Osambo 67:1-7
Le ɔnɔmbɔdi; wayembama kaamɛ la dihomahoma di’eshinga. Ngɛngu. Osambo.
67 Nzambi ayotooka kɛtshi ndo ayotɔtshɔkɔla;Nde ayotɔhɛtshɛ elungi kande+ (Sela)
2 Dia mboka kayɛ mbeyama lo nkɛtɛ k’otondo,+Etsha ayɛ wa panda l’atei wa wedja tshɛ.+
3 Nzambi le, anto wakotombole;Anto tshɛ wakotombole.
4 Wedja wangɛnɛngɛnɛ ndo wade ekoko w’ɔngɛnɔngɛnɔ,+Nɛ dia wɛ ayolombosha anto la losembwe.+
Wɛ ayɔlɔmbɔla wedja wa la nkɛtɛ. (Sela)
5 Nzambi le, anto wakotombole;Anto tshɛ wakotombole.
6 Nkɛtɛ yayɔngɔnya diangɔ;+Nzambi, ɛɛ, Nzambi kaso ayotɔtshɔkɔla.+
7 Nzambi ayotɔtshɔkɔla,Ndo tokoma tshɛ ta nkɛtɛ tayowooka wɔma.*+
Nɔtɛ ka l'ɛse ka dikatshi
^ Kana “tayowɔlɛmiya.”
