Osambo 85:1-13
Le ɔnɔmbɔdi. Wa ana w’apami wa Kɔra.+ Ngɛngu.
85 Jehowa le, wɛ akahomuya wodja ayɛ+ lokolo l’ɔlɔ;Wɛ akakaloya aseka Jakɔbɔ wakandama mfumbe.+
2 Wɛ akakimwɛ anto ayɛ munga kawɔ;Wɛ akadimanyiya* pɛkato yawɔ tshɛ.+ (Sela)
3 Wɛ akanya odudu ayɛ tshɛ;Wɛ akakadimɔ oma lo nkɛlɛ kayɛ ka wolo.+
4 Otokaloya,* wɛ Nzambi ka panda kaso,Ndo okitsha yɛnyi yatokayɛ l’omamu.+
5 Onde wɛ ayotomalɛ pondjo?+
Onde wɛ ayotaloya nkɛlɛ kayɛ lo lɔlɔnga la lɔlɔnga?
6 Onde wɛ hatosala dia sho nsɛna ntoDia anto ayɛ ngɛnangɛna le yɛ?+
7 Jehowa le, otɛnya ngandji kayɛ ka kɔlamelo,+Ndo otosha panda kayɛ.
8 Dimi layohokamɛka kɛnɛ kata Jehowa Nzambi ka mɛtɛ,Nɛ dia nde ayɔtɛkɛta l’anto ande,+ la ekambi ande wa kɔlamelo lo wɔladi,Koko vɔ watokadimɔke lo ndjadiya.+
9 Lo mɛtɛ, panda kande kekɔ suke la wanɛ wawooka wɔma,+Kele lotombo lande kalodjasɛ lo wodja aso.
10 Ngandji ka kɔlamelo ndo kɔlamelo wayosangana;Losembwe ndo wɔladi wayoshana bizɛ.+
11 Kɔlamelo yayotomba oma lo nkɛtɛ,Ndo losembwe layenda oma l’olongo.+
12 Eelo, Jehowa ayokimɔ kɛnɛ kele ɔlɔlɔ,*+Ndo nkɛtɛ yaso yayokimɔ dinela diayɔ.+
13 Losembwe layɔkɛndakɛndaka la ntondo kande+Ndo layatɛka wanya ande mboka.
