsɔlaka dia ndɔsha.
Onɛɛ lam’aketami kele yende.
5 Nɛ dia Jehowa Nzambi kanga lolembelembe le, wɛ kele Nzambi k’Isariyɛlɛ.+
Emɔ kele dja wedja tshɛ yimba.
Tokake afungi tshɛ wa kɔlɔ kɛtshi.+ (Sela)
6 Vɔ kalolaka dikɔlɔ+ tshɛ;Vɔ pangɔka oko mfɔ+ ndo vɔ tshimbaka osomba.+
7 Ohenda kɛnɛ kahongɔ* oma l’enyɔ awɔ;Ɛlɔmɔ awɔ wekɔ oko tokuwa ta ta,+Nɛ dia vɔ mbutaka vate: “Akɔna ahokamɛ?”+
8 Koko Jehowa le, wɛ ayowaɔla;+Wɛ ayɔnyɔla wedja tshɛ.+
9 Wolo ami le, dimi layendɛka le yɛ;+Nɛ dia Nzambi kele eshamelo kami k’oshika.+
10 Nzambi katɔmɛnyaka ngandji ka kɔlamelo ayoyonkimanyiya;+Nzambi ayosala dia dimi mɛna ɔkwɛlɔ w’andɔshi+ ami.
11 Towadiakake, diaha anto ami ndjohɛ.
Lo wolo ayɛ, sala dia vɔ tekekɔka;Jehowa engawo+ kaso le, sala dia vɔ nkɔ.
12 L’ɔtɛ wa pɛkato ka l’enyɔ awɔ, ɔtɛkɛta wa l’ɛlɔmɔ awɔ,Vɔ wandame l’ɔtɛ w’otako awɔ,+L’ɔtɛ wa mananu ndo awui wa lokeso watawɔ.
13 Shilawɔ oshiki lo odudu ayɛ;+Shilawɔ oshiki, kele watongake nto;Sala dia vɔ mbeya ɔnɛ Nzambi ekɔ lo mbolɛ lo Jakɔbɔ ndo lo tokoma ta nkɛtɛ.+ (Sela)
14 Vɔ wakalole la dikɔlɔ;Vɔ wahangɔke oko mfɔ ndo watshimbake osomba.+
15 Vɔ wekekɔke dia nyanga ɛngɔ ka ndɛ;+Tetawɔke dia vɔ ndota kana ntana mpango.
16 Koko le mi, dimi layemba lo dikambo dia wolo ayɛ;+La pindju dimi layotaka la ɔngɛnɔngɛnɔ tshɛ dia ngandji kayɛ ka kɔlamelo.
Nɛ dia wɛ kele eshamelo kami k’oshika+Ndo dihole dia dimi ndawɔ lo tena diami di’asui.+
17 Wolo ami le, wɛ kayomembɛka esambo wa lotombo,*+Nɛ dia Nzambi kele eshamelo kami k’oshika, Nzambi kamɛnya ngandji ka kɔlamelo.+
Nɔtɛ ka l'ɛse ka dikatshi
^ Enda Elembetshielo.
^ Kana “wanɛ wele la mposa ka dikila.”
^ Kana “wamboholamɛ anima ami.”
^ Kana “kakɛla.”
^ Kana “kayomohomɛka mishiki.”
