Osambo 75:1-10
-
Nzambi nomboshaka la losembwe
-
Akanga wa kɔlɔ wayɔnɔ dikɔhɔ dia Jehowa (8)
-
Le ɔnɔmbɔdi. Kongɛma lo ngɛngu ka “Tolanyake.” Wa Asafu.+ Osambo.
75 Nzambi le, wɛ kashaso losaka, wɛ kashaso losaka;Lokombo layɛ lekɔ suke,+Ndo anto wekɔ lo mbewoya akambo ayɛ wa diambo.
2 Wɛ mbutaka wate: “Lam’ashikikɛmi etena,Dimi nomboshaka la losembwe.
3 Lam’akadidima* nkɛtɛ ndo wanɛ tshɛ wele lɔkɔ,Dimi kakashikikadia dikundji diatɔ nge.” (Sela)
4 Dimi mbutɛka kanga ofunu nte: “Tofunake,”
Ndo kanga kɔlɔ nte: “Todiyake wolo* ayɛ.
5 Tanyodiyake wolo* anyu polo la dikoKana ntɛkɛta la lotamanya tshɛ.
6 Nɛ dia wodiyamelo hawoyeOma lo ɛstɛ kana lo owɛstɛ kana lo sidɛ.
7 Nɛ dia Nzambi ekɔ Shushi.+
Nde poloyaka onto ɔmɔtshi ndo mbidiyaka okina.+
8 Nɛ dia dikɔhɔ diekɔ lo lonya la Jehowa;+Wanu wekɔ lo nkundɔkundɔ ndo ndola tɔɔ la didjadja.
Lo mɛtɛ nde ayowatshola,Ndo akanga wa kɔlɔ tshɛ wa la nkɛtɛ wayowanɔ, polo ndo ɛkɔngɔ.”+
9 Koko le mi, dimi layewoyaka dui sɔ pondjo pondjo;Dimi layembɛka Nzambi ka Jakɔbɔ esambo wa lotombo.*
10 Nɛ dia nde mbutaka ate: “Dimi layoshidiya wolo* tshɛ w’akanga wa kɔlɔ,Koko wolo* w’anto w’ɛlɔlɔ wayodiyama.”
Nɔtɛ ka l'ɛse ka dikatshi
^ Tshɛk., “Lam’akalɛlɔ.”
^ Tshɛk., “loseke.”
^ Tshɛk., “loseke.”
^ Kana “layohomaka mishiki.”
^ Tshɛk., “nseke.”
^ Tshɛk., “nseke.”
