Osambo 74:1-23
Maskilɛ.* Wa Asafu.+
74 Nzambi le, lande na kamboyotokasha pondjo?+
Lande na kambodɔdwɛ nkɛlɛ kayɛ* ɛkɔkɔ walongayɛ?+
2 Ohɔ anto ayɛ* wakayakondja ambeta edja,+Dioho diakayatshungola oko etenyi kayɛ k’okitɔ.+
Ohɔ Dikona dia Siɔna, lɛnɛ akayadjasɛka.+
3 Lɔmbɔla wanya ayɛ otsha lo elanyelo kayotshikala edja.+
Otunyi ambolanya ɛngɔ tshɛ lo dihole di’ekila.+
4 Andɔshi ayɛ wekɔ lo mpangɔhangɔ lo dihole diayɛ dia losanganya.*+
Vɔ wambodja tolembetelo tawɔ hita lɛkɔ oko bɛnyɛlɔ.
5 Vɔ waki oko anto watɛmbɛ tɔshɔka dia nkɔta okonda wa ngamba.
6 Vɔ wakodiodia ave wa lɔkɔ tshɛ wele l’asango+ la tɔshɔka ndo la esembe wa mbolo.
7 Vɔ wakatshumbe tɛmpɛlɔ kayɛ k’ekila.+
Vɔ wakɔnyɔla tabɛrnaklɛ kele la lokombo layɛ, wakakikɔsha la nkɛtɛ.
8 Vɔ la anawɔ wakate l’etema awɔ vate:
“Ahole tshɛ waki Nzambi wa nsanganya* wele lo wodja la dia tshumbama.”
9 Taya bu la tolembetelo takokaso mɛna;Taya ndooko la omvutshi,Ndo ndooko onto l’atei aso leya polo l’etena kakɔna kayoviya dikambo nɛ.
10 Nzambi le, polo l’etena kakɔna kayotetemala ɔndɔshi la ntɛngɔ?+
Onde otunyi ayɔnyɔlaka lokombo layɛ pondjo pondjo?+
11 Lande na kakaloyayɛ lonya layɛ ɛkɔngɔkɔngɔ, ɛɛ, lonya layɛ l’omi?+
Nyalɔ oma lo ntolo kayɛ* ndo shilawɔ oshiki.
12 Koko Nzambi ekɔ Nkumekanga kami oma ko edjedja,Ɔnɛ lasala akambo wa panda la nkɛtɛ.+
13 Wɛ akasutshasutsha ndjale la wolo ayɛ;+Wɛ akatɛtshatɛtsha ɛtɛ wa shimamba ya lo nkushi.
14 Wɛ akaminola ɛtɛ wa Leviatana;*Wɛ akalikimɔ oko mbo ya ndɛ le anto, le wanɛ wadjasɛ l’eswe wa shɛnga.
15 Wɛ mbataka mboka dikambo dia tɛkɔ ndo tɔkɛdikɛdi;+Wɛ akoonya ɛkɛdi wookongaka.+
16 Wɛ kakanga yanyi kaamɛ la otsho.
Wɛ akasale osase* ndo wonya.+
17 Wɛ akadje elelo tshɛ wa nkɛtɛ;+Wɛ akasale eleko k’ɔwɔ la k’avula.*+
18 Jehowa le, ohɔ ntɛngɔ y’otunyi,Woho wɔnyɔla akanga wa dinginya lokombo layɛ.+
19 Tokimɔke lɔsɛnɔ* la fudu kayɛ k’enga le nyama ya l’okonda.
Tohɛke lɔsɛnɔ la amɛnyi mfɔnu ayɛ lo pondjo.
20 Ohɔ sheke,Nɛ dia ahole wa wodjima wa la nkɛtɛ waya ahole wambolola tɔɔ la akambo wa ngala.
21 Ɔnɛ lambominɔma atɛmbake ɛkɔndjɔ;+Mbolambola ndo ose wola watombolake lokombo layɛ.+
22 Nzambi le, onɛɛ ndo samba dikambo diayɛ lo kilombo.
Ohɔ woho wakɔtɛnga kanga enginya lushi l’otondo.+
23 Tohɛke kɛnɛ kata andɔshi ayɛ.
Londjo la wanɛ wakɔlɔsha lekɔ lo mbidɛ wonya tshɛ.
Nɔtɛ ka l'ɛse ka dikatshi
^ Enda Elembetshielo.
^ Tshɛk., “katondja nkɛlɛ kayɛ edinga.”
^ Tshɛk., “olui ayɛ w’anto.”
^ Kana “dihole diayɛ dia losanganya la woke.”
^ Kana “Ahole tshɛ watɛmɔma Nzambi.”
^ Kana “oma lo afunda wa dihɔndɔ diayɛ.”
^ Enda Elembetshielo.
^ Kana “diangɔ diasha osase.”
^ Kana “eleko ka tshitshi.”
^ Kana “anima.”
