Osambo 81:1-16
Le ɔnɔmbɔdi; kongɛma lo Ngititɛ.* Wa Asafu.+
81 Nyodee Nzambi, wolo aso+ ekoko w’ɔngɛnɔngɛnɔ.
Nyodee Nzambi ka Jakɔbɔ ekoko w’otshumba.
2 Nyotate la mishiki ndo nyɔshi ngɔmɔ,Lɔsɛsɛ lele la ngɛngu kaamɛ ndo ehomahoma k’eshinga.
3 Nyode wɔɔndjɔ lo valelo ya ngɔndɔ,+Lam’onga ngɔndɔ emuma, lushi la fɛtɛ+ kaso.
4 Nɛ dia ɔsɔ ekɔ didjango le Isariyɛlɛ,Yɛdikɔ y’oma le Nzambi ka Jakɔbɔ.+
5 Nde akayishikikɛ oko diohwelo le Yɔsɛfu+Lam’akandatshu dia tɔlɔsha wodja w’Edjibito.+
Dimi lakoke dui* diakimi kombeya, diata ate:
6 “Dimi lakaholoya oshikɔ oma lo dihɛka diande;+Lakanya kisaka oma lo anya ande.
7 Wɛ akelɛ lam’akiyɛ lo asui, ko dimi lakakotshungola;+Dimi lakakokadimola oma lo dinge dia dikungola.*+
Dimi lakakohembe lo ashi wa Meriba.*+ (Sela)
8 Wodja ami le, ompokame, ko dimi layɔtɛkɛta lo dikambo diayɛ.
Isariyɛlɛ le, otoyompokamɛ lee!+
9 Ndooko jambizambi kina yayonga lakayɛ,Ndo wɛ hatokusamɛ jambizambi kina.+
10 Dimi Jehowa kele Nzambi kayɛ,Ɔnɛ lakakotondja oma lo wodja w’Edjibito.+
Asɛ onyɔ ayɛ, ko dimi layowolodia.+
11 Koko wodja ami kompokamɛ dui diami;Isariyɛlɛ kondjakitshakitsha l’ɛse kami.+
12 Ɔnkɔnɛ, dimi lakaatshike dia vɔ ndjela etema awɔ wa lonyu;Vɔ wakasalaka kɛnɛ kakawafɔnyaka dia kekɔ ɔlɔlɔ.*+
13 Otondonga wodja ami wakampokamɛ lee!+Otondonga Isariyɛlɛ akakɛndakɛnda lo mboka yami lee!+
14 Tshike dimi lotaalɛndjɛ atunyi awɔ esadi eto;Dimi lotokadimola lonya lami otsha le andɔshi awɔ.+
15 Wanɛ wahetsha Jehowa wayakula la ntondo kande,Ndo ekomelo* kawɔ kayonga pondjo pondjo.
16 Koko nde ayokolesha* eponga woleki amɛna*+Ndo ayokolotsha la osanga w’oma lo dive.”+
Nɔtɛ ka l'ɛse ka dikatshi
^ Enda Elembetshielo.
^ Kana “ɔtɛkɛta.”
^ Kitshimudi ate: “Owanu.”
^ Tshɛk., “dihole dia woshamu dia dikungola.”
^ Tshɛk., “Vɔ wakakɛndakɛnda lo alako awɔ.”
^ Tshɛk., “etena.”
^ Tshɛk., “ayowolesha,” mbuta ate wodja waki Nzambi.
^ Tshɛk., “wata w’eponga.”