Osambo 84:1-12
Le ɔnɔmbɔdi; kongɛma lo Ngititɛ.* Wa ana w’apami wa Kɔra.+ Ngɛngu.
84 Ande ngandji* kokami Tabɛrnaklɛ kayɛ ka diambo lee,+Wɛ Jehowa kanga lolembelembe!
2 Tshondo* yami tshɛ nomɔlomɔka,Eelo, dimi mbokaka nsaki k’efula,Ka asɛkɛ wa Jehowa.+
Otema ami ndo emunyi ami mbidɛka Nzambi kasɛna ekoko w’ɔngɛnɔngɛnɔ.
3 Kaanga fudu tanaka ngelo lɛkɔNdo yɛngɛnga ndjatanɛka kefu,Lɛnɛ akokɛyɔ anayɔSuke la elambwelo kayɛ ka diambo, wɛ Jehowa kanga lolembelembe,Nkumekanga kami ndo Nzambi kami!
4 Ɔngɛnɔngɛnɔ le wanɛ wadjasɛ lo luudu layɛ!+
Vɔ tetemalaka kotombola.+ (Sela)
5 Ɔngɛnɔngɛnɔ le anto wakondja wolo le yɛ,+Wanɛ wele etema awɔ mbɛlɛ otsha lo ɛsɛsɛ wa weke.
6 Etena katenyanyawɔ Okidi wa Baka,*Vɔ mbeetɛka dihole dia tɛkɔ di’ashi;Ndo mvula y’alɔhɔki mbɔlɔtshaka* la ɛtshɔkɔ.
7 Vɔ wayɔkɛndakɛndaka oma lo wolo otsha lo wolo;+Onto l’onto mɛnamaka la ntondo ka Nzambi lo Siɔna.
8 Jehowa Nzambi kanga lolembelembe le, ooke dɔmbɛlɔ diami;Ohokame, wɛ Nzambi ka Jakɔbɔ. (Sela)
9 Eenda, wɛ engawo+ kaso ndo Nzambi kaso,*Enda elungi k’okitami ayɛ w’esɔ.+
10 Nɛ dia lushi ɔtɔi lo asɛkɛ ayɛ ndeka nshi kinunu (1 000) dihole dikina tshɛ!+
Dimi lambɔsɔna dia memala la soko dia luudu la Nzambi kamiLo dihole dia mbidjasɛ lo mvudu y’apɛma y’akanga wa kɔlɔ.
11 Nɛ dia Jehowa Nzambi ekɔ wonya+ ndo engawo;+Nde pomuyaka lokolo l’ɔlɔ ndo mbishaka lotombo.
Jehowa hatodima ɛngɔ tshɛ k’ɔlɔlɔLe wanɛ wakɛndakɛnda lo olowanyi.+
12 Jehowa kanga lolembelembe le,Ɔngɛnɔngɛnɔ le onto layaɛkɛ le yɛ.+
Nɔtɛ ka l'ɛse ka dikatshi
^ Enda Elembetshielo.
^ Kana “ngandji k’efula.”
^ Kana “Anima.”
^ Kana “okidi wa hioka y’esongo wa baka.”
^ Kana ondo “Ndo ombetsha ndjaɔmbaka.”
^ Kana ondo “Enda engawo kaso, wɛ Nzambi.”
