Osambo 82:1-8
Ngɛngu k’Asafu.+
82 Nzambi ambɔsa dihole diande lo losanganya la lozambi;*+Nde ekɔ lo nombosha l’atei wa tozambizambi*+ ate:
2 “Polo l’etena kakɔna kayonyotetemala nombosha aha la losembwe+Ndo monga la shɔnɔdi le akanga wa kɔlɔ?+ (Sela)
3 Nyɔtɛkɛtɛɛ* mbolambola la ɔna etshike.+
Nyosambole dikambo dia ɔnɛ laha l’okimanyedi ndo ohombi.+
4 Nyotsha mbolambola la ose wola;Nyowashimbee oma l’anya w’akanga wa kɔlɔ.”
5 Vɔ haweye ndo hawoshihodia;+Vɔ wekɔ lo teteta lo wodjima;Atshina tshɛ wa nkɛtɛ wekɔ lo sutshasutshama.+
6 “Dimi lakate nte: ‘Nyu nyekɔ tozambizambi,*+Nyu tshɛ nyekɔ ana wa Ɔnɛ-Laheme-Tshɛ.
7 Koko nyu nyayovɔ oko wavɔ anto;+Ndo oko owandji okina tshɛ mbayonyɔkɔ!’”+
8 Nzambi le, onɛɛ kele lombosha nkɛtɛ,+Nɛ dia wedja tshɛ wayɛ mbewɔ.
Nɔtɛ ka l'ɛse ka dikatshi
^ Kana “lo losanganya laki Kanga Lozambi.”
^ Kana “wanɛ wele oko nzambi.”
^ Kana “Nyolombosha.”
^ Kana “wanɛ wele oko nzambi.”
