Osambo 76:1-12
Le ɔnɔmbɔdi; wayembama kaamɛ la dihomahoma di’eshinga. Ngɛngu k’Asafu.+ Osambo.
76 Nzambi mbeyamaka lo Juda;+Lokombo lande lekɔ woke lo Isariyɛlɛ.+
2 Salɛma kele hiombo yande,+Ndo Siɔna kele edjaselo kande.+
3 Lɛkɔ, nde akawɛlɛ mpito yalombalomba ya ota,Engawo, lokuwa la ta ndo dihomɔ dikina dia ta.+ (Sela)
4 Wɛ pɛtaka ngaingai;*Wɛ ekɔ diambo efula ndeka akona wandama nyama.
5 Diangɔ dia wanɛ wele la etema wa dihonga diakambama.+
Vɔ wambɔkɔ la djɔ;Andɔshi wa ta tshɛ komonga la okimanyedi.+
6 Oma lo lohango layɛ, wɛ Nzambi ka Jakɔbɔ,Ombahemi wa pusupusu ndo mfalasa wambɔkɔ la djɔ ya baku.+
7 Wɛmɛ oto kokama wɔma.+
Akɔna akoka memala la ntondo ka nkɛlɛ kayɛ ka wolo?+
8 Wɛ akasambola kilombo oma l’olongo;+Nkɛtɛ yakandama la wɔma ndo yakatshikala ki+
9 Lam’akonɛɛ Nzambi dia nombosha,Dia nshimbɛ akanga wa memakana tshɛ wa la nkɛtɛ.+ (Sela)
10 Nɛ dia nkɛlɛ k’onto kayokimanyiya dia wɛ tombɔma;+Wɛ ayoyalɛnga la yema ya nkɛlɛ kawɔ katshikala.
11 Nyotshike alɔkɔlɔkɔ anyu le Jehowa Nzambi kanyu ndo nyaakotsha,+Wanɛ tshɛ wele suke la nde wela woshasha awɔ la wɔma.+
12 Nde ayokitshakitsha lotamanya* laki ɛnɔmbɔdi;Nde mbotshaka nkumi ya dikanga ya la nkɛtɛ wɔma.